今日我地個個都訓到好晏...

之後就去左kt飲茶...

我地又要等埋daddy...

之後我又要返新學校...

媽媽,妹&哥都陪我一齊返...

仲一齊聽果度d人響度up野...

到分班果陣佢地先至走...

不過分班活動都幾悶下...

又搞到五點先走得...

之後又要等攞校服...

又等一大餐先得...

之後又去番搵媽媽佢地...

變左今日冇得陪阿哥周圍去...

去完學校就各自返屋企...

好彩我地都陪阿哥到kt...

仲同佢同一bus shop搭車...

聽日先再同阿鱔去玩...

佢玩埋聽日後日都要走喇...

一定要好好珍惜呢幾日同佢相處既時間...

佢好難得先落到黎hk...

今日都唔錯既...

今日一早就去左慈雲山搵偉哥哥...

佢尋日響大陸落黎...

我地呢個星期奉命陪佢周圍去...

我同媽媽一早就去左搵佢...

之後就同佢&佢daddy一齊去食飯...

食完就出mk搵妹...

之後又要陪妹去食野喎...

搞到好耐先可以正式去行街...

我地先去左影相...

又影卡又影貼紙...

之後又去左旺中...我要買返學鞋...

妹又買左一件衫一件褲...

又行左女人街...

不過冇野好買...

得個行字...我地都淨係想見下阿哥...

陪阿哥周圍行下...

行到差唔多就搭車返我屋企食飯...

佢仲響埋我地屋企訓添...

daddy又係咁灌佢飲酒...

飲到阿哥都頂唔順...

到十二點先肯去訓覺...

daddy灌阿哥飲酒果陣我突然諗起佢...

如果佢又好似阿哥咁我一定心痛死...

今日都算係咁啦...

今日一早就出左去搵佢...

我地先去左食早餐...

之後本來話睇戲架...

但佢又話冇戲好睇...

又唔知去邊好...

之後咪陪佢打機囉...

搞到我悶到飛起...

佢打到兩點就走喇...

之後我地又去左影相...

佢之前應誠話陪我影...

我自己今日都唔記得...

係佢提起我先記得...

之後本來佢話返屋企架...

但我又唔想咁早返...

佢咪去睇漫畫囉...

咁就過左一個鐘...

之後佢又話返屋企...

但我想佢陪我耐d...

加上呢排我都好唔開心...

佢見我咁唔開心咁咪陪我去中央囉...

去到佢又猛問我點...

我點知點喎...咁佢又開始忟...

之後咪佢有佢睇我有我睇囉...

但後尾我都冇睇到...

我忍唔住響度喊...又打緊sms俾佢...

之後佢就嗌走喇...

仲要我自己去搭車...

咁我已經忍唔住咪即刻走囉...

我唔想俾佢睇到我喊...

就係咁我地就分開左喇...

今日我地兩個都唔開心...

仲要係我搞到佢唔開心...

唔通案件真係會重演...

相信我地完果日亦係我留響世上既last day...

本來一個開心既日子依加都變左一個傷心既日子...

今日成日響屋企...

淨係下午去左飲茶...

但我都唔係食左好多野...

都冇乜胃口食野...

呢排成日都係咁...

成日都好唔開心...

跟住同佢傾電話佢又同我講佢出年暑假會去澳門三個月...

佢去唔係問題呀...

但佢去左咁我點算呀...

仲要係暑假喎...

我真係好驚佢會好似上次咁呀...

一個星期都出事啦...何況係三個月...

到時我都唔知點算...

佢口口聲聲話會返黎搵我...

上次佢咪又係咁講...

最後咪又係game over...

仲好話我...我驚到時係佢自己咋...

我真係好驚呀...

我要珍惜同佢一齊既時間...

好話唔好聽就算將來冇左都可以有個美好既回憶丫...

anyway...我永遠愛他...

今日一早就出左去...

我約左『老公仔』去唱k...

之後諗住去trendyland度買袋返學...

點知又冇左我睇中果個袋...

跟住又要等人...

咁咪去左潮特行左陣囉...

順便去格下價...

我返學既野乜都冇...

都唔知9月1點開學...

之後又去左女人街...

又陪左『老婆仔』買筆...

& then又去左旺中...

行完就返屋企喇...

都冇乜點買野...

諗住9月1放學之後先去買...

我梗係覺得佢呢排怪怪地咁...

佢可以成日將分手掛響口邊囉...

乜我對佢真係咁唔重要咩...

一時又對人好好...

一時又惡都咩咁...

我知拍拖唔係一定要成日見...

但人地好耐冇見佢丫嘛...

想見佢都唔係好過份姐...

佢又好似唔係好想咁...

唔想咪出聲囉...

