今日係李叔既生日...

我地一齊去左食飯...

有好多親戚同佢一齊慶祝...

仲有個好得意既BB響度...

佢成日都響度喊...

我抱佢佢就係咁響度郁黎郁去...

搞到我極驚囉...

幾驚佢跌呀...

好彩後尾都冇事...

佢媽媽見到我咁驚即刻抱番...

到個BB食完奶之後唔喊先俾我抱...

佢好得意架...我又抱得好開心...

睇住佢響度伸下伸下條脷...

又對住我笑喎...

我又係咁錫佢面豬...

好得意呀佢...勁鐘意d BB...

但生仔好痛又好辛苦架...

一陣有D咩事就會大人細路都冇命...

湊仔又好辛苦架...

so...

總之d BB就好得意啦...^^

今日一早就陪daddy返醫院...

我地又要同佢執埋d野...

又睇住佢攞埋飯先走...

之後就落番西環行街...

行左一陣d人就打黎話可以去中環...

仲食左KFC添...

攞完就去MK行街...

我好耐都冇同過媽媽行街喇...

我地仲影左張卡相添...

我『哎』左佢好耐佢先肯影架咋...

我地仲嘥左一張...

時間夠我地都仲未揀到...

跟住佢就幫我地揀左張最唔靚既...

搞到我地又影多左次...激死我地喇...

之後又去左轉台...連number都轉埋...

之後又行左去花園街...

行完就返屋企喇...

今日都唔錯既...

今日我發燒呀...
成日個頭都好痛...好暈...
行都唔想行...
但唔行又唔得喎...
好彩晏d冇野姐...
如果唔係都唔知點行街...

今日一早就返左學校...

不過我係極唔想返囉...

如果唔係因為『佢』我一定唔返...

係佢叫我返既...

點知返到去就悶到飛起...

我又兩晚冇訓...

搞到我勁忟...

佢又係咁響度煩...

搞到我忟上加忟...

咁咪發佢脾氣囉...

我都唔想架...

但對住佢...

唉...之後就去左搵阿哥...

佢陪左我一陣...之後『BB』又黎喇...

咁我咪同『BB』一齊囉...

今日真係好後悔好後悔去左...

早知應該聽自己講唔去...

唉...too bad...

今日我要入婆婆度食飯...

我地好早就入到去...

我同aunt響度傾計...

佢知我仲用緊orange就響度嘈...

話我好用orange...

又話果度成日都收唔到...etc...

佢要我轉台...仲要指明係smartone囉吹到...

搞到我都好無奈...

都唔知俾咩反應佢好...

之後咪諗住轉囉...

傾完就去食飯...

點知食食下daddy就打黎話返左黎...

仲響kt...佢可能諗住落黎同我地過節...

點知我地...

咁佢咪返屋企囉...

點知我地返到屋企先知佢仲未返...

原來佢冇帶鎖匙...

今日都ok既...

今日我買左個呼拉圈...

我學左一個鐘到就識玩喇...

雖然唔係轉得好耐...

但都識啦...

我要用呢個呼拉圈黎keep fit...

我好想瘦d呀...

就係咁今日成日就響度擰呼拉圈...

擰到成身都瘀晒...又好痛...

不過為左佢點辛苦都值得既...

等佢成日話我肥丫嗱...

我就瘦俾佢睇...

佢啦...成日講過d野都唔算數既...
佢同之前唔同晒...
對我冷淡左好多...
梗係覺得佢唔知點咁...
成日都對人忽冷忽熱...
佢究竟有冇理過我感受架...
究竟有冇當過我係佢老婆架...
好似淨係得我關心佢...
而佢就...都唔知佢個心諗咩...

今日成日都響屋企...

都唔知做咩...

行行企企咁...

訓又唔係唔訓又唔係...

依加先6月咋...

仲有兩個幾月都唔知點捱...

又搵唔到野做...

依加佢唔響度我都話好d姐...

遲d佢響屋企我就死得人多...

都唔知點算...

好煩呢...

今日我終於可以見到佢喇...

佢黎到我屋企留下接我...

佢剪左頭髮...搞到我都唔認得佢...

之後我地就搭車去中央...

佢考試要溫書嘛...

但我地食左野先上去既...

點知冇位...搞到我地要分開坐...

佢溫到四點幾就走喇...

又要睇醫生呀佢...

唉...都唔知佢幾時先好番晒...

如果日日都可以見到佢就好喇...

今日成日都響屋企...

都唔知做乜...

又搵唔到野做...

日日都係咁都唔知點算...

成日唔係食就訓...

悶都悶死...

都唔知幾時先搵到野做...

依加真係窮到咩咁...

乜$都冇...都唔知點算...

好煩呢...都唔知之後點算...

今日又去ce喇...

我約左『睡豬』一齊去...

佢去睇下點去喎...

佢又同佢條仔一齊...

仲要響我面前kiss囉...<<面姐...

但都好骨痺啦...

真係搵命...不過見到佢地咁開心都好既...

之後我就去考試喇...

我覺得容易過學校果d好多...

不過都係死左第二部份...><

但又因為咁我又識左個男仔...

仲一齊搭車添...

今日都唔錯既...

佢啦...本來又話黎陪我...
點知講完唔夠15分鐘又話唔得...
最衰都係要佢返番學校既人...
激死我喇...
搞到我一埸歡喜一場空...

今日我同媽媽去左筲箕灣搵我聽日考試果間學校...

果度好近地鐵站...

好容易就搵到...

跟住我地響果度行街...

果個商場都幾大既我覺得...

我地仲買左好多野...

之後又返KT行過...

又係買左好多野...

今日真係大收穫嚕...