太耐了...真係太耐了...
已經有好多年無上黎呢個blog了~
最近心血來潮想寫下blog,
因為facebook太多野都唔講得,
只好係到講啦~
我想講...講咩好呢?!!
我想講...我覺得自己變左好多,
變得...成熟左,但又幼稚左~
成熟左既係對自己既將來,
幼稚左係對身邊既朋友,
以前無朋友好自然咩都唔緊要,
依家有朋友又成日好驚自己一個人,
變到成個細路仔咁~

我...鍾意左一個人,
而且鍾意左都有1年啦...
佢個花名叫千七,
因為佢有一副好厚好厚既眼鏡,
個個都話佢有1700度近視,
身邊既朋友知道左既第一個反應都係"下?!!"
我敢老實講佢唔係一個樣貌好出眾既人,
但只少佢唔似一般人會睇外表,
佢....我都唔知佢有咩特別好,
但係我就係鍾意佢,
但可能因為識左好多年啦~
總係覺得我地之間無可能有進一步發展,
但身邊既朋友都叫我同佢表白,
但我真係唔敢...
因為我好怕講左之後連朋友都無得做...
我唔想失去一個咁好既人......

哇~~~真係好耐無寫blog啦~
寫完成個人鬆曬~
好啦~以後有咩心事就係到講,
依家應該無咩人會玩blog啦掛?!
應該無咩人會睇到嫁啦?!!

聽日繼續~哈哈哈~~~