今日真係暴訓到11點,前幾晚,晚晚都發惡夢,

真係無搞好訓,琴日因太多人既關係,所以我就

番左去開工,琴日真係做到我,得閒死唔得閒病,

有幾多人?大約千幾到啦,呀,救命呀,媽.....

唉,帶住傷風番工好辛苦,不過琴日忙左成日,媽

都有去幫手,生日既佢,放左工就同事頭去食意

大利野,等左好耐先有得食,我已經餓扁左,食過

兩次,真係好好食,又唔太貴,唔錯,唔錯.....

講番今日先,訓醒左,食完飯就走去睇醫生,唉,又

哂左百5蚊,我真係寧願羅去食左佢,不過媽話啲

傷風菌勁,所以唔睇唔得,睇完之後番屋企,食完

藥,睇左陣電視,啲藥真係好勁,過左一陣間,就開

始眼訓同手軟腳軟,2點鍾到,又開始訓,一訓訓到

5點,唉,頭都痛埋,之後又要食藥,又開始眼訓,不

過唔訓得拿,開始溫書,溫到8點到就食飯,睇電視,

沖涼打日記,唉,又無左一日既時間.....

今日個手提都係無響過,一份工都無打俾我,唉,我

只係想努力搵錢,咁都唔得,我想每日番兩份工,如

果時間許可既話,三份都可以,因想幫爸媽供完層樓,

自己就可以去下旅行,好想好似表姐咁,做下野,去

下旅行,跟住再做野,再去下旅行,我覺得咁先係享

受生活,真係人生一大樂事,不過呢幾份工都...

算,再努力搵工,唉,今日真係唔知唉左幾多次.....

今日個天好哂呀,行路去禮賢個時,哂到頭都痛埋,

入到去同娜娜啲朋友(即基新個啲)傾左陣計之後

就入去考普通話拿,今日啲聆聽都還可以既.....

考完之後就本身諗住去搭車出上水,點知係中除

見到豪就同佢一起行,之後兩個人就去睇下商場有

咩工好做,原來有咁多間都請緊呀,我同豪都見左好

多,不過唔知請唔請呢,張表而家我發夢都識填呀,

陰公~~

不過我見左咁多間最鍾意都係售貨員,填完之後,佢

突然之間問豪問題,點樣去推消一件衫,心諗,死拿,

陣間點答好呢,好彩佢只係問我點樣推消自己,我都

識答,我同豪個時真係○哂嘴.....

見完之後就各自搭車,諗諗下都係唔去上水,聽日可

能要陪媽去買ＭＰ３,所以今日費事去多次,之後就

搭車番屋企,玩左陣電腦跟住訓教,差唔多5點表姐打

黍,好彩你個時我係醒左,如果唔係...哈!!

同佢傾左好耐,終於定好左日期可以坐下佢男友部新

既二人跑車,正呀!!~~好想坐好耐,只係無時間,灰.....

之後就睇左陣惡魔在身邊,就等埋媽放工就去食大家

樂,個時既我已經餓死左,8點到出去火車站,本身我諗

住去海皇食既,想左好耐拿,真係好耐無去食過,好想食

佢啲皮蛋粥,同炸兩,不過媽話好肚餓,就去左食大家樂,

對於呢間野無咩興趣,食厭左,唉,不過算,天朝再同媽去

食海皇,食飽之後就行番屋企,買左個唐聰餅食,不過本

人就覺得貴左啲.....

番到屋企,食左兩粒藥,唉,仲未好番,媽呀!!~~之後就

睇白色巨乂,幾好睇,唔錯,之後就打日記嚕.....

PS:而家係12時35分,媽,生日快樂!!~~永遠愛你媽~~

係考試個度好似咳到肺癆咁,番啲好快啦,希望你

考地理個時會記得帶鉛筆同刷子膠啦,唔好再一枝筆走

天涯拿,知無!?

