近來天氣開始熱到無法忍受啦已經
短褲短裙 對我來講真係得個恨字
點解? 因為天生無美腿之餘(略粗同埋唔夠白)
仲有好多瑕疵(小紅點,青筋等)
所以無論天氣幾熱都會著legging打底
到左夏天真係熱到呢!!!!!
最近經朋友得知呢個小法寶
可以令你雙腿好似著左對隱形絲襪咁
又唔會焗住 同對腳好似合體咁
我係經y拍買的大概 $70/枝
我選擇中間色 唔會太深同太白
佢係噴霧設計 先要搖勻佢 之後距離20cm到開始噴
千其唔好噴得太耐 唔係會搞到噴咀塞左
噴完上腳就要推開佢 但我個人覺得用手推都唔夠好
我會用濕粉三角棉去印開佢 一來會均勻d
2來唔使整到對手污糟哂 因為我發現佢係好難用水.洗手液洗乾淨的
係sasa有得買一大包的三角棉 最岩咁用啦
同埋最好係事前塗上有清爽而又保濕的BODY CREAM
我就用緊Johnson海洋活氧保濕霜 好清爽的最岩夏天用!!!
噴完之後發現膚色比較均勻 有少少提亮 已經遮左D青筋
ZOOM近賜下真係遮到瑕疵
1枝大概用到50次 都划算啊 佢話開左之後3個月內用完
雖然說明書話可以沐浴露就洗得到
但我覺得佢同腳用的粉底根本一樣
而且佢講到明防水 點會咁易洗得甩呢
所以我會用卸妝水去抹 的確咁大條腿要用上好多卸妝棉
但比起只用沐浴露去洗乾淨好多好多
其實呢枝Nude Stocking應該係早幾年前的產物
我現在先發現佢 真係相逢恨晚呀!T_T
今個夏天可以同legging say goodbye la
ps: 佢有SPF 25 如果唔係長期在外活動都頂得住!!
|
