今日係2005年返學既最後一日...

我地個個都好開心...

今日放學我地班又搞左個X'mas party...

搞到個個都冇心機上堂...

eng堂我地仲響度睇《湊仔型警》...

好搞笑架...

笑到我地個個死下死下...

Cwai今日又冇返...

我同yvonne響lunch打俾佢...

我同yvonne都以為因為尋日既事唔開心所以唔返學...

好彩佢冇野姐...

真係擔心死我地喇...

放學我冇去到個X'mas party...

我自己一個返左屋企...

本來諗住去剪片架...

但拍唔夠mins...

剪左都係交唔到...

so都係唔剪住喇...

等我拍完先算啦...

咁就一日喇...

佢今日好左好左好多喇...

點知佢d fd又響度玩喎...

無啦啦sd左個sms黎...

話分手喎...

嚇到我咩咁...

我心諗我地頭先先講完phone咁快就...

佢即刻打番俾我...

我先知係佢d fd響度玩...

搞到佢都好唔開心...

咁我又好擔心佢...

之後過左一陣佢d fd打俾我囉...

同我say sorry...

話唔關tim事係佢地響度玩...

仲話hope我地冇野...

我果陣都好驚架...

都唔知會發生咩事...

今日本來好地地架...

又俾d衰人響度搞搞震...

唔知佢點呢...擔心佢.........

今日激親老公豬...

本來今日我地兩個都好開心架...

點知放學我去剪片...

咁我用左免提諗住佢一打黎我就可以聽電話...

點知死『千嬅』響度同我玩...

搞到我feel唔到震...

但個免提我又將佢整左做自動接聽...

咁佢響左一陣就自己接通左...

但我又冇聽到...

咁佢一聽到有人接就嗌老婆...

點知佢話佢聽到一個男人問佢嗌邊個...

佢喂左兩聲都淨係聽到我響度玩d笑聲...

以為我玩電話...

我五點幾先知佢打過俾我...

我即刻打番俾佢...

點知佢唔聽電話...

我起初以為佢聽唔到電話響...

但我打左好多次佢都冇聽到...

到佢聽果陣又好惡咁同我講野...

我聽完佢電話之後就冇心機剪喇...

仲喊左好耐...

又諗左好多野...

我覺得係關我事架...

但我真係估唔到係咁...

我以為佢嬲我唔聽佢電話...

聽到佢咁既聲又以為佢會唔要我...

又唔知佢做乜無啦啦咁喎...

搞到諗左好多好多野...

喊到Cwai醒先一齊走...

我出左校門打俾佢佢都冇理我...

到佢打番黎我先知原來係咁...

但我真係唔知架...

我個電話一直跟身...

都冇人聽過我個電話...

點會有男人聽電話喎...

我一路講一路喊...

我真係好驚架...

就算我真係唔要佢我都會同佢講啦...

點會一拖二咁衰喎...

何況呢d野都唔會發生...

我淨係愛佢一個...

我乜都俾晒佢...

點會無啦啦同第二個一齊喎...

俾佢嚇死我喇...

我以後都唔會用免提架喇...

最多響我聽左佢電話之後先用...

就唔會用個免提黎等電話...

費是一陣又好似今日咁聽唔到電話但又接通左...

我唔要今日既事再發生多一次...

好彩最後我地都冇野咋...

不過唔知佢會唔會又亂諗野...

我好驚架...

希望佢冇啦...

今日真係黑仔...

今日又係咁...

我拍完我段mv喇...

今日去剪片喇...

唔知剪完會點呢?

我又驚剪得唔好喎...

今日放學去左剪片...

不過我淨係capture左咋...

cap左都唔想剪喇...

個個睇左條片之後都問個boy係邊個...

咁我都有同佢地講係我bf...

今日blue堂曬左成堂...

edith要拍《我要做影帝》...

響籃球場度拍...

我做數shot果個...

陪a藍&yvonne一齊曬...

不過其實我地成班都響度曬...

聽日到Cwai拍喇...

我又幫佢做數shot果個...

