日常大小事 - QOOZA BLOG 網上日誌

Winniesenior : 個人主頁 - 相簿 - 訂閱 [ QOOZA - 論壇 - 登入 ]

人氣：1912

Winniesenior

暱稱： Ningchungwong
性別：女
國家：香港
地區：元朗區

MORE...

最近沒有訪客

日誌統計

文章總數： 216

留言總數： 9

今日人氣： 26

累積人氣： 1912

站內搜尋

RSS 訂閱

2017 年 3 月 1 日星期三

2017-03-01	分類: 番學日常事
今日用LTE級速度跑番學，差d遲，跟住今日上課室，跟住吳sir話我地班一直受關注，每次都有人行去我地隊尾，跟住仲話拍片影比我地睇，跟住經濟堂又冇溫書，其實溫唔溫都唔識，衰哂，跟住何君澤又嚟講我ig分手信件事，佢同bonnie姐、so基一齊又笑我，哼，跟住今日食完飯番學校，上去數學堂之後企財，冇咩，然後班主任節，我做企財功課，我抬頭，望向門口，由於佢坐門口，又面向我地，背向門口，跟住我一望過去，佢望梗我呢邊，我一望到嚇死，即刻扮伸懶腰，向後，跟住扮冇野低頭做野，跟住完咗之後補課，講sba點做，好驚，愈講愈驚，跟住補完同bonnie妤傾一陣聽日聽完talk之後，跟住又同溫傾，跟住講起雪糕，我地3個就去食，係千色行咗陣，好開心，好少咁既組合，哈。
發表時間：2017-03-01 11:01 PM [ 訪客留言(0) ] [ 編輯日誌 ] [ 分享至FACEBOOK ]

2017 年 2 月 28 日星期二

2017-02-28	分類: 未分類
可能真係人大咗啦，我發覺我開始中意收埋自己，以前我咩都會講咩都會發洩，會講自己感受出嚟，但係而家唔會了，盡量都收埋，就人地問咩事我都盡量唔講，最多係好熟，覺得忍唔住了，先會講，就好似今日咁吖，明明自己唔滿意個分，但係就係要扮冇事，明明想喊，但仲要用笑臉去掩飾自己唔開心，我覺得今日我真係做咗件好難做到既事，心入面難過到喊，超辛苦，但自己面部表情就係笑，有幾開心笑幾開心，我愈開心就姐係我愈想喊，笑得愈燦爛就姐係我心入面喊得愈厲害，點解，點解我要咁，唔開心咪唔開心，做咩要咁對自己，做咩要逼自己，又冇人唔比你唔開心，我只可以怪自己性格就係咁奇怪，琴晚明明係家姐整我先，呀媽就怪我嘈住佢地講正經野，但我本身食梗飯都冇嘈，係家姐整我我先咁，責任又係我度，好啦，算，我唔會拗，我又收埋，最多忍到食完，番房喊囉，而家我唯一可以發洩既地方得張床，有時仲要夜媽媽嚟喊，所有唔開心都只可以靠夜晚嚟發洩，喊到攰，喊到冇力就帶住眼淚去訓，我唔同人講除咗中意收埋之外，一，冇幾多人可以理解我，二，我既唔開心對人嚟講可能並唔係咩大事，甚至係唔值得唔開心，但對我嚟講就係唔開心，所以我跟本就唔會同人分享我唔開心。其實我都幾慶幸有個平台，以前我都冇咩落去，自從拎咗部單車番嚟之後，我就落多咗，放學想踩就踩，唔開心落去靜下，又有風又要太陽又靜，都幾岩我用嚟抖下，就好似我而家咁，可以靜靜地打下blog，發洩下，如果我連呢d發洩都冇，我驚我真係會有抑鬱症。我而家都唔知點算好，中五，16歲人，人生先岩岩開始，我咁快就覺得辛苦，咁快就好似大人咁收埋自己情緒係唔係唔係幾健康呢?我而家可以大聲發洩自己情緒既階段嚟，我連呢個階段都唔好好運用，我以後就冇得用。我好討厭自己自尊心太強，成日都好要面，真係好討厭，但我又改唔到，我只可以逼自己，唔好咁要面，太強了，我自尊心強到一個點，好攰。真係攰.
發表時間：2017-02-28 05:13 PM [ 訪客留言(0) ] [ 編輯日誌 ] [ 分享至FACEBOOK ]