                                                             玲字

今朝一早就出去搭車出去佐敦,頂,平時見佢咁多

車,我搭既時候又無,等左我半個鍾終於都有車,去

緊個時我勁驚會遲到,勁多紅綠燈,個個紅綠燈都

停鬼哂咁滯,玩野咩.....好彩去到都早左4,5個字,

同埋佢都仲末到,好彩,好彩,隔左一陣就見到個個

老細,唉,過程唔講啦,我係想試下做文職唔係想做

sales,唉,早知係咁就費鬼事理你,浪費我啲時間,

金錢,見完佢就搭車番番學校羅鎖匙,點知番到去,

入到校務處,校務處啲人話BR無講低,所以唔羅得,

我頂,個時係2點半到,要我等半個鍾先上得去,唉,

跟住去洗手間個時,見到啲呀姨坐哂係度,去完之

後,就係度哆左幾句,講下未來既野,有個呀姨突然

間同我講,我幾適合做導遊,其實我都有諗過,跟住

我就問點解,佢話我好活躍,導遊活動性大,所以岩

我做,其實講真我而家好多野都想做想試,所以係

完全無方向感,唉,好煩,學隻豬話呢啲野急唔黍既,

22歲前都係試工期或者要更耐既時間,但係我一

定會搵到,相信自己一定會,所以而家我都專注番

係會考到,天日去番學校到溫書,因為係個度,我先

會坐定定,唔會走黍走去,雖然有時會兩邊走,去下

5S,去下library,當運動囉,哈哈~~

講番先,羅完條鎖匙就行番屋企,早知唔行啦,行完

一身大汗,唉,番到屋企,抖左陣就訓攪拿,訓完都要

食飯,食完睇電視洗碗沖涼,跟住同某一個人傾電話,

知道左一啲好得意既野,但係我仲係好多問號,好多

擬問,搞到我係咁諗,唉,真係唔知好過知,之後就打

日記一陣又要溫書,唉,好灰.....

PS:呀姨講得岩搵工係唔需要呀媽點睇,最緊要係

自己鍾意,我都好想好似爸爸咁搵到一份可以令自

己一世都鍾意做既工作,我相信自己一定會搵到,

女人當自強.....

還是不能放棄你,難道愛情裹還雖要自尊嗎!?~~

今日又感冒了,唉!!~~

今朝一早就同立統行番學校溫書,9點溫到去差唔多4點,

當然係有一個鍾頭休息,12點個時,真係好眼訓,訓左半個

鍾,夾埋啲發夢時間,咁就一個鍾.

4點半到行到番屋企,發覺有啲野唔見左,死拿,心諗一定跌

左係圖書館啦,打番去學校問番呀sir,佢又叫我問BR,嗯,好

彩搵番ja,係咩黍,米就係幾條鎖是囉,唉,真係...成曰都係咁,

跟住之後睇左陣韓劇,跟住就訓攪,訓到食飯,半個鍾都無,慘~

慘~

跟住再睇埋同事三分親,就打俾irene,佢話佢個朋友唔請,但

就幫我問再另外一個朋友,佢話叫我打俾佢,當時驚左驚,唔係

呀話,唔識架bor,仲要係老細,不過到最後都打左俾佢,同佢傾

傾下,本身就話係星期5見既,但要考試,咁就改左係天日,我心

諗,呀,咁快!?不過都有好處既就係唔使等咁耐.....

之後打番俾irene,原來答問題係咁答既,個陣時我真係灰哂,

只怪我答得太成實.....

PS:唔知天日點死呢,好驚呀,點算呀,邊個可以救下我!?

不過都唔該哂你irene,見工呀,見工!!~~

而家放左假幾日拿,啲時間好似唔夠用咁,呼一聲咁就無左,

都唔係好記得做過啲咩拿,琴日去左燒野食,野晚臨訓前食

左兩粒感冒藥,琴晚反而無咩野,今日出去個時就開始行唔

穩路,行左出去火車站俾左件衫irene,佢幫我換,真係唔該

哂,行番番屋企個時,都係唔掂,3分鍾可以行完既路,竟然要

行15分鍾,搞錯.....

番到去咩都唔理諗住訓教,點知,傾左兩個電話之後就點訓

都訓唔著,本身琴日諗住今日可以溫書,點知,唉,咁就無左一

日既時間.....

琴日睇到塊面終於有兩粒暗倉,呀,唔好呀,救命呀,可唔可以

唔要呀!?XDDD