今日又係咁返學...

本來今日要到我講故事架...

點知blue冇返...

咁我又有多一日時間諗喇...gd...

咁響blue堂我地可以剪片嚕...

終於開番喇...等左好耐嚕...

但我剪到好怪咁...

搵左好多人黎睇都係咁講...

一堂始終都係剪唔晒...

都唔知等到幾時先可以再剪...

好想快d剪完佢...

之後果兩堂miss儲又借左堂黎排"永遠的班長"

咁我又唔知做咩好...

睇到我好悶好眼訓...

咁咪調位去聽歌囉...

點知聽聽下miss儲又發癩...

因為wel佢地響度玩牌...

搞到我地全班陪佢地一齊俾人罰...

要我地寫d無聊野...

搞到我好火囉...

又唔關我地事...

又要拉埋我地落水...

今日仲要pe堂囉...

我又冇短褲俾人罰做掌上壓囉...

個a sir都痴線既...

咁凍仲要人著短褲...

又唔見佢自己著...

我死都唔著架喇...

記就記啦...到時我唔信我拗唔掂佢...

今日都算係咁啦...

冇乜特別...

今日一早又係返學...

d天氣咁凍真係唔係好想起身...

今日cwai俾左我同老公影果d相我...

佢幫我曬番晒出黎...

我見到好開心...

第一次可以同佢有呢d相...

唔駛再係貼紙相...

今日都算過得唔錯架喇...

d時間唔會過得太快又唔會過得太慢...

佢今日又對我好番好多...

冇之前咁差...

今日blue堂又要講故事...

我好驚...我都未寫好...

好彩佢俾我同cwai聽日先講...

咁我今晚可以再諗多個...

我唔想要之前寫果個...

覺得太普通喇...冇乜特別...

之後hui堂整左新野...

唔再係自己個name...

整左一隻杯...

我整到落堂都未整完...

搞到又係我同cwai&kyo最遲走...

但我地又好開心...

之後我又同cwai響kt傾左陣...

佢今日聽到一d唔應該聽到既野...

搞到佢又冇晒心機...

我都唔知點幫佢...

我淨係可以響佢身邊陪住佢...

我見到佢咁我都好唔開心...

到佢去補習我就返home...

點知俾我撞到daddy...

佢要我陪佢行...

點知行到球場佢又叫我自己走先...

都唔知佢叫我陪佢行黎做乜...= =

咁就一日喇...

佢今日對我好番喇...

果種warm既feel又返番黎喇...

希望聽日會再好d啦...

今日我一早就出左中央...

佢幫我print野...

點知我到左打俾佢佢仲響屋企囉...

響沙田出到黎要九個字...

佢話佢a姨要佢響屋企食早餐...

咁佢先遲到...

但佢都可以打俾我同我講聲丫...

等我唔駛咁早出門口...

打唔到sd俾我都好丫...

俾我知都好丫...

佢又乜都冇喎...

等我出到去打俾佢先知...

我一個人響出面等左佢成個鐘...

又唔知做乜好喎...

諗住去大家樂食早餐等佢啦...

點知果度又裝修緊...

搞到我都唔知去邊好...

後尾去左seven食野再響中央等佢...

之後佢出到黎就幫我去print野...

print幾張紙都print左成個鐘...

我響出面等佢就響度織野...

我等佢果陣就織完我自己果條...

之後又陪佢去打機...

我一邊陪佢一邊織野...

我要將尋日俾佢果條加闊佢...

但拆都拆到我想死...

我地16點幾先走...

之後佢就送我去搭車喇...

咁就一日喇...

好彩...我都趕得切俾條頸巾佢...

如果唔係我驚佢凍親...

今日都算係咁啦...

今日一早就出左去...

我同ula要代『老婆仔』去聽一個講座...

個講座10:30開始...

但ula遲到10:30先到深水埗mtr...

咁我同老公一早就到左...

咁我地行左去西九食野...

咁ula又一齊...

我地食左m記...

之後又行番去mtr問人點去荔枝角天主教小學...

個staff話要響荔枝角出近d...

我地去到又搵左一陣先搵到...

搞到12:00先到...

但聽左一陣就覺得好悶...

我一邊聽一邊織野...

聽到13:30就走喇...

之後老公就去打機...

我就去搵毛毛...

我地去左行西九...

之後又出左mk...

行左一陣就走喇...

返到屋企已經好攰喇...

佢啦...又話打到19:00...

點知差唔多21:00先走...

真係俾佢激死我...

佢呢排梗係怪怪地咁...

都唔知佢做乜...

不過佢都比早兩日好左d架喇...

希望遲d會好d啦...

咁樣過日子真係好辛苦呀...

今日又係咁返學...

同佢冇尋日咁衰囉...

但佢對我都係好冷淡...

態度都係好差...

仲慘過我係佢普通朋友...

算啦...都係唔好要求咁高...

今日成日都冇上堂...

堂堂都響度hea...

頭兩堂因為冇帶機&帶冇得拍野hea左兩堂...

之後blue堂a藍唔舒服拍唔到片又hea左兩堂...

之後又唔駛上compu又hea左兩堂...

lunch之後miss發癲響度鬧人又hea左一堂...

係last果堂先至上到堂...

今日我地用maya整自己個名...

我整得好開心...

整到唔捨得走...

放學我同cwai去左apm食野...

之後佢又陪我去買冷...

我要織一條毛巾冷既頸巾...

後尾我見到隻紫色好靚又忍唔住買黎織俾自己...

