今日上到課室收完電話之後即刻調位，調完之後我就又同吳婉怡坐，跟住今日第一堂英文，對番哂d file同埋學番我地既writing.....然後小息我就食早餐，跟住企財呀sir就比咗我地溫書，跟住中文堂，因為我以為星2先默書，所以我冇背到...點知係今日....結果我冇默到幾多.....跟住小息我做完數學拎比溫之後就番番班房....跟住倫宗堂....訓咗陣...做功課....跟住食飯..食完到通識堂....我入到課室因為太熱，去咗廁所洗面，跟住番番去...佢經我個位行去我後面....同莊恢智坐....我就呆咗...跟住等敬禮...佢未坐定就起身轉去我同一行不過係左手邊...我唔知佢做咩要咁....我又唔知佢做咩唔同陸福恆坐....好奇怪...淨坐佢後面....跟住全堂我就係做綜合，跟住好開心咁同莊恢智黃家強，miss講笑....佢就一時坐起身又一時訓...好似好坐立不安咁...平時佢訓就唔會郁好多....跟住今日通識完咗之後就數學....對卷....呵，52分....我都唔知幾耐冇試過跌到咁低.....真係傷到呢.....拎完卷之後仲要扮冇事....仲要強顏歡笑，扮同so基挽得開心，心入面傷到....好彩今日一堂同埋係最尾嗰堂...如果係聽日朝早兩堂既話，我一定死，唔開心足一日，今日都好d，淨係忍到補完課，番到屋企...臨入門口之前又要轉，扮冇事，入屋，費事呀媽又話我黑口黑面，結果我忍到我搞掂哂d野之後就番房喊，我一直係度諗，係我太高估自己定太低估人地?我真係第一次覺得自尊心受創得咁勁...個心痛到無法承受，p一課已經打沉我一半信心，概率打沉埋我另外嗰一半，結果我個心就係咁完全冇哂，唉....點解我會咁失敗，連唯一一科稍為可以拉高番少少平均分....都冇埋....咁我用咁多時間落去做咩........算啦...我用係第2度好過啦咁，真係心淡，結果今日補課，都冇心機測，溫都冇溫....我都唔想見到數學了...