今日又係咁返學...

響kt地鐵站佢打俾我...

咁果陣佢對我都冇乜野既...

但我就好緊張...

今日係佢要做決定既一日喇...

我問佢諗成點佢又唔出聲...扮唔知...

到我問出口果陣佢先出聲...

但我問果陣都好驚架...

我驚係衰果邊...

好彩佢係好果邊...

咁我都放心d...

我成個人好似放下心頭大石咁...

我知佢係諗清楚先至做呢個決定...

我唔想佢係因為心軟先做呢個決定...

anyway,我一定會支持佢...

now我一定要更加努力做好自己...

我唔要佢再傷心多一次...

我一定要學做大個女...

『學做大個女...』

今日我pk...

仲搞到『老婆仔』整親...

我跌就冇事...佢跌就整傷左...

下下都係響果個位pk既...

搞到我地都唔知點好...

仲有好多人響果度經過...

除左pk...今日都冇乜野既...

算係最平靜既一日...

聽日就見到佢喇...

唔知會點呢?

今日又係咁返學...

我尋晚兩點幾先訓...

同yuki sd msg sd到兩點幾...

佢又同我講左好多野...

我諗我都識諗既...

返學果陣妹又sd左一大段野俾我...

佢第一次咁關心我...

我又忍唔住喊左出黎...

之後返學都係喊...

我一見到『老婆仔』就忍唔住喊喇...

我今日成日都好唔開心...

又唔舒服...仲要我拍《影帝》...

搞到我都唔知點拍好...

我叫馬仔幫我做cam man...

佢幫我嗌埋action...thx...

之後就成日都響度喊...

我一諗到我好快就會冇左佢...

我個心就好辛苦...

但佢又sd左《我愛您》...

又話會永遠記掛住我...etc...

我睇左好warm...

但又好矛盾...

我都唔知佢講真定講假...

返到屋企又一個人...

同cwai傾左好耐電話...

night,佢打俾我同我講佢睇左我diary...

有少少心軟...

話可能唔散住...

我個心又有番d希望...

但我唔想希望愈大失望愈大...

so我都係叫佢諗清楚d先答我...

咁我會好過d...

佢今日對我都唔錯既...

又因為尋晚既事同我sd sorry...

佢都算係咁啦...

無論點我都會響佢身邊支持佢...

希望有好消息啦...

今日又係咁返學...

cwai今日終於返學喇...

不過佢冇返課室上堂...

佢響地下同社工傾...

之後又去左教員室坐...

我同yvonne lunch去左搵佢...

同佢傾左一陣...

之後我地就要上堂喇...

我知cwai好辛苦...

唔知點面對佢地...

我都好戥佢可憐...

night,佢又打俾我...

同我講左好多野...

佢話佢已經覺得我可有可冇...

唔會再好似之前咁care我...

我聽完都唔知點好...

個心好痛好痛...

佢愈講愈火...仲要用粗口鬧我...

我識佢咁耐佢第一次用呢d咁惡既態度對我架...

仲慘過同一個好普通好普通既朋友講野...

佢話佢會今個星期六同我講...

佢話佢俾左好多機會想我出聲先...

但我就死左唔肯講...

佢臨收線果陣問佢即係點佢又好惡咁答我...

我真係以為今日會係我地既last day架...

好彩唔係...

但同係冇乜分別囉...

之後我成晚都訓唔到...

我同左yvonne&cwai講...

cwai sd左一大段野俾我...

搞到我好感動...

響我最唔開心最無助果陣有人雪中送炭...

我即刻喊左出黎...

佢未sd黎果陣我都已經喊左好耐...

猛響度亂諗野...

佢sd完之後我就喊得仲勁...

第一次有人咁關心我...

我好開心可以識到cwai&yvonne...

佢地都好關心我...

thx u very much...

今日又係咁返學...

但『老婆仔』無啦啦寫左封信俾我...

我睇左都唔知俾咩反應佢好...

佢根本唔明愛一個人係點...

佢以d主觀角度去諗野...

佢知我同老公有d野...

但佢唔知咩事就叫我散...

佢知我一定做唔出架喎...

我都唔知點好...

我相信如果冇左佢既日子我會過得仲辛苦...

雖然我都唔知我同佢仲可以keep到幾耐...

但只要我一日仲係佢老婆我都會盡我自己既能力做好自己...

我好想維繫住呢段感情...

我唔甘心呀...

我同佢經歷左咁多野先可以有今時今日...

我唔想就咁就冇左呀!!

咁我真係會死得好慘...

我依加唔會再有咩期望...

keep到梗係好啦...

keep唔到就希望佢可以開開心心...

我唔想佢好似之前咁避我...

我永遠都會等佢...

好話唔好聽就算我咩左我都會保佑佢...

love tim forever~

今日一早就出左去...

我同佢去睇戲...

點知出到去又唔知睇咩...

咁咪睇《鋼金》囉...

我地買左11:25...

仲有成個鐘先夠鐘...

咁咪又陪佢去uc打機囉...

但佢一開始打就唔理我...

我自己一個響度做自己野...

之後去左睇戲...

睇完佢又去打機...

咁我咪又唔知做咩好...

咁我想zzz...但我點都訓唔著...

我諗左好多野...

咁我終於忍唔住喊...

我由尋晚想喊到依加都喊唔出...

我喊左一陣就冇喊喇...

我好辛苦先逼到自己喊...

我一邊陪佢打機一邊等cwai...

之後我地又去左中央...

佢等媽媽我等cwai...

之後我地又好快走...

但我好驚...

我真係好驚今日係我地既last day...

佢話唔會...佢now仲忍得住...

