星期二:咩都唔記得只係知上皮蛋堂好正，話說英文堂呢，皮蛋講左2個proverbs啦...其中一個就係講Still water runs deep.意思就係"靜水流深，大智若愚"啦...

佢講左個example...佢話我地個校長呢睇個樣好似傻傻地咁，好似街邊賣豬腸伯果d呀伯咁...但係其實佢科科都好勁，佢話唔知點解要搵佢教我地英文都唔搵校長哈。勁正唷~

尋日:都唔記得左有咩做過啦。...總知英文堂都係幾正...

今日:ADM堂派番個quiz...關秋話改左幾張唔想改啦...愈改愈多得一兩分，哈我果份睇番...唔知有冇3分...因為一個小小既mistake...之後成題錯哂...同埋做第2題果時呢唔知咩事個心都唔係係條題目度...諗左第2樣野@@

Assembly都幾正，e個係我第一個冇訓過覺既assembly...成功左啦都叫~冇計啦一直望住支結他哈，支結他d聲好靚>.<彈果個人又好勁...呵呵呵

之後又2堂英文囉，悶悶的...中文堂又hap眼訓。哈唔知咩事從來冇訓過既中文堂...e幾日都係咁hap...

之後兩堂PE啦幾好丫唔錯...一開始熱身完就比十幾分鐘我地練跨欄啦係寶翠...之後就2個2個考試啦自己pair up~同肥tim pair啦因為呂sir話考完果d可以自己去踢波咁我同肥tim同其他人一樣好主動囉XD

跨左第一個欄發現，右腳大腿原來未好，哎死啦跑果時痛到我傻，跑完又趴左係度...冇計啦未好番又搵多次...愈拉愈傷~點知呢係e個時候我又走左落場踢波XD...跑到我傻...又痛到我傻囉。

哈彈到首太陽之歌嚕...幾好丫唔錯~搵日借番部accoustic番黎彈就會好正~首stay with me呢...個key係唔同原版，不過都幾好嫁啦。

今日借呀鉗部車番屋企食飯啦，嘩爽到你丫，食完飯之後走左去踩單車，係條大馬路度左穿右插，咁岩果個時候又冇咩車woXDD咁我緊係霸哂條馬路盡情踩啦，公路車果然係公路車，真係踩公路的...

快到咩咁=.=do一聲就由景林到寶林嚕。真係幾刺激嫁夜晚踩馬路同側邊d車say hi。哈終於可以同架私家車平排。

好啦，好耐冇打日記嚕。

首先講下3日既假期，第期五咪踢波囉。星期六may帶我地組訓班人去退修，星期五果晚約人啦約完好似差左個咁，但諗極都諗唔到邊個之後訓左。

星期六朝早8點起左身，刷牙果時突然記起原來冇約Heidi...哎果下真係驚到我傻。我係度諗要打比may先定heidi先結果都係打比heidi...好彩個電話嘈醒左佢咋如果唔係我就犯下左彌天大罪。

之後繼續刷牙=.=跟住就汁衫汁紙汁要用既野啦。之後呢好低能咁走去百佳諗住買香口膠，點知要7.7...之後走去萬寧同屈臣史諗住睇下有冇平啦，正常係有嫁嘛，點知未開。之後番番去百佳買左包蜜瓜味...

跟住就去新都城巴士總站等齊人就上車啦，哈唔記得左叫佢地一個二個著長褲。跟住比靜靜同heidi話我失職所以要殉職-.-...

好啦之後既詳情唔講嚕唔多想打字。

到星期日，姐係尋日，朝早接婆婆同張伯，之後番崇拜啦哈，好正丫張伯，九十歲人都好幽默。最記得就係完左崇拜送番佢地番去果時呢，婆婆問張伯步行籌到咁多錢會唔會有獎，張伯答佢有鬼獎，獎副棺材......