咁就一日喇...

唔知聽日會唔會好d呢?

cwai要走喇...

真係好唔捨得佢...

cwai,無論發生咩事我都會支持您架...

加油!!!  

今日又係咁返學...

但我成日都好唔開心...

朝早我又好似平時咁同佢傾電話...

咁佢返到去再sd俾我...

但佢sd左一大段野俾我...

話呢排對我既feel淡左...

話見得多左...

咁我問佢會唔會唔要我...

佢又話唔會...

但又講話佢都驚緊...

我聽完已經冇晒心機...

我好驚我同佢連今晚都過唔到...

我因為咁喊左成日...

由lunch前果兩堂喊到放學...

yvonne佢地個個都問我咩事...

我都唔知點講好...

我真係好驚...

咁諗住想搵人陪下我...

點知又冇人得閒...

咁我咪一個人返屋企囉...

咁我返到去就打俾cwai同佢傾計...

我講左俾佢聽咩事...

我都唔知點好...

佢話淡左...

唔通我地因為個長假就...

我會好唔甘心...

之後到五點幾佢打俾我...

我同佢傾左成個鐘...

佢話一定會有淡既時候...

傾左咁耐佢都係講果d野...

唉...算啦...

跟得佢就預左架啦...

希望遲d會好番啦...

今日又係咁返學...

cwai又唔返...

搞到我地好擔心佢...

eng堂仲要俾人罰企...

佢叫我解一段eng...

我唔識佢就要我企...

d人話我傻...

點解唔當自己冇返呢?

但我覺得咁樣好衰...

明明有返又話冇返...

so最後我都係寧願企都好過呃人...

呢排好多功課要交...

我又好多都未做...

搞到今晚又要做到十一點幾先做完...

我諗個story諗左好耐...

我用自己黎做...

講番自己既生活...

但都係寫到好亂...

佢對我忽冷忽熱...

我都唔知點面對佢好...

我都唔知點解佢會變成咁...

佢同之前好唔同...

唔會好似以前咁care我...

對我冷淡左好多...

我覺得我地好快又會散...

到時我都唔知點算...

如果第三次冇左佢我真係唔想做人喇...

今日係假期後第一日返學...

我有d唔係好慣...

朝早又唔願起身...

返到去見到自己班d人...

覺得好多人都唔同左...

今日d時間都算係咁啦...

夜晚佢又鬧我喇...

佢放學打俾我果陣對我都好好架...

我之後去左剪片...

我上堂果陣都已經capture左架喇...

但爭排位果度就剪完喇...

但今日我又要去kt攞mp3...

聽日要將首歌放入條片度...

咁我4:30pm就一定要走喇...

我放學俾左馬仔睇我條片...

佢都幫我一齊諗應該點排...

但到4:30都仲未排到...

咁我同cwai要走喇...

變左今日都係剪唔到...

之後我自己一個去攞mp3...

點知我攞完走果陣聽...

一整個制又甩番出黎...

我即刻返轉頭...

果條友即刻幫我整...

咁先冇事咋...

之後我就返屋企喇...

夜晚有個人打俾我...

我唔知佢係邊個...

又冇來電...咁我以為係佢咪打番俾佢囉...

點知佢就話我好打俾佢...

又話佢自修完先打...

搞到我都唔知點好...

我問下你姐...

駛唔駛咁惡呀?

以後都唔問佢喇...

激死我喇...搞到我好似衰人咁...

都唔知佢呢排做乜?

成日都咁火...又要攞我黎出氣喎...

為佢我都唔知喊左幾多次...

希望遲d會好番啦...

今日成日響屋企...

聽日就返學喇...

d時間過得真快...

今日成日都諗住佢...

我叫佢幫我print野佢又話唔得...

佢今日又話要溫書做hw...

咁我咪唔煩佢囉...

我"哎"左佢好耐佢都唔俾我出去陪佢...

又話對住我溫唔到書...

我之前都係咁陪你架啦...

又話我唔可以成日都係咁...

話我唔可以冇左佢唔得...

我覺得係架...

我冇左佢我都唔知點做人...

依加做既所有野都係為左佢...

夜晚我約左佢去kt海旁...

本來約7:00架...

但佢又遲到...

搞到8:00先到...

我7:00就到左海旁喇...

我同媽媽講左出去...

so...之後我響海旁打俾佢...

佢同我講左好多野...

又話我好煩...

我都唔知點解自己會咁...

自從31號果日我就好擔心佢...

我梗係覺得佢會唔要我...

d sms一到我就好驚...

今晚我等佢果陣都喊左好耐...

到佢黎到先知佢冇野我個心先安心d...

佢氹我笑先冇野咋...

之後佢就入宿...

入到去佢都對我好好...

so今日都ok既...

但我諗我真係要改下...

唔好再對佢咁緊張...

咁我就會冇咁煩佢架喇...

呢幾日真係好難過...

今日又係響屋企...

daddy今日返左黎...

但我一d都唔開心...

我覺得我同老公d關係變得怪怪地咁...

佢開始唔係好點理我...

對我好好好冷淡...

唔會再好似以前咁氹我...

去邊又唔同我講...

做咩又唔出聲...

搵佢佢又好似唔想聽到我把聲咁...

都唔知點解佢呢兩日會變成咁...

佢今日成日響屋企訓...

我又唔知做乜成日都唔知點...

個心囉囉<戀>咁...

我驚我地過唔到呢關...

呢兩日過得好辛苦呀...

驚驚...驚驚...