其實今日我就可以睇哂<<命運之子>>，BUT我唔想咁快睇哂SO留番D聽日睇。我聽人講話個結局幾特別，不過真係好特別下。估唔到達倫同埋史提原來係泰尼既SON，不愧為命運之子.....仲有，泰尼原來係咁X既。

唔知點解呢年幾黎我覺得我一直都係過得渾渾噩噩咁，冇咩目標同意義，做事又提唔起勁，日復一日，日日如是....唉~~覺得有好多野未做，好多野要做BUT又唔知係D咩，AND唔想做。一直係到浪費緊時間。有D不安，擔憂，好DOWN OR無奈既感覺，都唔知點講呢種感覺，總之唔係好野LA。

今日我地1D，剩係我地，可以睇SENIOR Form既assembly。事關高f 佢地會演一場戲，果場戲係<<加勒比海盜>>既某一集。而我地個班主任 Miss Cheung係有負責幫佢地排既，順便安排我地睇，呵呵呵~~其實都係想我地聽佢地用英文演戲姐。

我覺得佢地都演得幾好，扮 JACK SPARROW果個係我地LA長(全部都係F.4既)，佢連JACK既行路個樣都扮埋，好好笑。雖然係女扮男，但我都覺得OK。佢地有一幕係WILL SAVE JACK 既，個監獄都唔夠LA長高，勁好笑。仲有，邊有監獄D鐵支一推就塌嫁，人地電影係搵張CHAIR撬開道門GA MA。總之成套都好搞笑。尾升果陣佢地KILL埋布沙之後，D人趕到，之後分開WILL同Elizabeth，跟住佢地係到狂叫WILL，Elizabeth果陣全場係到哄動，BUT係電影到我對呢幕冇咩印象.....

講起ASSEMBLY我記得有一次唔知係週會定早會，孫SIR(訓導主任)講話佢(唔知係佢定某一位老師)有一日等輕鐵既時侯，見到我地學校既某個學生(我唔記得佢叫咩名)又係係到等輕鐵，個學生見到有個婆婆跌左落路軌，而果陣又咁岩有部輕鐵黎緊，於是佢即刻左落路軌到折住部輕鐵.....好在都折到，如果唔係....跟住就扶個婆婆番上去。佢之後先為自己做埋D咁危險既事而驚....佢真係好勇!!萬一個司機盲左睇唔到佢咁點先，D咁危險既野都做，真係唔知係讚好定彈好。不過佢又幾有愛心既，又有膽色，我諗佢身手都應該幾敏捷既，如果唔係跳到落去都一仆一碌LA。

TODAY我連PE衫都冇帶SO都係唔洗去學藝班GA LA，況且我都唔想去.....

Today要上 PE 堂，凍死人la!! 今日考排球，唔駛點郁.....  考完之後我地繼續打排球。有d人係到打乒乓波，之後我地打打下排球要執波，我諗住踢番個波俾partner，點知踢左上去d人打乒乓波果到，個球打中人地既........之後某人就攞個球向我地扔過黎，我地就梗係閃人la，好在唔中。(其實我一開始都唔知打中人，避完難之後先有話俾我聽)之後又有幾次but唔中人，最後一次好似中人，呢次我地簡直棄波而逃。

最後一堂maths要小測，最後15分鐘差唔多好多人都做哂，but個老師(代課的)又唔肯放，之後到放學都唔放，明明所有人都一早做哂嫁la，我地時間保貴，唔係俾佢咁浪費ga。之後我地等左n世佢先放........

Today 要比賽，我地第六課要落去食lunch and練習。第六堂係數學堂，實在太好la!!yes!yes!!yes!!!  I HATE MATHEMATICS!!!特別係EXAM之後!!!如果唔係MATHS D分咁低既話，都係算LA，廢事講!!不過仲係要上一堂。唉....

我見到F.4 D人跳CHACHA，原來CHACHA係咁無聊既.....我聽講話F.4要跳CHACHA，F.5跳牛仔舞，F.6跳華爾滋，我好想知華爾滋係點既.....

之後我地練習，到今次先臨急抱佛腳去加某D動作!!唉....真失敗! 之後我地非常非常嘈咁經過TUEN MUN 公園去大會堂。我覺得咁有損校風。仲要入到去先臨急臨忙排番條隊，最X既就係.......我地係第一隊!!!上到去表演完之後，我覺得D整體表現好過平時少少啦。BUT都覺得冇望嫁LA，有13隊。我覺得應該好悶SO帶埋本書去睇 --- <<靈魂之湖>>。我係果到見到一個舊同學。

我見到劉金龍派左3隊去，咁咪自己打自己?!雖然勝算大D。最後我地竟然攞到季軍..... 劉金龍攞到季AND冠，元朗果間亞。不過我地依年係咁多年最差嫁LA，之前果D唔係冠就亞，得我地今次第一次打破記錄，攞季.....至於高F，即SISTER佢地就攞冠.......唉.....

做完功課之後就睇<<STORMBREAKER>>，我覺得都唔錯(個人喜好LA)，個男主角好型，個樣係戲裹面靚仔D，XDD~~不過真係好勁。

TODAY我同SISTER去左租碟睇，家姐話要租D名著，話要租<<傲慢與偏見>>，我覺得佢應該會好悶，跟住我睇到佢果個版本既女主角同<<加勒比海盜>>果個係同一個演員。之後我望望下，見到一個碟既男主角好熟口面，之後望埋個碟名，有個STORM，就有D懷疑係我一直想買果本書....之後我睇番個作者，係Anthony  Horowitz!!!真係果本!!SO我即刻租左佢，果個名叫<<Stormbreaker>>。一定好好睇。

之後番到去，我地睇左<<傲慢與偏見>>，原來係咁好睇嫁，好浪漫呀~~原來個Mr. 達西係好好人嫁!!but睇唔到<<stormbeaker>>la，事關我地9點左右先開始睇。聽日又要番學，真係慘........