今日係經過咗3日之後先番既學....星期五就打風....星四早放....今日番學之前我好似已經唔記得佢個樣....唔知點解每次放長少少假就會對佢個樣好模糊......好似成年冇見咁......跟住今日我一入到課室.....去到個位...楊潔瑩就提我今日我同佢做值日.....跟住我冇聽清楚....呆咗一下..佢就再講多次....跟住我早會完咗收完電話要拎電話箱去locker.....咁楊就拎我地嗰行既...我就行去拎另外嗰行.....咁我就行到佢面前拎.....擺完之後...我去收何君澤功課.....佢果然係未做...仲要2份都未做.....跟住我就唯有拎走d紙等佢做.....我叫佢做咗miss lee嗰份先，佢話而家就係做miss lee嗰份...我話梗係做miss lee先啦.........跟住到早會廣播....講到羽毛球比賽既事....話佢地琴日打得好辛苦...但係都係得殿軍...佢地唔滿意既事...跟住講完冇耐....馮士恒就比人發現佢喊.....因為打波既事.....跟住我就不停咁望過去....有d擔心.....閱讀節完埋...我再行去佢度....睇下佢做成點....跟住我就彎低腰去睇佢.....跟住因為佢同「佢」同一行....所以我每次收功課都會....如果佢冇訓，佢差唔多每次都會望一下....跟住就託住個頭.....今日都係....跟住我收完功課就講笑話我個撈麵呢??佢話叫強哥買比我...跟住我就笑住話講笑炸...唔洗....跟住我就去上英文堂.....都冇乜野.....到小息...我就係課室飲咖啡....跟住飲完....我坐係位做野...第一個打咗....唔知幾時佢入咗嚟....我都係唔覺意抬頭先睇到佢....跟住佢坐咗一陣就拎書出去.....到通識堂.....miss又係咁叫我坐番原位...我都係冇做/...我幾驚要做present...好彩冇叫我.....到第二個小息佢擺完書就走咗...溫嚟揾我...話禮物搞到七七八八....我就好期待....係咁諗會係咩....跟住佢仲話佢講咗比吳凱欣知....話佢準備一個驚喜比我.....我就好驚訝亦好開心...其實我冇話比吳凱欣知...因為我唔想太刻意講比人知我生日.....其實我知道之後好開心....我估唔到佢真係會做...之前我都係當佢講笑.....冇諗過會做.....跟住溫仲話佢有準備禮物比我.....我話下...我唔好意思架喎....我都冇準備比佢......跟住我就係咁講....但其實我真係覺得好warm既.......第一次有同學會咁重視我生日.....今日完咗中文堂入課室嗰陣又同佢面對面....擦身而過.....跟住班主任節...我掃地....跟住掃黑板嗰陣....我唔肯定佢有冇望...因為太多人......跟住我掃到鄧滈標個位.....我掃掃下聽到佢同盧駿迪講野...講講下就聽到鄧滈標講咗句黃令沖，你有冇c 呀?我就望向佢....問多佢一次....話咩?咩c?我問完即刻明....跟住盧駿迪扮哂野話鄧滈標講埋哂d鹹野......跟住我就勁無奈咁望住佢地....跟住鄧滈標指住張傳單講話咩呀....我講呢個呀.....跟住話走啦走啦.....跟住我搞掂哂d野就番位....我feel到鄧滈標同盧駿迪2個........跟住等派電話嗰陣....佢無啦啦望咗一下後面...我咁岩託住個頭望向前面....應該唔算對到眼既.....其實我係幾想ws馮士恒...問下佢'有冇事....不過我見佢中文堂好似都ok.....而我又冇身份去關心佢...同學身份又太過份...所以我就冇問......跟住今日我上ws.....揾d prefect....跟住碌碌下睇到佢有番狀態....「又要等」不過我當然知呢個一定一定唔關我事...只係唔知佢講等咩姐.....亦都有番上線時間..
|
