尋晚諗住打日記嫁啦，因為發生左一d好低能既野。不過呢電腦枱杯涼茶比支結他整跌左成杯倒左落個keyboard度...so個keyboard神左，冇得用。

好啦補番依幾日做左d咩先。

星期二：第3堂英文堂一完就唱歌比方sir聽，之後比紀念冊佢之後祈禱，祈禱果時我都眼濕濕...我聽到好多人都開紙巾好多人喊...包括方sir...祈完禱方sir講野都忍唔到...結果一野大喊...哎好傷心丫我都。...連我都會眼濕既野真係好值得眼濕。

放學之前果堂呢eng啦...佢比我地同佢chat啦...咁呢其實我地係買左蛋糕同佢farewell~咁呢陳B同林欣就扮去toilet之後去拎蛋糕上黎啦。哈方sir話中意咁既氣氛...因為唔洗喊。之後一齊食蛋糕丫方sir又講下野分享下之後影下相...落左堂之後就前副主加現副主席夾手夾腳排位影相啦...

哈因為主席去左打波...我見個現副主又好似唔夠聲咁~咪幫下手囉XD影相搞左好耐跟住原本我地係想唱多次首歌比方sir聽嫁結果都無啦因為佢走得超急。影班相都幾開心丫哈。

尋日：我咩都唔記得只係記得phy堂哈。正到你傻。

上phy堂果時~咁呢yoko就想食糖啦...佢叫呀耳掉粒糖比佢食啦...耳係坐佢既後後後面果行...中間隔住2排男仔啦...咁我地就猴住呀耳粒糖諗住佢掉果時中途截住佢...

咁我地4個男仔就係度伸哂手出黎想接咁啦...點知Benson舉得高得制=.=呀sir問佢做咩以為佢係舉手wo~之後呢呀sir又一直冇另轉身搞到呀耳掉唔到糖啦

跟住好好彩地呀sir另轉左個頭跟住一掉=.=呀sir就另番轉頭...呀耳唔知係咪唔想我地偷到就掉得超大力~飛埋出去出面...呀sir見到之後就對住yoko問佢咩黎...唔洗0.001秒yoko就話係rubber=.=

呀sir d表情超正囉...其實佢知嫁望住粒糖...之後就同我地講話:DONT THROW YOUR RUBBER IN THE CLASS...哈佢又忍到笑...

之後過左一陣...yoko一淡食左粒糖...仲要個口郁得超大動作...結果呀sir一另轉頭就好驚訝咁話~

Oh!!!You eat your rubber@@之後講左陣道理就記左佢名...哈我地成堂係度笑佢...笑到冇上堂。

LUNCH同思麗衝去拎蛋糕因為AMY今日生日丫哈呵呵。番到去買叉買火機...個火機4蚊@@之後番去cover食蛋糕啦...哈都幾開心嫁明明係英文日，cover度仲有個speech festival...我地成班友超大聲係度講中文...之後因為太大聲我地比foolish shhhh...

今日呢...係方sir走左之後第一次上英交堂...皮蛋黃教啦...佢第一堂一黎就用佢本bubu book...教grammar..哈同方sir既style係totally different。好悶...好彩第2堂要去書展咋真好彩。仲有丫佢話佢要我地上堂做comp唉死得啦...明明我地從來唔會上堂作嫁嘛。

好慘丫...成份adm做到最後果題最後果part...諗左成半個鐘都唔識...算!!!

--------------------------------

今日睇完覺得幾正既片~

http://www.youtube.com/watch?v=Xx3yXUunEq8      (幾正)

http://www.youtube.com/watch?v=VNbeoUcxg6A

http://www.youtube.com/watch?v=xIQTbm5iMTo

http://www.youtube.com/watch?v=xIQTbm5iMTo

http://www.youtube.com/watch?v=v4V0XXWZEJ0      (幾幾正)

http://www.youtube.com/watch?v=m7oXQkXKm2c     (幾好)

http://www.youtube.com/watch?v=_L4x4BBy-9c        (Phantom of the Opera In Chinese)嚇死~

好好好講下星期5先，星期五點幾左踢波...曬到傻跑到傻不過好好玩囉，踢到兩點九就去打羽毛波，嘩好中意5D丫e家，開始團結啦...我愛5D!!!打羽毛波真係好攰wo可以。打到5點啦，都唔覺有咩大問題丫係對腳好攰。

之後同may同思麗去慧安食野，佢地2個買台灣腸食，我就去買魚蛋食...哎唔記得搽潤唇膏丫整到個嘴爆哂勁。題外話：我個嘴長年都要用潤唇膏嫁因為好敏感好易就爆。好啦番番黎個嘴唇好痛。