仲要幫佢聯絡a藍帶野...

加油呀Cwai...

我支持您...

今日都算係咁啦...

今日估唔到又可以見到佢...

佢要我陪佢去買禮物俾佢school d人...

咁我咪去搵佢囉...

本來話一點架...

點知佢媽媽搵佢...

要到兩點半先得...

之後我地去左旺中...

點知冇佢搵既野...

我地就去左新之城...

佢響果度好快就揀到佢要既野...

仲有係我幫佢揀既...

仲俾我見到一本dumbo既schedule添...

if我冇果本melody既我一定買...

激死我...

陪佢買完之後就去左影相...

我地仲要行去銀城度影...

之後又行番轉頭食冬菇米...

果間野d冬菇好好味架...

食完就一齊去搭車...

佢去搭火車...我就響火車站果邊搭bus走...

佢同我講左好多野...

由佢啱啱識我到依加...

中間分手既原因...

我真係好中2佢架...

佢係我生命既全部...

我永遠都係屬於他的...

i love tim forever...

今日一早又要返學校聽野...

原來有d人都冇返...

早知我又唔返啦...

之後就返屋企換衫拎機就去kt搵佢...

佢好早就到左喇...

點知Cwai又話要遲d...

咁我咪同佢行左陣apm囉...

之後就搭去將軍O搵ula...

之後我地一齊去食野...

順便可以拍佢地食野...

之後又拍佢地好開心咁響度行街...

拍完就上ula拍佢地講phone...

又拍佢地一齊好開心咁play computer...

之後又要拍『BB』一個人響度諗野&食野...

點知拍拍下部機又唔夠電喎...

搞到冇得拍...

咁我地響ula房玩...

ula想拍我同佢kiss...

好彩我地冇中計姐...

之後突然話灣仔果邊暴動...

ula好驚...事關佢daddy&媽媽都響果邊...

咁妹又打過黎問我響邊...

媽媽又唔肯同我講野...

咁又令我諗起尋晚...

咁我就忍唔住響度喊喇...

好彩佢響度咋...

本來我都忍到架...

但佢一攬住我我就忍唔住喇...

我喊左好耐...

之後就去左ula屋企留下拍佢地分手...

我都冇乜心機...

好彩佢地都好合作...

如果唔係我一定會發癲...

之後Cwai就走喇...

我已經搞到佢遲到...

佢話要六點三走...

我地搞到七點幾先走...

真係唔好意思Cwai...

搞到你遲到....

之後我就同佢去左kt海旁...

好彩有佢陪住我咋...

係佢先可以氹到我笑咋...

我地搞到九點幾先走...

之後佢就去搵佢a姨...

我就搭車返屋企...

今日都算係咁啦...

唔知我同媽媽幾時先好番呢?

今日又係咁過...

放學我約埋佢一齊去Cwai屋企拍野...

佢都係走唔甩...

佢陪我返屋企攞腳架先再一齊去Cwai屋企...

ula佢地自己去九龍灣...

點知個個都話要遲d...

Cwai又俾佢daddy話左幾句...

搞到佢唔開心...

我地成六點先上到去...

點知又搞唔掂個腳架...

打俾a藍佢又唔知我個腳架咩事喎...

叫佢過黎救命佢又唔得閒...

最後ula用左個方法整定個腳架...

我地拍左好多野...

又拍得好好笑...

我第一次做導演...

覺得好好玩...

唔知呢份功課會幾多分呢?

Cwai做女主角...

而佢就做男主角...

本來想搵nova架...

但我驚佢要返工唔得閒...

藍又有好多段片拍...

佢咁忙我又唔想煩佢...

咁冇得揀之下我就搵左佢喇...

佢都做得唔錯丫...

我地拍到九點左右先拍完...

之後就同佢去食野...

食完又同佢一齊搭車...

佢搭左一個站就落車喇...

本來佢話送我返屋企架...

但到左kt果度佢話佢知響where搭車...

咁果陣又十點幾喇...

咁咪放佢走囉...

