行出制一陣都一身汗

係屋企開左冷氣都好似唔夠涼咁

於是決定整d消暑野飲下囉

天氣熱辣辣飲糖水先係王道:::冬瓜薏米水

 

冬瓜消暑應該好多人都知啦

事源大暑時屋企整冬瓜盅用剩了冬瓜

薏米:::去濕,利尿,健脾胃,寧神安眠

薏地有分生同熟的

中醫角度>>

生薏米較寒涼, 有利祛濕功效,因此去水腫的話生薏米較有效

熟薏米寒性較輕,有助健脾益胃,治脾虛泄瀉

基本上阿媽都教生熟薏米各一半啦

但係要注意孕婦不宜吃薏米,

因為薏米中的薏苡仁油對子宮平滑肌有興奮作用

可促使子宮收縮,有可能誘發流產,小心小心

 

材料:

冬瓜 --------  1斤

生熟薏米 --------  2兩(我求其執2渣落去咋)

水  --------  適量

冰糖 --------  隨自己口味增減

 

做法:

1) 冬瓜洗淨切薄片(要連埋皮ga)

2) 薏米同樣洗淨

3) 全放落煲到加水,大火滾起

4) 收細火煲1小時

5) 落冰糖試味 我地只係要少少糖 所以只落了4粒仔冰糖

6) 糖溶後熄火, 待涼(可雪凍飲,夏天更清暑)

但女仔都係少飲凍野啦 放涼左飲一樣咁好味

 

 

如果唔想麻煩切冬瓜可用檸檬代替

但煲就只需煲薏米後加檸檬,同少少糖就得

一星期飲1,2日 對身體真係有益ga

好過飲汽水,枝裝飲品啦

尤其適合唔愛飲淡水的人!!!

 

講起整野食,呢排好耐無整過麵包啦
因為我個電動打強器攬麵粉團D捧斷左
我用左幾次就斷左
我部打蛋器先買左唔夠1個月
仲要係KENWXXD的
未過保養打去問...佢都唔多想理我
話會回覆我有無得買返枝棒
點知無哂回音,,,投訴佢咩當你耳邊風
搵消委會咩,佢一樣當聽唔到
最後以對方無回應作結

真係火都黎><呢件事上我無要求免費保養
只求可以係佢到買返枝捧姐...

我只係唔明點解kenwxxd的QC都咁差

我之前用的不知明牌子都用左5年先燒左

可見kenwxxd呢間公司對我呢d買得少的顧客唔放在眼內囉

正正因為我只整麵包

個打蛋器成盒完整地無再用過
KENWXXD HM400

有無人可以收留佢 $90 應該有80% NEW的

只係無左枝攪麵粉團的捧

有無sis 整蛋糕呀

我見到呢舊野都眼冤呀!!唉...
呻完啦, 無人要就唯有放係到封塵啦><