到星期六姐係尋日，一早起身發現自己身體某d位好痛=.=哈拉唔到筋囉痛到XD唔緊啦...最搞笑就係打完羽毛波個patpat好痛

番教會組訓...鼻敏感得太勁啦，中途退出一陣，跟住番番去啦...之後到點八就完啦。敬拜明明彈到甩哂...哈。唔緊要啦practises make perfect...我諗佢都幾驚既...上次同佢夾佢冇甩到嫁哈。加油！

哎分組我唔想講啦我只係可以講既係，我好快頂唔順。唉原來離棄左神2個星期既我真係唔得，小組為人祈禱...祈得好差/.\但係e家我番番黎啦！撤旦，退去吧！

我知神會預備。

完左分組係度傾左陣計就走番到屋企又玩結他．．．之後呀爸打黎原來佢冇番香港佢係大陸，搞到我餓到傻冇出去食野。

哈其實之前細個呢係好想屋企冇人，不過都唔係太好嫁咋唔好羨慕我。

冇左父愛既我仍然照樣過，有咩咁大不了姐！我就係一個咁樣既人你話我冇人性又好點都好，我就係我，冇哂屋企既愛我諗我都唔會太傷嫁咋。愛理不理？

所以教會係度講家庭，我真係冇咩感動wo話我衰都好我都唔會有咩感動。講真丫成個家庭入面我最放唔低都係我媽媽姐。

呀爸e家對我黎講有等於冇...哈唔洗安慰我又唔洗問我點解...你當我冇人性啦XD

好啦到今日...今日就豐富囉XD朝早番崇拜講家庭冇感動bo...哈不過今日個崇拜好正正，勁低能囉天國既猛男，跟座堆男人上左台度好man咁~嘩好正等我又快d搵番個先XDD我又要做天國的猛男哈。

見證都好正都幾touch。哎默禱果時見到思麗又喊明明又係我諗係屋企嫁啦...我都唔知點解我可以咁冷血...哈唔知道。

完左崇拜我走左出去食西餅食左2件之後係度同佢地傾計之後一齊去食飯。去左漢陽樓...跟住思麗明明朱力ada上左我屋企玩。

我屋企真係冇野做嫁囉。

今日聽到呀南講（之前都有提過下佢，呀may話佢係教會入面敬拜既始組XD姐係好勁嫁啦）...原來丫佢都覺得間band房一d都唔覺係band房=.=e樣我都唔覺嫁wo哈。

係啦係啦今日崇拜既敬拜係少年敬拜隊彈，支bass好嘔心囉d聲~唉教會有錢就好嚕~祈禱吧!!!祈番d靚音響結他bass咩都祈番黎啦呵。

好好好去片~

http://www.youtube.com/watch?v=qBWzwemHWho

http://www.youtube.com/watch?v=jn8XfKnDPlg

下面e個你唔笑我話你叻。

http://www.youtube.com/watch?v=thtmaZnxk_0

http://www.youtube.com/watch?v=iFKcSFN8tPU

今日就係旅行日啦，原本真係冇咩希望根本唔想去，點知又幾開心wo。

今日6點半起身，汁埋d野換埋d衫就出門口啦，一落去就見到Raymond同Henry，咁咪同佢地一齊去地鐵站囉，嘩去到見到我地班既男仔成班鴨仔團咁傻嫁，我諗有成廿個人一齊。

之後搭車...之後到中環又要搵文文之後見到思麗同明明啦，咁就幫明明拎住d野食，哈好想食。

跟住就去到車站先等啦，發現原來d人好早到哂，我地一到5C就走人之後到5E...我地班仲差兩件，最後都到左啦之後去啦。嘩係車站同朱令令傾計傾到我想死囉勁低能，一開始係冼卓叫我地一齊搭膊頭走去同朱令講早晨=.=勁搞GAG~

上車啦唉好冇癮囉，冇一個人同我傾計，結果自己走左去訓。到左赤柱唔識去啦跟住見到幾個5C既人就問左佢地啦。之後就去嚕去到果度即去換衫跟住呢知道左一個唔好笑既笑話。就係5E班人比包包帶錯站落車，早左個站。

係果度我地一開波就玩用腳既馬嬲搶波，勁低能囉玩得，哈最記得就係關秋係度玩腳法果時比mak一野車走左粒波。Luther又係咁輸思麗又係Timothy又係Gorson又係。跟住係度罰講心事，其實冇一件事係唔行嫁囉。

勁低能囉。哈之後玩數字波啦，分number果時真係笑到我肚痛，關秋係度係咁講潮州話wo跟住思麗又要係度學wo，講到好搞笑-.-玩果時呢關秋又出矛招，就係用潮州話講number，又掉到個波好高wo。

