隔咗好耐都冇打blog lu...2月份都係學校等死中....hea...hea...hea...完全唔似準備考試.....好似等last day咁...一放就頹哂......考中文oral又係最早考...開考第2日就要去....雖然早考早死...3月14日......因為15號last day..所以呢日係最後上課日...朝早經濟堂我帶咗相機番去挽...跟住又想趁畢業違規一次....所以唔交電話...第一堂經濟so基 bon同我都唔係係度溫書....3個係度挽....偷挽電話啦...又挽相機.....跟住仲趁miss答人地問題嗰陣出去走廊挽..係咁影影影...拍片...跟住仲去埋女廁拍片...好正...跟住so基都跟埋出嚟....3個挽...然後miss要我地落去拎野..拎嗰陣又挽....哈哈哈....跟住上到去.係課室又光明正大咁用橇機影相...拍片....傾計...隔離嗰d好努力咁幾個圍埋練oral....因為下晝就考...但同樣下晝要考既我...就...挽......但又好驚...之前幾堂中文堂同放學都冇主動出去練.....超驚...係咁逃避......然後....我淨係係咁用d題目同so基2個講下....然後結果14號當日終於肯出一次練一次...最後一次.....本來都諗出唔出好...跟住好多都出...之後梁問仲有冇....掙扎一陣之後.....最後都決定.......出啦...跟住突然企起身...梁比我嚇親...望我問做咩...跟住我行出去坐低...然後佢話好...開始...就咁就練咗一次......跟住因為朝早把聲唔得...變哂....好尷尬好難聽.....跟住水又唔係隔離...想飲都唔得...跟住我望f....想佢幫我拎...但佢又唔望過嚟....跟住唯有死頂....然後完咗出番去....跟住我下晝走....之後收到wts....f就叫我加油....祝我good luck...跟住仲錄音提我飲d蜜糖水....潤喉....話d考官會聽唔到..都幾sweet...然後抖下之後換衫..又唔敢訓..怕訓過龍又怕未訓醒反應慢諗唔到野....結果冇訓...搭輕去...好驚...跟住去到..等....超擔心古語題....跟住入到預備室..一打開試題...即刻鬆一口氣...唔係古語題..而且冇野唔明...跟住就開始寫point......成個討論都算和平而且都唔錯...3女2男...a男就首論唔知講咩..我都寫低咗佢d point去駁佢...跟住到b男就好似好誇張..因為未到佢講嗰陣....佢成身震哂...好似好驚咁...仲驚過我.....但一到佢講野又好定..唔知點解..唔似驚..可能係因為冷氣..的確好凍...跟住...講d野都幾好咁..不過a男好緊張...講野唔知講咩...跟住c女就應該成組最好表現既...因為講野清晰又鎮定..又順暢...有自信..跟住隔離d女就係細細聲講野冇乜自信既...注定比人恰...跟住我就e啦...原本都以為自己會好驚..會震哂..講唔清楚...因為學校練嗰陣...都係咁..但意外地又幾好....冇乜野啵...跟住題目呢就係同好朋友討論社會議題時與我的意見截然不同,邊一項處理方式最合適,力陳己見,保持沉默,轉移話題....咁我就揀保持沉默既...咁abc都係力陳...d就轉移...本來聽到3個力陳勁驚d都一樣...咁我就要一個打4個...好彩d係轉移..咁我可以講番自己原本嗰個.....差d可能轉...跟住每個人講完首論就開始講...一嚟見c同學手指我呢邊..我以為佢想反駁我...勁驚...準備聽...點知原來係反駁d同學...嚇得我....d同學講野太細聲..我聽唔到...而且佢都好似有反我..但係實在太細聲..我聽唔到佢反我咩..我駁唔到....跟住因為abc輪流駁d....d好慘...跟住冇人駁我.....我就逐個講...首先就駁a男首輪講既...亂up咩保持沉默係討好朋友既行為...唔應該咁做...應該要力陳己見....講意見....我駁佢保持沉默唔係代表討好朋友...首先保拎沉默作用只係減少爭執同磨擦...而並冇表明自己任何立場...並冇話同意佢既立場...因為討好既意思係指自己本來立場唔同但仍然勉強轉到同一立場以維持關係...係呢度並冇表明立場，佢點樣諗我既立場係佢既事...所以唔岩...跟住反b同學咩同朋友討論時交流意見好重要.如果保持沉默就會令雙方唔可以交流同埋可以訓練大家既逆向思維..可從多角度睇件事....基本上b同c係差唔多...跟住我就駁雖然係有好處但力陳己見呢個字都幾強硬既詞語..會唔會因為態度過分強硬而增加傷害既機會?之後最後b同c再講話如保持沉默即係睇住自己朋友繼續錯落去...作為朋友應該大家交流並「拯救」佢..唔好再錯....而b就提醒我一樣野..因為佢強調題目講既係好朋友...所以更加要力陳己見..因為大家係好朋友...所以唔會嬲...大家清楚大家....我反而捉住呢樣野...正因為好朋友，會唔會因為好朋友既關係...大家都好想好希望對方能夠明白自己所想既...希望可以說服對方而係呢個過程中...再加力陳己見既強硬態度會唔會令雙方爭執得更為厲害呢?跟住b就嗯.....跟住因為拯救嗰個c同學講既而又得番十幾秒...我諗住算...但其實好想駁埋..因為實在太好笑...咩拯救....呢樣野邊有分錯對?人人意見唔同...點解你覺得你既意見係岩，我既意見係錯,對錯係以咩定義?定係你太過自我，覺得自己認為既野就係岩?最衰冇駁呢個...駁到一定再高分d.....跟住一走先開始驚...唔知做咩..哈哈哈..其實講到希望說服好朋友嗰度係諗起coffee先咁...突然諗起佢係咁樣...講過...跟住完咗就同coffee係pizza baby  dinner ....開心  鬆哂~~~