之後番番去練歌，練個頭...之後同思麗2條唔開心的友仔係嬰兒房到發呆....大約呆左大半個鐘之後佢地就走啦得番我同思麗2個人，係度傾下計...又呆下...之後見到d人行過但係冇人見到我地，到5點幾果時潮源行過都唔見我地。

跟住醒起平時都係潮源閂教會大門，咁我地就好緊張咁即刻入番房拎野之後衝出去門口啦，好彩丫真係佢地真係岩岩想走，幾驚會困住我地2個人係度=.=

咁之後呢同佢地講拜拜之後我就同思麗去新都一期買鞋@@之後係新都行左陣啦咁佢就話未去過欣明苑咁我咪陪佢去囉，途中佢又話不如買啤酒飲，話想酒後吐真言woXDD結果都冇啦

係欣明苑間OK見到雪糕個半...之後一人一個就坐左係度傾計啦，哈真係多謝思麗尋日陪左我咁耐......

等待是幸福嗎？

隻MOUSE新買，壞了。PRINT野，print多左張。踢波，踢傷左隻腳。

哈講下尋日一件都幾興奮既事先XD尋晚係街見到我小學中意既果個女仔哈。唔知講咩好丫，佢好似見唔到我所以我都唔hi佢啦。不過佢個樣真係變左唔少，最少個髮型都係唔同左啦。

哈我係度諗，唔知佢有冇人追呢XD哈好搞笑地呢e排成日都諗起佢wo,,,有都唔出奇丫我中意得既都係好女仔哈。哈好記得小學果時呢個個都話...識揀wo揀左個全班最靚，但係e家諗番起佢又好似唔係我中意果隻style囉。

佢果時都ok成熟嫁，反而尋晚見到佢果時覺得佢變得冇咁成熟哈。唔知佢過成點呢...哈點解呢...好似我中意親既人都係大過我>.<我記得果個女仔好似係4月生日嫁...哈。

好掛住小學既日子，日日都低低bb咁，低b得黎好開心，從來都唔會有e家既唔開心e家既辛苦。最記得就係以前日日放學係公園玩，係度係咁排呀排，好掛住ed日子。...e家想搵個有番咁上下身手既人同我去公園玩都難XD

好搞笑嫁,,,以前呢係一去到公園就會成個人大謄左好多咩都敢做嫁囉=.=好掛好掛住冇唔開心既日子...

唉尋晚都唔知咩事，想訓又訓唔著唔想訓果時又訓著左wo。朝早10點幾11點果時去左剪頭髮，今次係比果個唔知叫佢姐姐好定係叫佢姨姨好既人剪啦，超靚丫剪得，剪完同完本冇咩分別。

之後番屋企啦，番屋企果時見到冬妮...都好似好耐冇同佢講過halo嚕。之後食煎餃子飲粟米湯...好正唷飽到我傻。之後換衫飛車過去踢波啦。

一開始比人踩場，因為肥tim冇黎丫所以冇左張book場紙...搞到我地冇得趕人走...但之後就搵人同佢地踢左陣之後就到番我地自己人玩啦。

落左場冇耐...發現自己右腳大脾軟軟地冇理照踢...之後愈踢愈痛...都冇理照踢忍住...點知果場踢左成個鐘都未完...忍唔住啦真係跑唔郁啦痛到咁就換左for仔出去啦

...唉拉傷哂大脾肌肉...痛到傻。冇計啦都少踢波又咁耐冇做運動。哈今日有5部單車。

4點幾就諗住走啦係寶林兜左唔知幾耐，最後好冇心機咁又唔想番屋企又咁岩見到yip佢wo...原來佢地仲未走去左細場踢哈。咁我就去埋睇下啦反正都唔係咁踩得郁部車囉隻腳...

點知又貪玩走左落場踢...今次真係徹底咁痛死左=.=玩完之後仲要載henry番屋企。其實我都唔想嫁...但唔記得左應承左人野所以要趕番屋企...結果隻腳係我載住人踩車仲要係咁出力沖既時候...又傷多一大獲...結果番到屋企即趴左係度...真係郁唔到啦..

趴左陣就去左沖涼啦，沖完涼就唔記得左做咩嚕。

係e一刻又諗緊小學個女仔啦...

哎係啦今日傾左陣電話啦同kilik...條友打黎問我數既本身...點知之後同我講d秘密野XDD...好耐都冇試過做八公做到咁八嚕XDD唉，同時天涯淪落人....SO DO I...

-----------------------------------------------

今日既我好失敗。每日既我都係好失敗。唉......

p.s.首bgm如果有人頂唔順既可以叫我轉。