點知我一返到屋企就同媽媽嗌交...

佢話我成日問人借$$$...

又話呢又話路...

咁我為左段mv已經好煩...

佢又要響度嘈...

咁我咪同佢嘈囉...

之後就冷戰...

但我聽到佢響度喊...

咁我又唔開心咪同佢一齊喊囉...

喊喊下就訓左喇...

今日又係咁返學...

但我成日都好忟...

可能因為我病到死下死下啦...

so先會咁火...

加上佢又唔開心...

我又要擔心佢...

又要顧住自己...

都唔知顧得邊樣好...

放學本來諗住返屋企訓覺...

點知又臨時要聽一個講座...

好多人都唔想去...

點知又走唔到喎...

咁咪響果度訓覺囉...

又同老儲嘈左幾句...

好彩ula佢陪我睇咋...

如果唔係我就算記野都一定會走...

果d人仲要講普通話喎...

都唔知佢up乜...

到夜晚...我突然好驚...

個心好唔知點...

成個人都好火...

我好驚佢會好似之前咁...

我唔想呀...

但佢都仲係好唔開心...

我等佢自修完打俾佢...

佢個電話打極都打唔通...

我勁擔心佢囉...

又唔知佢做乜喎...

佢都唔知人地擔心佢既...

成日都係咁...

一有咩唔開心就收埋自己唔理人...

點氹佢都係咁...

我都唔知係我唔識做人老婆丫定係其他原因...

我覺得自己好冇用...

佢唔開心我氹極都氹唔到佢開心...

但我唔開心又會俾佢氹得好開心喎...

不過我唔開心都唔會唔理佢啦...

但佢就成日都係咁...

我都唔知點先幫到佢...

我好想快d見到佢開心呀...

我唔想再過d咁樣既生活...

我要佢開開心心咁同我一齊...

我唔想見到佢唔開心呀...

我要佢做一個世界上最幸福既人...

今日一早又要起身喇...

天氣一日比一日凍...

真係唔想離開張床...

之後就好似之前咁...

佢啦...今日唔知醒...

搞到七點十先去食早餐...

今日miss俾番我尋日同佢一齊影果張相我...

又幫我print左野...

真係thx佢...

我見到佢帶我織俾佢果條頸巾...

我覺得好開心架...

放學我又去左睇醫生...

醫生叫我唔好成日噴果d藥...

之後就返屋企喇...

但唔知點解我好忟...

跟住佢又唔開心...

搞到我又喊左好耐...

我真係好驚架...

但我都唔敢煩佢...

我唔想增加佢既負擔...

都唔知佢點...

我真係好擔心佢...

今日十點返左學校拍野...

點知有一個shot要take15次先得...

搞到個個都好無奈...

但都拍得好開心...

我要代人做一個角色...

係做女主角既好朋友...

但有一個shot我做極都做唔到...

係話個女主角俾人傳佢同另一個男仔...

但其實佢地又冇野...

只係普通朋友...

咁我要做一個好惡既樣黎鬧自己班d人...

但我冇果種feel...

之後又同a藍,希,班長響女「次」玩...

好多miss行到入黎見到a藍都o左咀...

唔咁去...

拍到六點鐘先走...

咁就一日喇...

都唔錯既...

我聽日要補番果個shot...

都唔知點算...

我驚自己做唔到又要ng好多次...

到時都唔知點算...

驚驚...

今日我同Cwai&Yvonne去左apm唱k...

我地十一點半先響apm等...

差唔多十二點先開始唱...

我好多新歌都唔識...

搞到佢地唱我又冇得唱...

個feel有d怪怪地咁...

好彩之後佢地都點番d舊d既歌我先有得唱咋...

點知唱到兩點半就cut喇...

得果兩個幾鐘咋...

咁就$38喇...

之後就響apm行左陣...

佢地要買袋...

之後hea左陣就返屋企喇...

同佢地一齊都幾開心既...

返到屋企坐左陣又同媽媽去左順利買燈...

返到屋企就六點幾喇...

今日都算係咁啦...