今日俾人放飛機...唉...唔去都講聲la，要人係到白等。

TODAY AFTER SCHOOL 要羽毛球，今日個MISS(其實係嬸嬸)冇黎，有個人黎代堂，我地一睇佢個樣都覺得唔順眼，點知佢真係有D問題.......他極度極度串!!!原來佢係MISS個仔!!!我聽到有人偷偷地講話，生左佢咁既仔不如去跳樓自殺算LA(好笑~)。唉.....下堂係佢既話就死囉...

星期一就普通話集誦比賽LA!!BUT我地先練得果6個鐘....阿SIR講話人地好多間都練左30個鐘左右，我地全部>O<.....覺得一定輸.......HOPE我地唔好衰得咁樣衰LA。

今日LIBS堂笑到我地成組痴哂線，chairman係我地果組既。咁呢，我地派左張ws，係寫係有d咩好朋友(都話libs係勁無聊嫁la)。寫完之後，就繼續上堂。之後其中一個組員就偷偷地同我講寫xxx個名落張紙度。其他人都聽到，熱烈贊成。係得chairman唔知。之後我地偷偷地攞左張紙，寫完之後擺番落去。佢咁都仲未知!!之後我提議話寫埋一齊做既野係行街睇戲。寫完之後佢都仲未知，仲問我地笑咩。wow，佢上堂真係好留心咁bor....之後又有人話寫靚女落去，今次係係佢對面果個寫，我仲擔心會俾佢發現，點知佢咁都仲未知(連隔離組都知la)!!之後我地發咁話佢反應遲鈍，仲係咁喑示(邊笑邊督佢張ws)，佢咁都唔知!!!then上左一大半堂果陣又再經我地喑示之下，佢終於都發現左and塗左佢，but佢剩係見到靚女果個!跟住佢係咁問邊個，笑到我地肚痛!!再之後，佢先望到另外兩個。佢d反應實在太x  la!!佢發現果陣塊臉都紅埋，笑死我地(好在果陣嘈，如果唔係...)!總之就好笑la....

我今日終於都借到<<黎明殺手>>啦，happy!!我等左成個禮拜，終於都借到la!!睇到緊張關頭無啦啦冇得睇，宜家終於都俾我借到la!!!!!

MATTHEWMARK

LUKEJOHN

邊個最靚??

TODAY係家長日，BUT冇咩特別感覺...今日要普通話集誦，企左係到冇rest過成一個半鐘!!!事關個導師(出面請番黎既)話佢同其他school都練左成十幾次，有間仲要係每次一個半鐘。我地加埋呢之先好次係岩岩5次，之前果d仲要係次次半個鐘(lunch time)....實在太恐怖la，個導師話我地次次都冇跌出過三甲以外，話佢d壓力仲大過我地，話宜家先練得果唔知5定6次，係冇導師敢接既，不過佢話佢信得過我地......but今次恐怕只好令大家失望，嘗試第一次參加普通話集誦跌出三甲既滋味......唉......

中午果陣諗著番去食lunch，but係我某d  friend苦苦哀求之下，我都係去左同佢地食lunch(咁都唔去既話好似好哀咁)。整個過程我覺得極之嘈吵，可能佢地本身講野把聲比較大聲la.....特別係食野果陣，好引人注目下....我都覺得唔好意思(雖然唔多關我事)，但最衰既就係.....我地係著住校服嫁!!!!!!!!唉.....以後都係盡量避免重滔覆轍la.....(我指盡量唔好同佢地出去)