8月6日 的兩場4強賽 !
1st  場：牛仔隊 (第一名) VS 騎士隊 (第四名)
2nd 場：熱火隊 (第二名) VS 速龍隊 (第三名)

先講第一場 ,
牛仔隊的副教練 與 一眾牛仔的隊員 , 來到現場準備熱身 !
一邊熱身都不忙觀看U19的賽事呀 ~

賽前都訪問一下謝sir ,
我又重回到體力問題上 ,
問：前2日的 差不多整場賽事中 ,
        都用上全場緊迫 , 會不會擔心他們吃不消 ?!
答：其實都係個句啦 , 球員都你廿歲仔 , 體能都應該是人生最頂峰的時間 , 
        都唔會擔心 gala ~
問：今場又對回騎士隊 , 會否跟上場一樣 , 採用相同的策略呀 ?!
答：上場係用多左全場緊迫 , 但係其實都係試一試陣 ~
        至於問今場會唔會用到 , 就要睇一睇 朱sir做法啦 ~
問：如果今場再有好多時間都用上全場緊迫 , 會唔會擔心球員體力?!
答：今場一輸左就無ga , 仲講咩體力呀 ,
        甘緊要的賽事 , 點都博盡佢啦 !

訪問中 , 謝sir都有透露些：
其實 , 對方(騎士隊)身高上都佔有優勢 ,
加上我地的中鋒 ( 昇昇) 相對 對方中鋒 (德哥) 比較柔弱 ,
都希望用上整體打法去彌補中鋒的缺憾 !


當然 , 亦問到 騎士隊的達sir 對今場比賽的意見啦 !
問：今場要背負上一場的得分差 (5分) 會否覺得壓力大了 / 有影響 ?!
答：無既 , 打得好既 , 先輸幾多分都無問題 ,
        打得唔好既 , 1分都會係問題 !
問：面對上場牛仔的全場緊迫 , 如果今場繼續用的話 ,
        騎士隊會不會都是同樣的狀態 ?!
答：我希望吸收過經驗之後 , 今場會改善d啦 !
        上場都係球員未適應突如其來的變策。
問：對於上兩場的中鋒大戰 , 為何在最後的8秒不用犯規戰術 ?!
        ( 騎士落後 2分 )
答：因為賽制問題喇 ~ 唔係輸太多就由比賽完結喇 ,
        以免造成更多失分 ...

同大家講一講 , 賽制問題先 !
今年 nike league 的五人賽 , 都用上新賽制 !
在小姐的比賽 , 每隊都會對上每隊一次 , 即下圖 ：

排了 名次後 , 就會以淘汰賽形式進行。
第一名 對 第四名 , 為求令小組賽中 , 沒有欺場 ( 球員不是hea住打) ,
於是新加插了 , 每當進入四強環節 ,
對賽的2隊球隊 , 會因小組比賽的成績而有所影響 , 以u22為例：
四強：牛仔 vs 騎士 ,  由於他們都已於小組賽時 , 比賽過 ,
            當時是牛仔贏騎士5分 ! 而這個5分的分差 ,
            亦將會落係今次的四強賽上 !
            就即是騎士隊未開打 , 就已經落後5分 !
每個組別都有這樣的新加插賽例 !
不過 , 到決賽時 , 是不會有這一項的例 , 只有四強才有。

最後 , 打成點 ?!
去片啦 !


牛仔始終壓制不了籃底的德哥 !
加上 , 牛仔隊的防守似乎比上一場差了點 , 
比10號的panda有機可乘 , 取得不少分數 !
另外今場騎士隊的 13號 - 黃灦賢 亦有不錯的表現 ! 
個人取得13分 , 僅次於德哥 同 panda 。

而白衫的牛仔隊 , 上兩場無打的控衛4號 - 霍佳佑 ,
兼顧球隊進攻外 , 亦成了外投得分的重責 ,
今場攻入全隊最高的12分 !
11號 - 胡兆智都有不錯表現 , 頻頻帶波上籃 ,
博符罰球 ! 今場亦攻入11分 !
可惜在追分尾段 , "咬柴"受傷 ....
未能為球隊帶來勝利