今日番學，如常咁拎coffee，拎完排隊，跟住上課室，我交回條名單比李德康，佢讀出嚟，跟住鄧滈標問我做咩唔提佢，我話我冇義務提你，佢話有呀，點解唔提。跟住班主任節完，第一堂中文，落去，跟住講番後面題目，放咗，我上課室，我一開門，門後有紙皮箱，O望住我click到，係度笑，我黑面，李冠峰話F擺，跟住我行，拎野去話隔離，之後到英文堂，因為muss lee去聽野，上唔堂，我地自修但有比野我地做。即堂交。跟住做完，到經濟堂，有聽書，跟住聽完，到數學堂，落去派卷，唉，唔小心，唉，咁又冇哂d分。跟住放飯，第一次孤獨lunch，自己係學校食，因為oral。跟住食咗一個撈麵加2舊雞柳就冇，唔夠，跟住上去做oral，超難題目，跟住做完到pe。因為禮堂聽日用，我地用小禮堂，跟住做咗situp同柔軟度，差掌上壓未做姐。跟住做哂。10個有6個5，都ok la。跟住女仔做先，女仔做完到男仔，我背書。跟住落堂。我上去派埋英文默書。跟住派到余文傑度，我話，哎呀，我呢之前唔記得星一默，臨時溫，都190。你130。我冇溫都高過你，哎呀，佢話我都冇溫，我即轉話我都冇溫。我都轉哎呀，大家都冇溫，我都高過你喎，佢就話你好x煩呀，成日拎嚟串我。到通識堂，都係做野。到企財，d人話我地班房臭，跟住余文傑行到我位，話，係囉，呢度特別臭，指我位，我話係呀係呀，做咩呀，自己默書低分過我唔順氣呀？係男人就溫好d啦。跟住我行番位上堂。因為我地唔識做功課，呀sir對答案，一睇，我大致岩，佢錯咗。跟住到最尾，因為呀sir好快比我地睇一眼就收。我地互相記d。跟住最同心協力咁一齊口upup咁記。跟住互相交換，跟住問佢嗰個減定加。佢又話減，點知加。佢話加囉，跟住因為前面嗰題明明有期末，人地問點解冇，佢又亂答冇就冇，跟住搞到人錯，好幾個人都怪佢搞錯哂。跟住佢係度話喂，好啦喎，你地唔好再bully我啦喎，呢d係集體bully。跟住又話isolate添呀。我笑到傻。跟住完咗之後，班主任節，miss man又代，跟住問邊個值日，點知到我同黃家強，我即刻出去搶粉刷刷黑板，我叫黃家強掃地，佢遲咗。跟住我刷。就刷完嗰陣。後面李冠峰又話我仲有上面，你得既。你刷到。想串我矮。跟住望佢。佢收聲。跟住我想話刷完。O又話仲上面呀，我話邊有，佢話望高d。跟住我刷埋就走。跟住放學。我就走。番工。