有加我MSN既人,

都應該可以睇到我既個人訊息多左句野,

「做任何事都有點兒失誤....」

俾我講岩左...

諗番第1次測驗,

數學錯左1題(其實唔算錯...)

得99分...

睇番近排既,

大考次數學份MC題,

又係差1題岩哂,

諗住只係學業句野先講得岩啦,

原來連打機都係咁...

之前因為部NDS張R4 hand左,

d save無哂,

琴日終於有時間打番太鼓既save番黎,

一打松級(ps只係松級)

5x首歌,

有成4x首歌差少少先有金盃...

原本玩太鼓根本就係我既專長...(雖然都輸過俾人....)

但係我連松級都打到咁...

越黎越覺得自己好失敗......

我諗我地班甚至係網上識既人,

都無可能知道我阿爸同我阿媽離左婚既事嫁啦,

可能除左Dicky會有可能知,

前幾日,

學校派左書單,

當然喱d野係我阿媽俾錢既,

點知依家我阿媽唔肯俾,

我阿爸以後就唔俾我去佢戈度打機啦,

原本係連我部電話都唔俾用,

不過多得我阿爺同我阿爸講,

依家先有得用得番電話,

不過以後就無得打機啦,

除左出i-one或者用下屋企部廢機,

上下網算啦...

不過都好既,

只少打少左機,

下年d成績應該有得升番既....

差唔多全部科都暫時衰哂,

除左數學科,

不過都俾某某某人高我一分= =

都唔知搞咩,

我連自己錯左邊度都無睇,

MC卷又死左一題,

又唔知死左邊題,

死得不明不白...

唉...

暫時有數學頂一頂,

名次唔會跌得太低,

最好就升番啦,

我唔想生日前先俾人鬧...

不過派埋通識我就唔知啦,

通識次次都考得唔好,

除左第1次測驗= =

原本諗住番到學校溫通識,

點知俾一個二個阻住哂,

溫都溫唔到...

希望通識唔好考得太差啦...

project度可以拉番d分既,

不過常分就好難講啦...

上次考試無欠帶過野都得19分常分,

今次睇黎都兇多吉少....