今日成日都響屋企...

冇野做...

本來諗住今日情人節可以去街街...

但又搵黎搵去都搵佢唔到...

打佢屋企又話佢唔響度...

打手提又冇人聽...

都唔知佢去左邊...

情人節都可以走左去...

都唔知佢想點...

唔知佢依加點呢...
新年點過呢...
開唔開心呢...
我好想見佢呀...
但...
我都唔知點好...
個心好矛盾添...
響新一年希望個個都開開心心啦...

今日終於可以返屋企...

我地一早起身就換好晒衫...

又出去食左早餐...

等埋嗲D起身就一齊走...

佢去河南搵汕頭哥哥...

我地三個就返HK...

我地返到黎都成七點...

之後就落左街食飯...

食完就返屋企執野...

我好攰呀...

D野又重喎...

今晚一定要好好咁訓覺...

今日又係訓到十一點...

跟住就食野...

係完又係響屋企坐...

本來Daddy話同我地去上下九行街...

但佢起身都成四點...

夜晚又話要出去食飯...

so...

咁又成日響屋企...

後尾又話Book唔到位...

結果都係響屋企打邊爐...

今日又係十一點起身...

食完野冇野做...

響屋企行行企企咁...

等Daddy起身...

佢突然話出街...

咁我地就一家人出...

首先我地先去食野...

之後就去行街...

行行吓Daddy又唔行...

得我地三個行...

我地去左買野...

我買左手信俾佢地...

可惜行黎行去都唔知買咩俾佢好...

好多野佢都唔啱...

結果都係冇買到...

但佢就有...

行到六點幾先返屋企...

今日都算係咁啦...

今日跟左叔仔佢地去羅崗...

佢地去探親...

阿嬸有好多親戚...

我地一齊食lunch...

食完之後我地去左阿嬸個阿哥屋企樓下二樓果度玩...

果度好多野玩...

有人打乒乓波...

我地就唱k...

之後我地又去拜年...

拜完我地就玩...

我地去左羅峰寺...

果度好大...

我地去左燒炮仗...

細佬同嘉欣玩得好開心...

我&妹都一樣...

我地仲去左行山...

左跳右跳咁...

個個都玩得好開心...

之後就返屋企食飯...

今日都唔錯...

今日係響『麻麻』度既第一日...

我訓到成十二點...

之後就食野...

跟住就無無聊聊咁響屋企坐...

個個都係咁坐...

睇吓電視...

睇左一陣覺得冇野睇...

\就去訓覺...

訓醒就出去食飯...

今晚遠儀家姐請食飯...

順便俾人見下佢新老公...

今日好熱鬧...

差唔多所有親戚都出席...

我仲見到我好耐冇見而又好鐘意既阿哥添...

可能佢同我年齡差唔多...

所以同佢好玩得埋...

起初個個都好開心...

但過左一陣...

可能我姐夫飲大左...

講左D唔啱我Daddy聽既野...

搞到我Daddy鬧佢...

過左一陣我Daddy又一樣...

兩個差D打交咁滯...

好彩有好多人響度阻止住...

搞到個個都好咩...

嫻家姐顧得我Daddy又顧唔倒佢個仔...

搞到散埸佢地先去搵仔...

跟住Daddy又唔肯返屋企...

要好多人脅持住佢返黎...

搞到個個都唔開心咁...

呢個情景我地要唱陳小春果首<不歡而散>就最貼切不過...

今日終於要返大陸喇...

我地一早起身執野...

執執吓佢突然打俾我...

我起初仲唔知架...

我仲問佢係邊個...

我好開心架...

佢終於打俾我喇...

我亦都知點解佢個電話唔通...

聽完之後成個人開心番晒...

我地返到去都成七點...

啱啱好趕得切食團年飯...

我地好耐都冇返去喇...

返到去好多人都問我地好多野...

可能開心得滯...

Daddy飲醉左...

講野語無倫次...

自己都唔知自己講緊咩...

一樣野講成廿次...

不過大家都好開心...

但就好唔慣...

可能好耐冇返...

好多野都唔同晒...

so...

今日都算係咁啦...

今日又係成日響屋企...

本來connie約我去MK...

我都唔願出...

我又胃痛又頭痛...

去邊都唔想...

只係想留響屋企...

加上我又冇呢個心情...

成日都唔知做緊咩咁...

渾渾噩噩咁過...

成日都心不在焉咁...

自己都唔知自己想點...

淨係知我好想見佢...

其他我乜都唔知...

今日成日都響屋企...

但我乜都唔願做...

成日淨係諗住佢...

我起初都以為自己可以忘記佢...

但到依加我先知自己原來係唔得架...

佢每一樣野都響我腦海中...

我起初都以為自己喊完就冇野...

但原來係唔得架...

我到依加都仲係好在乎佢...

今日成日都響屋企...

我成三點先起身...

之後就食野...

食完野就開始織野喇...

我織緊條頸巾俾「麻麻」...

要快d先得喇...

我驚趕唔切呀...

so...

我尋晚又夢見『BB』喇...
我呢排成日都夢見佢...
我好開心呀...
可惜...