一早就係度打機...本來我諗住橫掂十一點奮進先開始,所以諗住遲d先出門口...沖完涼,好悠閒攞風筒吹下個頭咁...點知睇返奮進張紙,佢話要10點50分去到...嚇到我成個人彈起...得返幾分鍾時間=/=

  返到去都10點56分左右嚕~俾唔知邊位邊位阿sir係校務處條走廊訓左一陣話,就快快腳咁上左去404室...

  唉~個奮進班都唔知做咩...無聊到想死...好想轉去第二組丫~有阿j係度說說笑咁...

  返到屋企,丹丹打電話叫我係火車站等...點知我就係呢個時候肚痛...搞到丹丹黎埋我樓下等我...sor丫~

  係石場打左幾粒鍾波...4點左右,就同丹丹+肥承係上水兜黎兜去...又去商務睇書又去新都間碟舖睇碟...咁就成粒鍾...時間過得真係快...原來肥承鍾意睇d地圖/地理書ge~唔怪得佢地理好似好勁咁啦!原來平時有睇到...

  哈哈~今日胃口奇佳...連食四碗飯!!俾娘親話:「唉~養你仲慘過養兩個二佬(zero)...」