今日係開學第三日，都開始慣....第一日番學嗰陣，其實我都幾擔心上miss lee堂，好彩佢其實都唔係好嚴，只可以話有要求。呢幾日由我唔想接近佢到而家慢慢變到冇所謂。其實我都唔知係唔係仲中意佢，我其實到而家都會在乎佢既存在，一見到佢，我都會避佢，例如我見佢用梗locker我會唔去用，等佢用完先，係遠處見到佢避佢，其實我而家都幾辛苦，一聽到其他人提起佢，我都會即刻唔開心....唔想提佢..但係我又唔可以同人地講可唔可以唔提佢....我要做到冇發生過任何事...所以一邊我要忍住聽人提佢，一邊又要扮冇野守住。呢件事得幾個人知，其實我好懷疑佢仲中意我，佢個位明明唔應該經我身邊條路去，但佢呢2日都經我身邊過...仲要明明佢係應該行另一邊行去部機...但佢行過我身邊再兜過去.....明明另外嗰邊仲快....咁都唔算...我當值...當完值係pe堂，因為我同紅章傾下今日既事，佢就係3樓落嚟，應該係去上pe...但又唔知做咩係2樓同盧駿迪一齊企係走廊...我仲不時同佢對上眼....到我地傾完，我就望都冇望就落咗去.....其實我成日都唔小心會同佢對到眼....我好多時都係好隨意咁望向一個地方...跟住又同佢對眼......當值嗰陣...因為我一直都知佢係大概7點5十幾到8點正前同會坐車番，所以我差唔多時間嗰陣見到有車到...我即刻行去第2度扮做野...唔想見到佢....但好奇怪...我扮完行番番去...都冇見到佢....到響鐘...咁我好自然係企係嗰度啦....點知我一台頭...就實實在在同佢對望....我就嚇一嚇...亦好驚....但即刻覺得奇怪...佢唔係要坐車架咩.....今日英文要收功課....我行埋去何君澤到，問佢拎功課...佢問番我轉頭話今日收咩?即刻好趕咁拎份野出嚟....話未做完...我話下...你唔係話琴日有做咩...佢話有呀...但佢係做咗20題入面既6題....我當然做哂...邊度咁欠miss lee功課...跟住佢叫我比d時間佢....到閱讀節完...佢先跑過嚟話沖哥沖哥,幫幫手...佢叫我幫佢做埋幾個...因為係作句...我臨時臨急好難做...我係作野方面係唔急得....佢仲要係我隔離望住我......我叫佢行開d...佢都係係後面望...勁大壓力...好勉強先做到一句...跟住佢見到我寫到一句，但因為簡單，就講咗句....嘩!咁簡單...會唔會死架...我即刻拍枱話咁你自己做啦!!!佢話沖哥唔好唔好....因為要上堂...佢要走.....我就話你走啦...我搞掂拎落去...佢就話好呀好呀...唔該哂沖哥....跟住就到我癲既時侯...因為交紙時間已過....又怕miss lee準時收功課...陣間遲咗佢收唔到又鬧我.....跟住我就勉強作咗好爛既句子...仲要好怪...都唔知岩唔岩.....我仲發現佢漏咗個要作...結果都係我做埋........跟住我就跑落去交...因為係通識堂..唔梗要.......琴日3堂pe....超正!!!!!同我個好波友男神打波....連續個幾鐘唔停咁打...冇浪費時間....超級爽!!!!冇諗過冇咗中4個課外活動都仲有機會同佢打......期間魚蛋呀sir行過嚟叫我同男神2對一打佢...打咗幾球我冇得接..實在太悶....我趕咗佢走....到落堂嗰陣....坐係地下嗰陣...佢同我講話...唔侵我挽下話....我話唔侵咪唔侵~~~佢話逼我上去踢踺....我話踢踺岩哂你老人家啦~~~~今日第一堂上listening....miss burger....跟住佢講咗大半堂野之後...就即刻group discussion.......一開始就同bonnie姐...何君澤同賴嘉俊...但一講完一個題目就話要轉人...居然係a同學順時針轉組...c同學逆時針轉組......搞到我轉咗同謝梁敏一組.....我成組入面最唔想就係同佢一組......我同佢一齊做咩都好辛苦...超大壓力.....第一日就咁搞發.....我仲點做人呀......真係做唔落去啦.....真係勁驚oral.......我寧願日日上miss lee堂.......................以後冇星3同單4就最好~~~~
|