我個心始終都係好唔知點...

我好矛盾...我唔想見到佢咁...

但如果要我講我一定講唔出...

night,佢又好似平時咁...

又對我好好...

我知佢依加仲愛我既...

只係冇之前咁強烈...

但我唔想咁快咩囉...

我都唔知自己想點...

變左我今晚成晚都冇食野...

冇胃口亦都唔想食...

too bad><

今日成日響屋企...

佢又要溫書...

咁佢唔想我阻住佢...

佢比之前已經變左好多...

或者我真係留唔住佢個心...

佢冇之前咁care我喇...

我都唔知究竟係我問題定佢問題...

我覺得好辛苦呀...

佢一時一樣...

佢究竟想我點呀?

night,佢同我講左好多野...

佢話佢覺得同我好多野都唔夾...

佢有好多時都係忍緊我...

我同佢好快就會冇架喇...

拖得幾耐得幾耐囉...

唔知點解佢講完之後我好冷靜...

我冇再好似之前咁喊到死左...

我個心好痛好辛苦好想喊...

但我喊唔出...

我一滴眼淚都流唔出...

我逼自己喊都係喊唔出...

我忍左好耐喇...

但我始終都係喊唔出...

我個心好似俾人插左刀咁...

三次喇...佢hurt左我三次...

一次又一次咁做...

但我都冇後悔過...

我唔知自己可以捱幾耐...

話唔定有一日佢地會見到我上報紙...

我估唔到咁快囉...

亦估唔到係因為呢個原因囉...

之後我cwai傾左好耐...

佢都覺得佢都衰...一時一樣...

cwai都唔知點安慰我好...

佢見我好冷靜好冷靜...

冇之前咁激動...

相信好快我又會好似之前咁...

我覺得自己好犯賤...

我都唔知我可以點...

今日又係咁返學...

佢又係對我好唔知點咁...

冷冷淡淡...

今日動畫堂要test maya...

要我地整張e card...

我起初以為好難...

但做落都ok easy...

我諗都pass既...

今日放早...

我返屋企換衫食飯...

之後先去kt搵佢...

點知佢仲要遲到...

佢黎到又唔理我...

得佢自己一個人行...

佢之前都唔係咁既...

佢一定會拖住我先行...

點會好似依加咁先得架...

搞到我好忟...

後尾上車佢又唔理我響度zzz...

咁我咪又唔理佢囉...

之後佢就俾我睇佢隻手...

佢攞番之前俾舍監收左果隻鐲...

都算係咁架喇佢...

肯為我去攞番...

之後我地去左沙田行街...

原來沙田都唔係咁多野行...

一來佢又冇心機行啦...

二來佢帶我行果d地方都冇野啱我睇...

行左一陣就走喇...

佢又帶我行佢屋企附近...

好快就走喇...

我去到沙田一個鐘就走喇...

搞到我好冇癮...

佢又對我唔知點咁...

我真係好辛苦...

都唔知佢想點...

係咪我做得唔夠好呢??

定係佢根本就已經唔愛我...

我好想要番以前既佢呀...

果陣佢會好錫我...

又氹得我好開心...

依加?...搵下我都可以唔記得...

我為左佢喊左好多次...

都唔知我咁擔心佢為乜...

佢都唔領情既...

仲話我煩住佢...

anyway...我唔會離開佢...

今日成日都係咁過...

覺得d時間過得好快...

maya聽日test呀...

我驚我唔識做...

放學我約左cwai去藍田行街...

咁佢遲到...

我咪響月台得佢囉...

點知有條友想博我懵囉...

佢特登坐到好埋...

又用隻腳黎掂我隻腳囉...

一有人行佢就即刻坐番開...

冇人就坐埋黎...

我起初唔知架...

後尾見佢成日都係咁...

我先知咩事...

佢仲要扮響度講電話囉...

之後cwai到左我行去搵佢佢都仲要跟住我囉...

後尾見到我地一齊走佢先走...

都唔知佢想點...

呢排都唔知做乜咁黑仔...

撞到兩個想博懵既人...

今日同cwai行街又差d pk...

老公今日又唔知做乜唔係好點理我...

我又要擔心佢...

都唔知咩事...

佢又話對我個feel淡左...

搞到我又擔心左好多野...

又亂諗左好多野...

我真係好驚會有第三次...

到時我一定死得好慘...

唉...我都唔知喇...

總之呢排真係發生好多野啦...

今日又係咁返學...

cwai又冇返...

今日終於到我講故事喇...

但我只係講左大概...

因為我都未諗好...

之後blue又俾我地去剪片...

我又剪左好多嚕...

差少少就剪好架喇...

但都係剪唔晒...= =

之後a藍又要拍《影帝》...

咁我同yvonne又做『茄呢啡』...

之後blue俾我地響電視台hea...

咁又一堂喇...

d時間過得真快...

眨下眼又放學喇...

唔知點解我呢排好驚...

我到依加都仲未咩囉...

我驚我唔想發生既事會發生...

到時都唔知點算...

但同佢講佢又話冇野...

但我始終都係好驚...

都唔知佢幾時黎...

突然間好想佢快d到...

咁我會安心好多...

佢都唔知人地擔心既...

night...我個妹又搞左單大穫野...

佢今日俾人打左幾把囉...

果d人都痴線既...

郁d就話打人...

明明係佢地唔啱又屈我個妹...

佢間學校真係留多一日都想死...

都唔知佢會點架...

搞到媽媽要同佢去報警...

又得我一個響屋企...

搞到我又好驚...

開晒成屋d燈...

又開住歌聽...

又係咁搵人陪我傾計...

都唔知幾點先有得訓...

too bad...><