今日係岩岩完咗ayp第2日，今次雖然係最後一次，但都係最唔開心既一次，今次亦係最少人去既，我都唔明，點解最後一次先唔去...仲要還野....得幾組有去，原本以為我嗰組嗰4個唔去...但佢地又有傾同有買野...原來佢地又係遲到，聽到呀sir逋冇去既小過一個，仲要係功過抵銷之後先記，等佢地冇得抵銷，然後我地9點幾上車，10點幾到....跟住我地去到就揾自己既負責呀sir傾路線，傾到一半，去影大合照，影完又傾...今次個呀sir係講好少野既人，跟住我地傾好就出發....跟住我地一直行....都冇咩...個呀sir有時係有d煩，仲有今次因為路程遠咗，要上山頂，所以係攰既，跟住但係佢地4個行兩步又要抖，我同bonnie姐平時行路都快既人，而且覺得成日抖，抖得多就會唔想行架啦,....所以我地2個都唔想抖....唔想成日停，結果我地就冇等佢地4個就照行，跟住呀sir成日叫住我地，我地又唔理...結果，去到山頂底下，差幾步就到，等到佢地...余美婷就發脾氣，除個指南針比我地，地圖都比埋我地，話你地咁中意行前面，你地帶路囉，跟住我拎住，冇講野，但好明顯係好唔服既，跟住佢就講，咁你地中意行前面吖嘛，咁你地帶路囉，而家又唔妥呀，咩事呀!!!!超大聲咁叫，跟住我冇理佢，我照行，等佢地嗰陣，庄浩宗又為自己個女朋友，話我地，唔等佢地....講真，我其實就唔係強迫佢地要同我地一樣速度，亦冇唔比佢地抖，只係想自己行姐，但係最衰就係呀sir，一邊又叫我地唔准行，一邊又叫佢地，所以先搞到我地咁....上次都係咁，個呀sir都冇話我地，所以咪冇事，唉，我地上到頂，我同bon都覺得有少少委屈，都忍唔到，喊出嚟，明明我地冇做錯d咩，但就係比人咁鬧法，其實我地都係根據自己身體先咁姐，咁我地抖得耐同停就唔想郁，先咁樣...但佢地就係要抖....咁我地咪行住先囉.....佢地鬧我地嗰陣有冇諗過，我地夜媽媽捱眼訓係個營辛辛苦苦做份野，佢地就係隔離嘻嘻哈哈係度挽，我地做完就同我地一齊分享成果，一齊唔洗比人鬧，又有冇諗過我地2個次次都準時6點起身，出去霸位煲水，企係度等，捱涷淋雨，等足半個鐘，等到咁上下叫人睇火去執野，結果煲啦，自己就倒比自己先，剩下既就唔知想倒邊，如果我地唔係及時到，我估我地都冇得食啦，我地捱早起捱涷淋雨煲既水，你地遲起既，一起身就用哂d水，仲冇諗過留比我地，而家為咗我地行快小小而鬧我地?我地6點起身整野，你地近7點先出嚟刷牙，呵。我真係後悔。影相，同我地影就嫌棄唔望鏡頭，得你地4個呢，就yeah哂，咁又點計?你估我好想同你地影架?仲有呀，仲要嫌我地部手機冇美顏，真係有冇搞錯，我地係supermarket企係度成粒幾兩粒鐘，等你班人覆等到天荒地老。時間補到咩?睇哂又唔覆，個group都唔知要嚟做咩既。激到我。我地咁多野積埋都未鬧啦，到你鬧?去到最後一個point，又唔聽呀sir講，死都唔肯行，係度同呀sir拗，結果咪又係要行。哂嗰十幾分鐘。