我今朝去左行山，熱到死，行到我身水身汗，不過家姐仲勁，行到死下死下咁，臉青口脣白，中途停左係到休息，我地等左佢成二十分鐘，我d體質都夠差嫁喇，估唔到佢仲......

今日終於都掛起颱風信號，我期待以久既颱風信號，好happy!!!因為每次有颱風果陣都涼d，人都舒服d。我最憎d陽光充沛既日子，烈日當空，曬都曬死人。

我今日去左機場既客運大樓參觀(我唔想去，被迫去)，悶死人，簡直係浪費我d時間。不如留係屋企睇書仲好。

我今日睇完左一本書 ---- <<黑夜中的挑燈者>>，我覺得呢本書好特別，同一般d書好唔同，有一種好特別既感覺。我好推薦大家睇。

今日陪左家姐去練琴(熟悉下考試果部琴係點，because同home果部唔同，會影響考試表現)，佢聽日要考琴試。之後順便食埋lunch先番黎。

Change  左  blog music  lu !!

放左假咁耐，暑期功課進度好慢，做差數學既幾題，剪報、兩篇閱讀報告、一本要背既 vocabulary list 同埋唐、宋詞三十首(都係要背既)。仲有d書未查字典......有排捱lu~

到中學有兩個班主任，唔知係邊兩個呢??

唉~今日真係慘到冇人有........明明同人有交易話幫佢搞掂一答野，佢就俾某d野我(果d係咩，唔講)，點知我哂左成個半鐘幫佢整好d野之後，佢話仲要我整埋另外果答仲大答既野先肯俾果樣野我，有冇搞錯，明明本身個交易唔係咁既，佢仲要得我做完交易所要求既野先叫我整埋第d，如果唔係就咩都冇，我先廢事理佢，仲要我用多兩個幾鐘幫佢做野，發夢啦!!!!就當我冇左一個幾鐘!!