咦點解數字波輸左冇罰既。哈個個話罰關秋落水唱歌點知關秋唔比我地落水.../.\玩數字波又係思麗輸加jason。

好啦之後玩咩呢，玩閃避球，哈係分社玩囉mark加john對matthew加luke，真係好玩。第一場做外圍，第2.3.4場都做入面，第2場係尾2果個死，第3場係得番我一個冇死，不得不讚一下自己既身手XDD玩完2場冇哂氣，d人仲要我落第3場結果第一個死左哈哈哈。第5場做番外圍ko左唔知一個定2個。低能嫁關秋掉既波超大力。

之後玩到個個趴哂跟住拉大隊食飯。你早講你地有好多野食嘛咁我咪唔洗哂錢囉，不過算啦都多謝哂哈。

成班男仔加3個女仔出去食，搵呀搵都唔見有野食，去埋商場都唔見，一係就貴到傻一係就M記，我死都唔食。跟住最後去左間野叫"大排檔"食啦，一人叫個餐，哎點解關秋塊牛扒大過我果塊咁多嫁，不過呢e間野d牛扒真係難死到死，好似係度咬柴皮咁熟到冇人有。

個乜野蘑菇汁，正常人都會以為係白汁果隻啦，點知一黎到係橙色既@@但係我見上面有有d切左片既蘑菇咁咪照食囉，一食酸到媽咁，個個叫e個汁既都話酸到傻。好彩個waiter哥哥比我地有學生價28蚊如果唔係就34。之後個個加6蚊叫特飲XD

加埋就姐係34啦仲要加1姐係38...嘩一餐@@之後關秋緊係貼啦，一人出30蚊就得嘩關秋一餐食左150蚊比埋tips。

之後關秋做導遊去左美利樓睇下加影合照。

食完已經好遲嚕，咁就番去啦因為要玩班game。我發現呢唔想玩班game既人真係唔好比佢地玩囉咁大家都會開心好多，所以今日我地就採取"叫左就黎唔黎就算"既對策。

第一個game係變形虫耍盲雞，咪姐係大家要拖住手玩既耍盲雞囉。咩都唔記得只係記得2大事情，

一：有人係咁走光@@二：就係首先呢我拎benson黎做擋箭牌牌跟住佢同思麗拖住我夾埋黎整我，就係搵我過去盲果個度，佢係呀rae...我唔夠2條友大力囉之後訓左係度...呀rae仲係唔知咁向前行，我幾驚佢訓左落黎。

好彩拎隻腳護住自己咁佢都識停，大佬唔係護自己囉人地女仔黎嫁嘛男又有咩所謂。

哈勁好玩勁好笑。e個game真係好正。之後玩網魚都冇咁好笑囉，冇咁好玩不過都係好好玩嘩攰到我死啦。係度跑黎跑去。最尾冇死果5個win左yeah我係丫哈。

之後玩到個個死哂就番去抖陣加影相。哈超中意朱令。呀文話今日叫佢睇下果個細路果時，哈果個細路係咩人呢，我估佢都係2歲到啦，我一睇緊係女仔啦長頭髮個樣又勁女仔勁可愛，點知一望下面@@大獲有野既...哈佢係全祼既果時，大獲下面有野凸出黎=.=Luther係咁同我講e句我都唔信，之後一望我成個趴到訓低左。

係啦係啦呀文佢地一叫朱令望果時，朱令講左2句野，我都唔知信唔信好，第2句出現左2隻字，就係名詞，講男性的，就係jxxjxx...唔知可唔可信...真係對朱令要重新評估。

影相啦~比Luther咩住既我，朱令影極都唔影wo搞到LUTHER腳軟掉左我落地趴左係度/.\朱令好衰...哈之後佢話大家快d影啦林俊文e家唔係度大家就要快手d=.=勁野!!!

之後影左d相就去搵左方sir影一張相啦。唉唔知點解影果時笑唔出。之後走啦。MISS YOU SO MUCH。

搭車走啦，番到中環等埋明明同TK就出MK啦...TK同charles,mak出信和。我出去nelson，明明同思麗同kitty同fanny就去行街買衫。唉尋日真係有少少唔開心嫁。

得自己一個人係果度買完2個pick就冇野做...自己一個走去旺角電腦中心行...又帶唔夠錢，自己一個去買杯珍珠奶茶又自己一個走。唉算啦。

=============================

係旺角呢尋日終於感受到電視成日做果d場景囉，企係個十字路口側邊d人都好開心咁經過...果個場景囉，仲有果個感受唉...望住個天一路行一路諗一路煩。原來，走在十字路口真係咁難行。