今朝12點幾,老豆竟然打比我話兩點幾同我同家姐去食晏喎....我就問佢..你今日心情好好咩....佢話係呀~~~~聽日朝早同黃翠去跑步....7-9點.....琴日我補完習去接黃東茵收工...因為黃東茵去咗大舖...咁我又想去同佢一齊...睇下佢搞咩咁耐....我擺底咗個袋同電話....番番去細舖嗰陣...比個肥婆mandy話我擺底個電話...跟住我就企埋一邊喊...喊完番咗屋企.....後日就知調咩班啦...好驚................

  前日終於買電話啦~~老豆無啦啦打比家姐,跟住話可以買電話,我做做下face so呀媽同我講話買得啦~~超開心~~~最終買咗note3....Yeah!!跟住...今日去咗交書單...同影學生相....跟住係屋企洗個頭...我係用一個睇落好似好麻煩既方法去洗頭~~就係洗頭前先梳順頭髮...然後..洗濕咗之後..再梳一下...然後落洗頭水..落完就再梳...然後過水....過完就落護髮素...再梳..然後就可以過水...咁就得啦~~~我洗完頭就FULL咗個MARKS~~~好正~~~~今日既感覺好正~~~唔知點解~~雖然個電話我要自己比番$1698....不過唔梗要啦~~~總知今日好正~~不過聽日要番補習社.............

 經過我唔見電話呢件事，我終於知道平時對既態度好重要...否則...你有事求人就難啦~~~我到而家窕仲未買電話...我琴日問老豆裸錢買.....但係佢話要考慮下....呀媽就話梗係啦:「你平時中意就睬人,唔中意就當人冇到....佢梗係比錢都比唔落啦....」當呀媽講完我先知,原來我係咁既....仲有....呀媽叫我問下家姐喎....但係我好快就話冇可能啦.....佢先唔會幫我....我講完...再諗番...其實我咁肯定話佢冇可能我...唔係因為人地真係咁小器...係自己平時對人態度超差...人地先唔肯幫我....仲要以為自已做小小就好叻....但其實...呢d事係應該架...例如...拖地,洗廁所等等...我仔細咁諗過...其實我既屋企人對好好,只係我唔識珍惜....我家姐對真係唔錯...因為我平時都成日屈佢請我食野...又屈佢買野..呢樣嗰樣...又成日發佢脾氣..佢都忍...係我就唔忍..仲會發咗脾氣好耐啦....仲有..我而家同佢同床訓...我成日都霸哂d位,搞到佢都冇教好訓.....我真係好慚愧..........

  我本來覺得我自己係一個可以唔用電話係短期內....我自從係18號唔見咗個電話,就再冇掂過電話啦.......呀媽到而家都唔肯買..我有試過叫呀媽比電話卡我..我用黃東茵舊機算啦....但係佢話冇交電話費..比我都冇用喎.....本來我仲諗住佢要係短期內買比我...因為佢遲買比我就會sin哂電話費...點知佢冇續約...所以佢就可以慢慢...我等到而家....佢完全冇去買既動機......係我同佢講用舊機嗰日....佢仲話你話比就比呀.......有排你受喎................唉...究竟佢想折磨我到幾時.................................................................

  係我中二最後一次既考試成績入面,雖然我好努力咁溫,好努力咁背....但係始終都冇成效仲要比冇溫更差...我都唔知點解...唔係,應該係我中一中二既考試成績入面最差既先岩...竟然有四科唔合格...我從來都冇試過...不過..我一直就知我中二可以直上a班都係因為有一班比我梗差既人墊底...到中二就已經變哂勁人..中三點會仲有我既地位吖................知道成績嗰日仲要唔見埋個電話添....唉.我都唔知咩事............呢排.....我都唔知係咪有咩事.........連平時差過我既溫.....都好過我..........點算...如果調咗我去c班點算...唯一既選擇就得b班...但係全部都係大..陸..人......唉!!調又死..唔調又冇可能....死啦!!!!!