我發覺我真係愈嚟愈諗得多野，成日一係張床度....靜落嚟之後就會係咁諗...學校野又諗...日後既事又諗..屋企野又諗....每樣野都諗...唔知係咪因為真係人大咗呢.....好耐都冇試過可以以前咁一攤係床就訓著...幾攰幾夜都好...一定會諗下野先.....我真係好中意夜晚...可以靜靜地....擔心既野都越嚟越多...以前一直都覺得冇壓力，但最近真係有...每日都聽住dse....每日都對住一d自己唔想對既人....對住d假人假義...又做作既人....真係好討厭，每日都生活係一個猜度人心既世界入面，每日都要用百種態度對百種人....攰到嘔....我個人其實真係好好好簡單架炸，就係可以開開心心....唔想係咁多是非既地方生活，同d唔做作，夠真既人一齊就最好，同呢d人一齊完全唔洗有防備，可以超放鬆，最慘既係我揾唔到有幾多個真係咁，我最中意就係同d我可以比最真嗰面佢睇既人相處，最舒服架啦!超開心，中意笑就笑，想講咩就講咩，不過呢，要揾個咁既人都幾難，現時為止都唔超過10個，不論係友情定愛情，只要係可以做真正自己，我先可以接受，如果我對住朋友或男朋友都唔可以用真正既自己對人，咁我咪好攰，所以溫就係一個例子，我對住佢可以做自己...講自己野，但其他人唔得。我都幾開心可以遇到佢，我知道如果我連中學生活方式都接受唔到，出到社會就更加接受唔到，我知道出面社會更加多是非，更加攰，所以我都好珍惜冇咁難接受既中學生活。