依家係凌晨2點半....我12點要起身,
但我依家都未訓,哈哈~~
下晝2點約左欣去睇白白佢地跳繩表演,
5點就要去練舞,
6月30小豬黎香港SFC趴,
參加比賽用豬既歌玩組曲,
但重點係我要教其他人跳!!
成班細路女我差唔多係最大果個囉...
教人跳舞真係好難,
佢地跳得唔好,話又唔係,唔話又唔得...
以前我都係比人教嫁嘛...
而且淨低既時間又唔多,
依家先岩岩開始教,
又唔知佢地跳得好唔好,
又要教完之後先再排位,
教完羅祥既角色仲要教其他6個人
6個dancer既唔同動作,
有D又成日唔見人,
呢次真係玩死自己...
仲要今年係中5,超多project,
咩都未搞掂就搞單咁既野,
搞到難得有一日假我都要拎埋佢黎用...
我真係傻嫁...

期待5月6號既來臨~~~

太耐了...真係太耐了...
已經有好多年無上黎呢個blog了~
最近心血來潮想寫下blog,
因為facebook太多野都唔講得,
只好係到講啦~
我想講...講咩好呢?!!
我想講...我覺得自己變左好多,
變得...成熟左,但又幼稚左~
成熟左既係對自己既將來,
幼稚左係對身邊既朋友,
以前無朋友好自然咩都唔緊要,
依家有朋友又成日好驚自己一個人,
變到成個細路仔咁~

我...鍾意左一個人,
而且鍾意左都有1年啦...
佢個花名叫千七,
因為佢有一副好厚好厚既眼鏡,
個個都話佢有1700度近視,
身邊既朋友知道左既第一個反應都係"下?!!"
我敢老實講佢唔係一個樣貌好出眾既人,
但只少佢唔似一般人會睇外表,
佢....我都唔知佢有咩特別好,
但係我就係鍾意佢,
但可能因為識左好多年啦~
總係覺得我地之間無可能有進一步發展,
但身邊既朋友都叫我同佢表白,
但我真係唔敢...
因為我好怕講左之後連朋友都無得做...
我唔想失去一個咁好既人......

哇~~~真係好耐無寫blog啦~
寫完成個人鬆曬~
好啦~以後有咩心事就係到講,
依家應該無咩人會玩blog啦掛?!
應該無咩人會睇到嫁啦?!!

聽日繼續~哈哈哈~~~

聽日就統測啦  好緊張呀

聽日測數學,歷史,地理

我要向數學全級第一進發!

就算真係攞唔到第一

我都要有90分以上

加油加油加油!!!

今日係學校既戶外學習日

去目的地既途中...影得唔錯掛?

係車裡面......

我今日要去既目的地---麥理浩夫人度假村

係果到我玩左好多野

係打羽毛球果陣

我同頌頌"雙劍合壁"!

(由於果同學D攝影技術唔好

所以影到好蒙!)

我地仲去左玩攀牆,打壁球

不過無影到相!

我地既午餐,yummy.....

我地食到一d都無淨......

食完飯之後,我同頌頌去左打桌球....

我同頌頌你一球我一球

玩到唔知時間.....

我發現仲影左頌頌呢個咁"型"既姿勢...

後來我地發現旁邊有個飛標區...

我既成績,絕對唔係整上去!(係咪好勁呢?)

玩下玩下,不知不覺就夠鐘啦

所以就番去集合地搭車番學校

玩左成日,個個都累到訓著曬....

而我同白白呢...就仲好精神喎...

無聊自拍一張......

今日放學果陣係社工室

同小卓,江俊文玩啤牌

有玩"鋤大D","潛烏龜","廿一點"

玩"鋤大D"果陣我嬴曬佢地

而玩"潛烏龜"就次次都江俊文輸

到玩"廿一點"時江俊文變左大嬴家

哈  我地玩到六點先一齊去搭校車

我覺得今日真係超開心

好耐都未試過玩得咁開心啦

真係要多謝小卓同江俊文!!!

唔知個天係咪真係識睇穿人既心呢?

我呢幾日既心情都好反覆

點知個天就好似我既心情咁

反反覆覆  時好天時落雨

有時仲行雷閃電添

真係好應景  我仲傻到

想係落緊雨時行出街到比雨淋下

咁樣可能會令我個人清醒d

諗野都易諗d  唔會搞到自己咁矛盾

不過都係見步行步算啦....

今日終於見到佢啦

我仲以為我會好開心

但係原來我一d都唔開心

我見到佢果陣覺得

有一種好眼"冤"既感覺

佢個背囊竟然係"橙色"

我第一次見佢用"橙色"既背囊

我真係覺得好眼"冤"

究竟我應該點做先好......

開左學已經三日啦

到依家為止我都見佢唔到

係佢有心避開我呀?

定係我地真係冇緣呢?

唉...不過都係算啦

依家最重要係讀好d書

呢d野將來先算啦

或者咁係另一個解決方法

對佢對我都會好d......