e個星期我好唔舒服呀 ．所以冇咩上電腦，就打唔到日記啦，ｅ個禮排都要返大澳呀，又打唔到日記啦

所以敬請大家原諒．．有咩事打我手提啦∼∼

今日唔舒服，休息一天．．．

各位唔好意思呀∼ｅ幾日唔係咁得閒所以冇打到日記，我係咁睇ｔｖ同做ｄ關於話劇既野，所以唔係咁得閒．／

今日就係到做話劇既日子啦，仲係會計分，ｍｉｓｓ　ｈａｕ仲會簡２組上堂比賽，第一個巳經簡左啦，就係詩

雯個組啦，我都鄧佢開心，第２組ｍｉｓｓ又未簡，可能簡我地個組或者係許青青個組，其實入唔入到都冇咩所

謂呀，最緊要我地班有組入到３名以內咪得囉，今日上最尾個堂呢，個個都想睇朱茵，可能朱茵身材好啦，ｄ男

仔就想睇啦，話俾你地知呀，我地班好多咸濕仔呀，小心ｄ好，點知都係睇唔哂既，佢仲想留我地係學校睇ｗｏ

釆佢都傻啦，我地咪去搵阿蚊囉，佢又要整英文話劇個ｄ野，我地又要等佢，咁我地２個見到詩敏，咪問佢做咩囉

佢話去個課室到表演多次個個話劇，我地問可唔可以去睇呀．佢話得ｗｏ，我地咪落去睇囉，去到有３組人係到，

都幾好玩呀，睇到４點幾我就要走啦，我要去交租呀，唔係我都會留係到睇啦．．

今日都係係屋企冇野做呀．睇完百分百感覺，我家姐就開左佢隻ｓｈｉｎｅ碟黎聽，我就係到玩電腦，當我聽到佢地個手

十八相送既時候，我就諗番ｅ一年既野，ｅ手歌你有冇聽過呢，冇就聽下啦，我係ｅ一年識左好多ｆｄ，數都數唔哂，又

經歷左好多事，我地仲估唔到既事，有ｄ開心，有ｄ唔開心，但係我都會堅持落去，就算我唔開心，我都有一班ｆｄ黎陪

我，真係好多謝佢地，阿蚊同阿影多謝你地呀，係ｅ一年好釆有你地，你地令到我又唔駛咁悶，ｔｈｘ，阿平同翁文你地

２個係我ｅ一年新識既ｆｄ，有時我地幾任性，你地都會忍，唔會講出黎，仲有時我地出街，你地２個都會由我地，去邊

就去邊，如果有ｄ咩你地係唔鍾意，你不妨講俾我知，我一定會幫到你呀．．我覺得ｅ一年真係好開心呀，我係ｅ一班好

開心呀，雖然我俾人改左個花名，我開頭都有小小唔鍾意呀，但係就係ｅ個花名我識左好多人，經歷左好多野，我地仲玩

得好開心，如果開心既話，我俾人講都冇咩所謂囉，仲之唔好講得太過分就得啦，而家以經４月尾啦，就黎考試，考完我

地就要分開啦，升上中３．我好唔捨得你地呀，希望我地可以同一班啦，唔得既話得閒就去一齊去下街啦∼∼

今日要返學呀，返去學校幫王玉娟老師手，去招呼ｄ小６生，我今日８點３先起身，算係遲左啦，因為個到妁

９點要返到去，咁我就即刻換３同食野啦，搞到成搭９先出到門口，所以我地就搭ｔａｘｉ，我同我家姐每人

俾１１蚊，我地返到去都係搭１１到，都冇咩人番到去，過左一陣阿蚊就返到去啦，我地等到１０點１０分，

ｄ學生先黎，我地３個都有幫手，阿影都落左黎，完左仲有一節，我地要等到１１點幾ｄ學生先黎，我地咪係

到食住等囉，佢地到左我地咪飲果汁俾佢地囉，，最後我地都１２點幾走啦，我同我家姐，我地搭１Ａ去淘大

我地妁左阿媽，我地咪去食野囉，食完就去行下街，跟住我地３個就去影貼紙相，好難得同阿媽呀，影完咪諗

下買咩禮物俾我表姐，點知行黎行去都唔知買咩好，最後都諗唔到，我地咪去搭小巴返屋企，我阿媽唔跟我地

返屋企呀，佢返大澳，我地唔番咪得番我地２個係屋企囉，我地唔驚呀，得閒打比我傾計啦，我地２個就去買壽

司，做今夜既晚餐，返到屋企，我就去沖涼，沖完咪打日記囉，咁就過左一日啦∼