前幾日幾銜接課程要我地準備Presentation，點知第日先 Pre 得果三個，搞到我準備左成晚都係白費心機。果三個Pre得唔係幾好，內容果d都跟唔足要求，d 語調就更加唔洗講，我好肯定我都好過佢地(我唔係指我好，之不過佢地真係太...)，冇眼睇.......

點都好，銜接課程終於完結.....太好啦.......但仲有成堆功課係到.........努力!!!!!!!!!

今日開始上呢個漫長既銜接課程，本身D功課已經夠多嫁啦，佢仲要比多兩本野你做，天呀!! HELP~~

分班終於都有左結果啦，大家估我入 A 、B、C、D、E 邊班呢......答案係 1D 班，好野!入左精英班，不過始終都係唔知 B 同 D 邊班好D，可能梅花間竹咁編排，兩班一樣掛。點都好，入到 D 班都好，而且分個社別亦都唔錯。呵呵~~

今日終於都識左一個朋友，其實好少，但係都好感動........

我今日下午去左書展，不過去同返都兜左成個大圈。入到去睇左好耐，行到腳軟。之後成7點先返到黎，仲要係返到黎先記得仲有大把功課等緊我(聽日要交).........唉~

其實當初派位果陣係有d唔happy既，不過宜家諗番，其實都冇咩既.....^ ^~~

今日去左探人。

唔知點解呢排發左兩個夢，一個係夢見我入左 A 班，一個係夢見入左 E 班，HELP!!!入邊班都死!!

7月23日就要上維期一個禮拜既銜接課程，同時亦都係呢日公佈分班結果，都幾緊張，反而派位都冇咁緊張，唔知會點呢?^^

考分班試.....我覺得數學同英文都好簡單，特別係數學，我覺得呢間學校d人應該好多都比我好，剩餘既時間都比我多，但係係試場上竟然俾我聽到有人話好難，仲有三題做唔切.........反而三科之中我覺得中文係最難(唔係難，之不過係三科中最難)，有d唔正常(我指我).....

希望入到精英班啦!!!   B 同 D 班係精英班，聽人講唔知係 A 班定 E 班係最CHEAP既一班，好驚入到果班........

今日參加左結業禮，簡直係我畢生最難忘既結業禮!!除左表演失敗之外，d人又嘈到咩咁........真係衰到....雖然話係殺校姐，但係都唔洗咁咩掛，估唔到我地六年級既結業禮，六年既生涯，係呢種情況下結束.........