    2015年7月25 日~WEDDING PARTY ，當日真的很開心能夠在一班疼鍚自己既家人、親戚，及認識多年既好友見證下完成我倆夢幻般的婚禮，在此仍想多謝在場既兄弟姐妹及司儀既幫助下令這個婚宴變更完滿，多謝媽咪同亞嵐同我一齊籌備婚禮既鎖碎事宜，THANK YOU
我一直以為果晚時間應該無我想象中忙，但原來吾係架！真係好忙，忙到無時間食野，但幸好回到家又吾係想象中的累，仲可以慢慢坐低食返為我地準備既宴菜，真好呢！
我果晚既致詞於兩星期前已開始慢慢諗定，諗住練左咁多次應該到時上台都吾會喊掛，結果都係喊既 HAHA ^^ 但無想到我既王子比我更感性...喊到講吾到野.....真係好可愛呢!
但我最無諗到既感動位係~姑姐拎祖父母留下來既金飾出黎時，她說係他們留低比你既....那時候我既淚水不停湧出..就連現在打返出黎，我都係眼濕濕的。 多謝我既祖父母同埋外祖父，我知道你地一直都好錫我~由細到大都係，雖然~你地已經離開左我地，但我知你地仍然一直守護住我地！多謝....
其實果日想多謝既不只我既父母、長輩，想多謝既仲有好多好多人...但又因時間問題所以不能全部說出，而家我在此多謝所有愛我錫我既家人親戚同好友，THANKＹＯＵ ！
但當然我更想多謝我既王子興興，多謝你既出現，多謝你勇敢既追求，多謝你既包容，多謝你既一切一切。。。。
Ｉ ＬＯＶＥ ＹＯＵ ＳＯ ＭＵＣＨ ︿Ｏ ＜
分類: 未分類 |
