今日daddy入院嚕...

我地一早就陪佢入...

我地響kt食完野先入...

搞到成兩點先響醫院走...

之後我同媽媽就出左mk行街...

我地好耐都冇試過兩母女去行街喇...

但我都唔係好開心...

佢對我愈黎愈冷淡...

我知佢呢排係好唔開心...

但我真係好想佢變番之前咁呀...

我好想令佢開心呀...

但我真係唔知可以點做呀...

為左佢我咩都可以囉...

佢係唯一一個我愛既人...

我點都唔會放棄佢...

無論發生咩事都好...

我都唔會離開佢...

希望佢明啦...

今日係佢生日...

我早就同佢講左生日快樂...

佢今日都冇乜野...

同我都有講有笑既...

可惜我今日唔可以同佢一齊過丫...

變左今日我成日都響屋企...

唔知做咩好...

我成日都響度諗住佢...

我覺得佢變左好多...

成個人都唔同晒...

問佢咩事佢又唔肯講...

我都唔知我可以點...

今日都ok既...

今日我好早就起左身...

我約左佢去睇戲...

點知到我地去到先知今日係冇早場睇...

之後咪諗住去中央囉...

點知今日中央又開一點...

咁我地咪又去番銅鑼灣囉...

佢陪我去食野...

之後我咪俾佢去打機囉...

唔知點解...

我同佢既距離好似愈黎愈遠咁...

佢有好多野都唔講我聽...

但又要一個人響度唔開心...亂諗野...

佢成日都叫我唔好亂諗野...

但佢自己就...

我究竟點先可以幫到佢呀...

我唔想見到佢咁呀...

佢呢排成日都係咁...

搞到我都唔知點好...

今日我同媽媽落左kt搵daddy...

佢同我地一齊食lunch...

我同daddy成個禮拜冇見喇...

佢今日要做物理治療...

咁咪同我地一齊食野囉...

食完佢就去醫院...

我同媽媽就去行街街...

我地行行下『男人』就打黎喇...

佢話搭619過黎喎...

咁我見我又響kt...

咪叫佢搭mtr過黎kt我同佢一齊返屋企囉...

佢黎幫我整電腦丫嘛...

等佢到左之後我地就搭的士返屋企...

都唔知係咪個司機唔知...

行遠左路...

咁我咪嘈佢囉...

佢又懶係野咁...

又唔夠我講喎...

之後就乖乖地咁say sorry喇...

今日佢好似冇之前咁唔開心...
但唔知佢係咪真係冇野...
我想佢係真係冇野而唔係響我面前扮野...
我知道扮開心係好辛苦架...
我唔想佢辛苦呀...
點解佢唔肯講我聽咩事呢??
佢唔講我又點幫佢呢...
都唔知佢個心點諗既...

今日我成日響屋企...

十二點先起身...

之後就食野...

食完野玩左陣就好乖咁溫書...

仲溫左幾個鐘添...

我都未試過溫書溫咁耐既...

之後等媽媽出左街...

我又好乖咁幫佢做晒d屋企野...

我係突然間想做我就做架喇...

咁就做左幾個鐘喇...

之後就落街買野食...

就係咁就一日喇...

等媽媽返黎佢都話我乖...keke...

唔知點解今日特別想做野...

或者係我想麻醉自己啦...

我想逼自己唔好再諗野喇...

我覺得好辛苦喇...

佢成日都對我忽冷忽熱咁...

我唔知點做先好...

係咪我做得唔夠好呢??

今日我成日都同妹妹一齊...

同佢去街街...

不過都係去d好近既地方...

都唔駛搭車既...

遠極都有限啦...

我地係咁食野...

食完呢樣又食果樣...

個口都冇停過咁滯...

不過我地又食得好開心喎...

有陣時同妹妹一齊都幾開心既...

佢唔發癲咪ok囉...

佢一發癲就...

我都唔識講嚕...

真係好想知佢個心諗緊咩既...

又好想知佢同咩人一齊...

搞到佢依加咁...

連媽媽都冇佢辦法...

今日本來可以成日響屋企...

黠知『老婆仔』突然同我講要開會...

搞到我又要過灣仔...

但我過灣仔之前去左金鐘搵佢...

睇住佢打波囉...

悶到飛起...

d時間好似唔識郁咁...

但我又等得好開心喎...

之後我陪佢去換衫...

可能去得耐得滯啦...

俾人鬧喎...仲吹到要報警添...

佢響度問我地搞乜野...

咁我咪串佢話搞野囉...

咁一男一女嘛...

唔係咁講可以點講喎...

但我唔係有心串佢既...

之後就搭車返中心開會嚕...

開完就同左『老婆仔』去行街街...

之後就返屋企嚕...

今日都唔錯既...

佢今日唔聽話去左打機...
我聽到之後好唔開心架...
但佢唔去都去左咯...
我可以點喎...
係佢自己話要save$$$...
但又要去喎...
我都嬲左一陣架...
但後尾又覺得佢都為左我冇打咁耐啦...
咁俾佢打番日都唔係好過份姐...
so之後就冇野喇...

今日我成十二點先起身...

之後就食野...

食完就好乖咁響度溫書...

溫到咁上下就換衫去搵佢...

順便等埋『男人』拎隻碟俾我...

我仲去左佢學校添...

佢學校好大呀...

if得我一個我諗我一定會蕩失路姐...

不過響佢學校坐左唔夠半個鐘我就要走喇...

事關我約左『男人』響地鐵站拎碟丫嘛...

我地去到地鐵站都差唔多六點嚕...

我又唔記得左佢一至六六點到七點都唔得閒...

搞到佢遲到添...

真係有d唔好意思喇...

不過我知佢唔mind既...

我同左佢咁耐...

佢咩性格我都知既...

我知佢呢d野唔會mind既...keke...

拎完我都返屋企嚕...

我仲要去幫細妹拎個人八達通...

點知原來要佢本人黎拎...

咁我咪要等埋佢囉...==

一個人響個地鐵站度行黎行去又唔知做乜喎...

悶死我...

等佢拎完我地就一齊返屋企...

今日都算係咁啦...

今日我一早就起左身...

之後我就過左銅鑼灣...

我約左『細路女』唱k丫嘛...

我已經遲左...

估唔到佢仲遲過我囉...

我等左佢半個鐘囉...

不過我地都好開心既...

唱完就同左佢去食野...

之後我就去搵『BB』...

佢唔開心嘛...

當然要我呢個靚女老婆去陪下佢啦...keke...

咁『細路女』咪返屋企囉...

我陪佢周圍行...

之後就去左中央...

咁就一日喇...

d時間過得真快呢...

今日要返學補econ...

我地遲大到囉...

人地返十點三...

我地十一點半先返到囉...

好多人都冇返囉原來...

早知我又唔返啦...

miss一路講我就一路響度釣魚...

都唔知佢講過d咩...

成個鐘就係咁就過左喇...

都唔知返去做乜...

放左學之後我地成班出左mk行街...

呢度行下果度行下...

不知幾好玩...keke...

今日都算係咁啦...