搞到好似係我逼佢咁...

我知佢呢排好多野做...

好忙又好多野要煩...

我都唔敢點煩佢喇...

唔開心都冇話佢聽...

我呢排成日都三餐當一餐食...

一餐又唔係食得好多野...

晚晚都訓得唔好...

成點幾鐘先訓著...

但一早就醒左...

唉...我都唔知自己想點...

今日我好早就醒左...

d人一早就響度鑽牆...

搞到我冇覺好訓...

之後就響屋企冇野做...

又搵唔到佢...

後尾諗諗下先記得佢今日考試...

之後咪同媽媽去左kt飲茶囉...

佢又約左幾個fd出黎一齊飲...

搞到我好悶...佢地有佢地講...

我有我響度食野...

之後又要我自己一個返屋企先...

咁我又唔想咁早返...

我唔想自己一個響屋企亂諗野...

咁咪自己一個響街度行囉...

都唔知自己行左去邊...

後尾俾我撞番媽媽...

咁先一齊返屋企...

返到屋企又搵佢唔到...

我愈黎愈覺得佢呢排怪怪地咁...

好似淨係得我一個擔心佢...

搞到好似係我纏住佢唔放咁...

佢仲要同我講佢有第二個囉...

都唔知佢講真定講假...

if真係要我同人分一個老公...

就算我幾心痛幾唔捨得都好我都寧願唔要...

一個人變左心就算留得住佢個人都冇用啦...

一個人痛苦總好過幾個人一齊痛苦丫...

有陣時對住佢真係好嬲架...

或者我對佢黎講真係唔係咁重要...

我知...感情對女人黎講可以係全部...

但對男人黎講唔係囉...

我知佢呢排係好忙好多野做又好多野煩...

我都冇乜點煩佢啦...

但唔代表佢可以對我唔嗲唔吊囉...

我都唔知我響佢心目中究竟係咩...

或者我心多啦...

但...佢成日都係咁好難怪我咁諗架喎...

今日我好早就醒左...

但尋晚就好夜訓...

佢尋晚玩到好夜...

兩點幾先走...

仲要唔識飲又學人飲囉...

啤酒都未飲掂...

又要學人溝酒飲...

飲完呢樣飲果樣...

我勁驚佢醉囉...

佢都唔知人地擔心佢既...

佢成日都叫我早d訓...

但佢一日未返到屋企我又點訓得著喎...

個心始終都係心掛掛...

我尋晚都唔知為佢喊左幾多次...

又驚佢唔知會有d咩事...

但就算我幾驚都冇話佢聽...

由得佢玩...咁佢會玩得開心d...

佢成三點幾先訓...

咁我都係等到佢三點幾sd左俾我我先訓得著...

跟住佢今朝同我講原來佢尋晚係去左個fd屋企訓囉...

真係俾佢激死...

不過佢有訓已經好好架喇...

我由尋晚到今日喊左n次囉...

佢今日一早起身又發癲...

係咁鬧人囉...

不過佢不嬲都睇我唔順眼架啦...

都唔係第一次...

依加妹又入左camp喇...

屋企又得番我一個...

想搵個人出黎陪下我都冇...><

今日我同妹一齊去左屋企附近行街...

佢要買入camp d野...

咁我咪陪佢去囉...

好過響屋企悶丫...

佢又話今日要溫書咯...

咁我咪自己搵節目囉...

我同妹去左m記食野...

佢請我食...

daddy俾左$佢...

之後咪去行街囉...

我又睇中左樣野喇...

我自己又啱用...

諗住遲d去買...

之後又陪妹去買佢入camp既野...

買完咪返屋企囉...

我又要同佢執野...

今日成日都唔係好開心...

但我冇同佢講...

佢今日又要溫書...

過兩日又要考試...

佢已經好忙架喇...

我唔想佢再為左我d野煩...

我唔想加重佢既負擔...

佢夜晚又約左人去玩...

我更加唔想掃佢興...

佢忙左咁耐...煩左好多野...

等佢relax下都好既...

只要佢開心冇野就得喇...

今日又係成日響屋企...

又係好似尋日咁...

佢又唔理我...

掛住睇漫畫&打機...

問佢有冇帶遮...

佢又話特登唔帶...

就算我提佢都唔帶...

真係俾佢激死...

之後搵佢佢又要掛住打機...

咁我咪嬲佢囉...

但我一邊又要嬲佢一邊又要擔心佢...

唉...

今日成日都響屋企...

成日都冇野做...

又要落雨喎...

想去街都冇得去...

佢又唔理我...

咁咪成日響屋企睇書囉...

但睇得耐都唔想睇啦...

so成日都都係好悶...

日日都係咁都唔知點捱到9月1...

再係咁遲早悶死我...><