Yesterday屈親隻腳，而家都仲痛緊....今日唔知點解6點9到無啦啦起左身，之後刷埋牙，洗埋面，做做下野，先發覺係6點幾，跟住唸住做功課，但係做到8點幾累得滯，再訓過，哈哈~(I am so lazy)之後10點幾先起身，呵呵呵~~

功課做到夜晚先做完，效率真係「快」!!!Today我地去左置樂買野整壽司，勁好味~

Today係Day C，又要落去操場曬。點解要簡個咁唒既方位黎起操場，人地早會，我地早會，點解我地要咁辛苦係到曬.....

英文堂果陣要作文!!!我最憎作文嫁la!!!另外仲要我地作個story出黎，help!!!好彩人太多人未作哂，佢俾我地當home work。唉~~都係不幸中之大幸。其他除左中文堂最尾果陣有d好笑野之外，都一樣係咁悶.....中文堂teacher問我地邊個可以解釋  擦and刷  既分別，果個唔知叫咩果個人係到解釋，講到好有問題，之後笑死我地全班，個個笑到or激動到塊面都紅埋。真係勁好笑~~呵呵呵~~

Lunch果陣啦啦隊要練舞，咁日開始教一隻新舞，果首歌叫Mr. Sorry，我覺得麻麻地喳

bor.....我而家都唔係好記得d舞步(但係我記得起碼冇Shake it baby咁低)。仲有，Shake it baby都係麻麻地，而且d舞步仲有少少低低地.....我覺得練舞果陣超亂，好唔齊.....我唔想再輸多次，已經輸得夠多la!!!我地練習係場地係一間room再分開一半(有版間開)。練果陣，另外果d人同埋門口有好多MARK社既人係到偷望，有冇搞錯呀?!!d情況佢地知道唒la...

d老師想攞人命咩，平時星期六、日放兩日嫁佢地都冇俾咁多功課，咁次放一日嫁姐，d功課就多到咩咁...不過點都好，我今日係唔會掂d功課嫁。仲有我check左個e-class，佢果到顯示話我咁日下午果陣遲到!!!!果部咩機黎嫁，佢係咪神嫁，我lunch果陣都冇出過去，咁又何來遲到呀???!!!!!!!

放左學之後，我地同教會d弟兄姊妹AND欣去睇戲(我臨出門果陣屈親隻腳，差d成個仆低)，套戲叫<<超能特工狗>>....其實我本身想睇<<魔幻星塵>>嫁，but聽日先上映.....唉~~ 套戲都幾好笑既....之後，我地就分道揚鑣，我sister佢地去左行街，我就番左黎(事關約左人)。之後我係沙灘到同人傾左and逛左陣就番屋企lu~~之後佢地都番埋黎，跟住我地上左去欣屋企play，係lift口度煲蠟，呵呵~~(我仲記得老師今日千丁萬囑叫我地唔好burn wax)我實在太乖la~(但其實我都冇咩參與，剩係一開始擺左幾枝蠟燭)原來倒d水落去d火真係會大d嫁，唔怪之得d人話唔好煲蠟啦....之後搞搞下搞到成兩點鐘先sleep...

今日LIBS(通識)課終於都冇咁悶LA，而且仲有好多歡笑TIM~我地組果個人，(我唔係好記得佢個名....好似叫劉唔知咩軒....)佢答問題果陣，出唒醜...佢講果個英文字母J字，唔知佢咩事，讀錯音，但佢本身係想讀果個字，之後搞到我地全班笑到肚痛....我知我係好唔應該笑佢，但我地班有人係咁扮佢講野，搞到我終於都忍唔住，笑左叫黎.....仲要係收唔到....

SCJ(科學)堂本身話要默書，BUT阿SIR唔記得左，YEAH!!今次SCJ堂又做實驗LA，HAPPY~~今次我連酸同埋鹼都玩埋，不過好臭....

HE堂整PIZZA，本身我地果組(得兩個人)係最快手同最成功既，但係我地個SINK同埋焗爐係同第一組共用既。我地洗埋碗，麥都搞掂唒果陣，佢地連個PIZZA D料都未切好，之後佢地洗野果陣整到周圍都係泡，老師咁岩又走黎評分，就以為我地冇清個SINK!!!之後要擺D PIZZA落焗爐果陣，佢地又慢吞吞，搞到又拖慢唒我地D進度.....最後比第4組WIN左....好唔抵呀!!!!憎死第一組，累到我地衰左!!!!睇佢地三個個樣實係十指不沾羊春水嫁LA!!!男仔就真係男仔，零舍冇用!!D家務實係比媽咪做唒嫁LA!!佢地就冇搞錯呀，咁不孝都有。佢地不孝都夠衰嫁LA，仲要累到人地輸，真係豈有此理!!愈講愈激氣!!!!!!!好想殺左佢地呀!!!

