2008 年 4 月 2 日 星期三  |
| 好早收工... |
分類: 未分類 |
今日本身唔洗返..但因為有人唔得閒就叫我返去。
經理話送1個鍾比我呀@o@
當然立即返去啦。但返到都3點了。
佢寫我2點返。係咁做 係咁做就不知不覺就10點了。
10點收鋪。我將d野係咁比人洗..
10點48分 洗哂。換衫走佬。
就走佬果時有kfc 既既食拿走。
3個朋友+1個全職+1個經理就收哂工了。
就係咁樣..冇咩好打。
等聽日可能多d野打。
|
2008 年 3 月 29 日 星期六  |
| 我的朋友... |
分類: 未分類 |
琴日..同我既朋友(峰)出左mk。
我也有打了出來。...
但回來想想...佢好愛佢既女朋友。
就算佢女朋友點樣都一樣咁鍾意佢。
佢問我...要唔要介紹女仔被我認識。
我每次都唔同答案...每次都係笑著講。
唔知道點解..當佢每次咁樣講既時候...
我都會唔知道點樣答好...之後就講其他野。
我知道..佢咁樣做只係想我多個人陪。
朋友介紹...可能好快就會開始。
但係...到左現在就連我自己..
都唔知道想點樣。和任何情人 我都看唔到之後係點樣。
但我想我心開始動了。
心開始再不是冰凍了 慢慢熔化了。
傷口也開始出現回來了。
我和貝貝的回憶..我也開始忘記了。
自己的之前也慢慢忘記...
到左現只好接受...愛情與朋友。
心熔化...心每秒開始跳...
見到鍾意既人跳得好快。
朋友..怕有一天離開..
但曾經係個朋友 我就足夠了。
因為我知道 我自己曾經存在左這個世界... |
| 心機浪費.. |
分類: 未分類 |
雖然係幾日前既事。
但我覺得就好像琴日發生咁樣。
我唔識煮飯~白飯我就識- -
我唔識去安慰任何人...只識令任何人開心。
我唔識深愛一個...只知令她感到幸福。
但我就識整蛋糕...想了想..2號係我前度女朋友既生日。
姐係26號就開始整了個生日蛋糕。
慢慢整...慢慢整..放了好多心機。
只係想佢食得開心...只係想佢係生日開心。
但係我點樣都估唔到....佢有了4個蛋糕了。
4個蛋糕...1個自己整既蛋糕點樣好味個真正買返黎蛋糕好味。
傷了...但是沒有放棄。我說...2號果日...我未講。
佢就話要返學同陪他和陪屋企人....這樣一早就約好了的約定呢。
只係說下就算?!
我這樣認真...但換來只係傷。
傷了就傷了...說什麼都冇用。
心機再放下去...只係會浪費。
多個一個感覺...就傷多一次。
我可以再為誰放任何心機?
喜歡...鍾意...愛..
3種不用既覺...
我想要愛...
一個令我愛得深..
一個令我傷得深..
一個令我全心全意 不離不棄...
既女仔...有嗎?
如果有我會放棄一切去愛她... |
| 唔好樣唔好狂插- - |
分類: 未分類 |
我既樣呀...唔好樣呢~~~
頭髮d色係唔係怪怪地呢..因為染錯左- -
我諗住下個月先再染返好去。
我d音好長咩....我覺得一般- -
有人話好長...有人話唔長 = =
唔好狂插呀-v- |
| 今日... |
分類: 未分類 |
今日返學...以為放5點鍾 點知道 --
唔係 係放1點半...之後就約左我朋友(峰)
出mk行...買左2條腰帶...因為我冇左條了。所以就買返2條- - 買2送1...
1條30蚊。 2條60蚊。買左2條冇搵埋送果條。因為得幾條好睇 --
其他都係一般。我想買衫同褲...
但要等埋我既朋友出返張卡先得。
佢禁錯左3次..食左張卡- - 冇幾耐...
佢約左佢係網識既朋友。出黎。
一個ok啦~第2個都唔錯。但都係一般。
係新之城行左一陣- - 不過我覺得似玩捉迷藏咁樣..
我地做捉 佢地做鼠??
買左d野食- - 之後去左KFC食飯..食左好像冇食咁樣。..
我想食哂去嫁...但又要好唔係咁好睇咁樣...
都係食少少好了...幾錢138蚊...
冇幾耐諗主..去影貼紙相嫁><
但我朋友同佢地都話要返屋企了咁樣咪算囉。
下次再見先再影==
總有9日..就生日啦 |
2008 年 3 月 27 日 星期四  |
| 琴日... |
分類: 未分類 |
琴日bbq= =
我有去呀....估唔到我有3個朋友係唔識燒= =
4百蚊買了很少野- -
當場o哂....
但就燒到2點幾 都差唔多3點了。
人真係好少..總有3隻野狗。
我有餵佢地食野..佢地總訓左係度等食。
我比左扒同丸佢地食。
但果時得我地同狗狗就冇人了。
好靜...好黑。冇咩燈光....