2017 年 2 月 26 日星期日

2017-02-26	分類: 未分類
好耐冇打啦，唔知點解，呢排心情時好時壞，嚟梗嗰幾個月都好煩好多野做，又要ayp又要sba，煩到喊，呀媽呢排又係咁唔舒服，仲話心口痛，我好驚佢有事，如果佢有事我點算，好驚真係驚，琴晚諗好多野，一諗到有事就係咁喊，自己之前又唔舒服，去咗睇醫生，照埋片但又冇野，但到而家個問題都仲係度...食藥都冇解決過，照片都做埋，我冇野可以做，但我真係好唔舒服，唔知咩事。原本都以為自己頂得住，以為自己可以承受壓力，但其實我發覺我唔得，我係承受到，但我會張壓力收埋，到忍唔到就會爆。忍得好辛苦，三日唔埋兩老鬧交，學校壓力無限大，一直好驚之後既生活，唔知以後點過，對好多未知既野都好驚....原來呢個就高中，我人生真正既煩惱開始嚟。
發表時間：2017-02-26 10:14 PM [ 訪客留言(0) ] [ 編輯日誌 ] [ 分享至FACEBOOK ]

2017 年 2 月 16 日星期四

2017-02-16	分類: 番學日常事
今日當值，又係得一個人當，成組人得一個當，連續幾個禮拜，真係心淡，每次當值都想死，每日都要比人鬧，每次都要為佢地當唔當值，準唔準時煩，明明提咗佢地都仲可以話唔記得，遲出門，唉，佢地冇事但比人鬧嗰個係我地。佢地就好似遲到係應該既。跟住今日朝早當完鬧完全閱讀節我去搵埋其他人。跟住番番課室。然後上到去就調位。一樣係前右各調一個。跟住第一堂就英文。要默書。跟住默完之後又做討論。仲要同謝梁敏，超尷尬。跟住終於完咗之後小息食早餐，跟住我出咗走廊想睇下下面有冇人當。但又睇唔到。跟住溫咁岩去完廁所番嚟。我食住包同佢講野。跟住我feel到有野打我個頭，一望coffee😒..跟住到中文堂，背書。跟住又訓咗。然後起身落去當值。跟住到經濟，訓~食飯。食完當值。佢地都準時。跟住當值冇咩，然後上番去倫宗。跟住數學堂。然後上到去。我同so基行到我課室門口跟住我入去。我倒埋淨低嗰3粒糖之後但係門口。好尷尬。因為倒完個頭落番嚟之後發覺冇人入去。我企咗係門口食，跟住我就好快咁行入去。何居澤問我食咩。我話關你咩事。跟住就冇，然後放學就走咗。
發表時間：2017-02-16 11:28 PM [ 訪客留言(0) ] [ 編輯日誌 ] [ 分享至FACEBOOK ]

2017 年 2 月 15 日星期三

2017-02-15	分類: 番學日常事
今日未收電話嗰陣，唔知做咩吳sir無啦啦叫佢，跟住話佢挽電話，然後佢話等多30秒，結果就留堂.....佢拎咗個電話出去，但就都比吳sir留堂，跟住收功課，其實數學唔係我收開，不過比咗張紙我我就順便收埋，我問咗大部分人，大部分都做梗，一兩個冇，跟住我本身諗住等埋數學一次過拎落去，但又見佢地仲有好多，結果我就拎咗英文落去先，跟住又上番去，我問盧駿迪收數學嗰陣，我問佢有冇，跟住佢話下，要交咩，我話唔洗交我問你做咩，跟住佢就揾，然後話你咁惡既，跟住我o咗嘴...跟住行開咗去收其他人.....跟住今日英文堂平安渡過，跟住到經濟，我幫陳迪琪整咗一下社嗰d野，so基一齊整，跟住食完飯上數學，coffee今日好大火藥味，嚇親，連溫感覺到佢今日好嬲，跟住數學堂之後企財，訓咗陣，跟住完咗之後miss yeung過嚟我班房話5ab1英文補課取消，何君澤擰過嚟舉起手，我地勁開心，嘩，超爽，跟住馮士恒比吳sir發現自己寫家長信，結果吳sir要求一係佢向全班道歉一係比全班每個人鬧一句，跟住吳sir仲做示範，企咗係一個格度，躹躬，話係我樣衰，對唔住，跟住我地全班笑咗，跟住拎完電話就走lu...我行咗去a班同溫講兩句，跟住余文傑叫我，話補課啦，仲唔去，跟住我話你班主任過咗嚟同我地講取消咗啦，跟住佢唔知，想挽我，笑咗。
發表時間：2017-02-15 07:45 PM [ 訪客留言(0) ] [ 編輯日誌 ] [ 分享至FACEBOOK ]

« | 19 | 20 | 21 | 22 | 23 | 24 | 25 | 26 | 27 | 28 | ... | 44 | »