放左學之後，我地F.1-3要聽果個唔知咩音樂會。雖然D音效大聲左D，搞到聽覺受損咁濟，但係佢地D音樂STYLE係唔會好似一般D音樂咁受到限制，雖然係演繹同一首歌，但係佢地係用自己D STYLE去演繹，我FEEL到佢地果種係純粹係去感受同ENJOY音樂，而唔係做作(有好多人話佢地個樣好扮野)。聽完之後唔知點解覺成個人當堂開心唒。呢個音樂會好正呀~~好想再聽多次....

聽日就中秋LU，我唔想再係雨中度過，好掃興....SO我正考慮就第二D娛樂選擇........但係又好似冇咁好....

Today番左學校去練啦啦隊，好似話我地社啦啦隊得2十幾個人，人地LUKE社有成5十幾個人!!!勝算好低....(I think)

之前果兩次練習我冇番到SO 首歌d舞步我係完全唔識....之後去到就播果首音樂黎跳but我唔識....next佢地仲要教埋首歌其餘d舞步，之後成首歌就搞掂but我唔係好識....d舞步仲要勁快，不過跳多幾次都跟得到，但一次過記唒首歌d舞步就有d困難la。佢地話下次要教另外一首歌d舞步，事關時間實在太緊迫la，10月17日就係陸運會。

LUKE同埋JOHN社D人勁衰呀，人地睇佢地練就唔得，佢睇人地練就得，仲要離譜到行入黎睇，仲好似覺得冇問題咁。JOHN社其中一個人，無啦啦走入黎，係我地個黑板到寫左D野，之後就走左。(佢個樣勁恐怖，D頭髮曲既，仲要畫埋眼線，好似黑社會大佬果類，不過佢係女既，至於佢寫D野，我都唔知佢講咩)

我地有幾年經驗既隊員就分析，MARK社D LA LA廢既，所以唔洗理，而我地到時既地理位置係俾JOHN同埋LUKE社挾住，我地主要對付既就係呢兩個社，特別係LUKE社。我地MATTHEW今次一定要WIN，要重振聲威!!!
唔知我地啦啦隊件衫係點呢，隊長話佢有考慮過著褲，不過好似話著裙會高分D，SO我覺得著裙會好D，總之可以幫助到我地WIN既話，我覺得點都冇所謂。BUT而家都唔知係點。

番黎果陣撞到某人.....

夜晚果陣，我發覺我把聲沙沙地，而家已經係咁，咁陸運會果陣咪.....

今日都俾左幾多功課下。Today係正式記留堂既日子，估唔到第一日就已經有人光顧，仲要係兩個，兩個都係衰係中史，so poor!!Today放學同埋lunch都有la la 隊練習but我兩個都冇去到，事關實左太忙la，lunch time就要普通話集誦(係舞台上面練，同出面有一布之隔，但咁岩我地個啦啦隊就係出面練，搞到我好想彈出去睇下佢地練成點。首歌竟然係shake it baby，唔知佢地係咪跟mv咁跳呢??)，放學就要羽毛球班...so......but我聽日要9:00番到去練....

校學搞左一個唔知咩系統要我地monday開始去拍卡，聽完個介紹之後覺得咁樣仲麻煩....仲有，果部機一拍左就會顯示左係個大相出黎，個螢幕都幾大下，可想而知.....張相影到好咩....

今日既羽毛球班果到冇開到冷氣，風扇就更加冇可能，熱死人la!!

放左學之後大約6點答9答10到出門去打羽毛球(呢d就叫做鍥而不捨既精神la，哈哈~講笑姐)，落到去樓下見到某兩個人，令住個籃球....

本身我地行到去果到都好地地既but一開始打果陣就大風到咩咁，sister提議去運動場到，so就去左la。之後就跑步(諗住練氣)but跑左冇幾round(仲要唔係成個場)就頂唔順，so我就話去番打羽毛球算吧la~(同前者有好大對比，呢d就叫反面教材la，呵呵~)

好快就中秋la，好想趁住呢時候見下d舊同學......係中學，我同好多前後左右既女同學都有同感，佢地都認為...小學果d都已經夠咩la，點知中學果d仲衰，簡直見到都唔開胃，唔係，應該話係反胃至岩!!

仲有呀，我有一個幼稚園同學都入左呢間，我係從一個friend既口中知既，佢地都係讀(青山天主教)。不過個幼稚園同學入左1A...麻麻地喳bor(其實我到而家都未見過佢or應該係見到都唔認得)。上個禮拜，我個friend就講佢小學d野，之後就題到一個人名----龔正生。其實我都個好奇怪點解我會記得佢個名and樣....(我d記性實在太好la，呵呵呵~~講笑姐)之後，我經過1A既classroom果陣就順便望望，之到一個類似係龔正生既物體，不過都唔知係咪佢....算la，都係唔講佢。

同中學比，都係鐘意小學多d，雖然中學係自由d，但係好麻煩，d人又唔熟，有d仲好無聊tim，日日係到煩住哂......同得佢地一班真係poor!!!!!