幾乎d路都睇唔到= =
但唔估到我朋友好野到用nds 做照明燈- -
路都好長下..係山上係咁洛...係咁洛。
到了市區了...都3點幾了...諗主去買糖水先返屋企- -
但太眼訓了...都係算。返屋企訓好過...
一返到就訓左了....係地下= =。
真係好累....我朋友話4月7號再bbq。
但7號係我生日....我約了她... |
| 2008 年 3 月 24 日 星期一 |
| 我自問... |
分類: 未分類 |
To 女超人
我自問 我比唔到幸福你...
我自問 我配不起你...
我自問 我愛不到你...
到了現在 我好像做錯了。
對與錯...答案是否咁重要?
傷了你..對不起
傷了你..恨我吧
傷了你..請你忘記我。
你喊了...我真係令你咁鍾意?
鍾意?喜歡?...愛?
3種感覺 你對我到底係邊一種?
你打來了...電話響了。
想一想聽定唔聽..但最後都係聽了。
聽到你的聲了...心痛了。
聽到你的聲了...知道你想喊了...
做錯了嗎?時間不容許我停在你身邊...
每秒鍾都慢慢流失了。雖然不想說..
但最後是你說...定是我說...
還是大家沒有說過...就慢慢再不搵大家?
傷了不只是你一個...想我會開心?
我沒有想過我自己有幾多開心。
也沒有想過講要出口...
錯了一次再錯...我恨我自己。
我不配...不能再給你開心的時間。
你是否認識了新的男仔嗎?
如果他是好過我的..就和他一齊吧。
祝你地幸福快樂...
by 傷了你的心~壞怪獸 |
| 2008 年 3 月 22 日 星期六 |
| 廢話.. |
分類: 未分類 |
什麼都係廢話嗎?
我哄你開心是廢話...
cm給你又係廢話...
我說什麼都係廢話。和你說"乖"..
只係想你開心下...但係又係廢話。
廢話!廢話!!廢話!!!夠啦!!!!
既然我講咩都係廢話....我所做 所講既野都係我既事!!
咁又點樣呀。我唔覺得現在你係我女朋友囉!
我只覺得有個係女朋友同朋友之間係咁話我點唔好 點唔好咁樣。
我唔覺得你有以我女朋友既身分黎同我講野囉。
哄你又廢話...想你開心..又係廢話...想用乖令你感到開心..
都係廢話!!咁你想我點樣呀...我估唔會有一個女朋友每日都話自己既男朋友
所做 所講既都係廢話囉!咩都係我既事...係呀!咩都係我既事呀!
身為女朋友又唔見你支持下我!你自問有冇支持我呀...你只係會同我講"你既事"
我諗住整好個日記...就同你用同一個日記。點知道你竟然話我笨...
整日記就笨...哄你開心就廢話..想你支持下我就 "我既事"
我放哂時間係個日記到只係想我同你用同一個日記...一句支持既說話都冇!
想係msn令你都感到開心..你就唔鍾意!
係26號我本身想你黎...但依家唔洗啦!
你既然話係"我既事" 咁樣咪我自己去囉。
就算我再對你幾深愛幾就你...幾忍你!
你都感覺唔到嫁啦!
你只係會話我所講既野都係廢話。
同我所做既野都係 "我既事"。
我只想簡簡單單咁樣令你開心姐...又係廢話...又係"我既事"
係呀係呀!!咩都係廢話...咩都係 "我既事"
咁樣你開心啦!!!! |
| 2008 年 3 月 21 日 星期五 |
| 3月26日... |
分類: 未分類 |
3月26日...唔知道果日天氣係點樣嫁呢@@
我想快d到呀。
點解咁想快d見26號...
因為26號可以去b呀 (b姐係bbq。)
唔知道有幾多人會去呢?
又唔知道會有咩我認識既人會去呢?
好想知道呀-o-
我係邊到b..應該係馬鞍山燒烤場..好以係咁樣叫。
我好少係馬鞍山bbq 的= =。
唉...但未26號就有2個人唔得閒 唔去得了。
有d唔係咁開心既感覺...
但bbq 果日一樣會去。
唔知道睇過我blog or 路過既人會唔會去呢?
如果有意請add(msn):[email protected]
or
係我日記留言..我會日日上blog睇留言嫁....
再唔係加埋好友 慢慢傾= =
要去就的就好快d= =
3月26日呀!!!!! |
| 要加油... |
分類: 未分類 |
日記搞左一半了..唔知道算唔算呢。
其實我想將堆放係中間一張過咁樣。
但唔知道點解點樣唔整唔到= =
整音樂 鼠標 底圖...得3樣野= =
唔得!!我要整好去\口/
個人資料果野 都要整整 ==
將佢大變身。之後就搵人得閒玩自拍。
好以好無聊...但我見到我d朋友 又係咁樣。
又比佢係咁叫我自拍= =
就玩下自拍...等我染埋頭髮先。
我諗住染啡去@o@
第一次染髮-o-
唔知道好唔好睇呢。
等自拍啦...但講明 我唔好樣嫁 ==
-o- |
« | 1 | 2 | 3 | 4 | 5 | 6 | 7 | 8 | »
|
| «‹ April 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | |
|