見到孔德唯,我終於明白點解我中一個時人緣咁差...自我中心,識小小扮代表等等...知唔知m記六折卡點有?做夠四個月先有得發一次架(問過zero)!!每張卡only用8次...唔好意為自己好勁,意為張卡可以一世通用-口-我二佬做第二副經理,我有唔明可以問佢ma...平時著粉紅色衫個d唔係經理,叫公關(唔知係唔係呢兩隻字),通常都係負責搞生日會之類ge野,所以通常都係女仔做,就算有男,都係出面個d舖頭,而且絕大部份唔會勁cool就係gay的(zero話ge)...講下m記又拉到kfc...賣剩d野可以自己食其實m記都有,但係無人會食,y?因為d人都食厭哂嚕~
打完波上到黎,係4樓走廊見到溫明同張震鋒,佢地無啦啦唔知見到D咩野就閃返入2C(係唔係我心理上單純咁認為?),岩岩醒起要問溫明追返本"曙光"...點知佢又無帶,到底係有心定無意??真係無記性到咁,定係想個書包輕D咋?無啦啦話咩張文慧生日,叫我係張紙到簽名...本來諗住寫係個角位,點知佢又叫我唔係寫係圖幗個處,又趕時間整返英文D野兼唔就手,所以就投其揀個位寫返個"aso"落去..個o字完全唔係個o字,不過,算啦~我對form1已經無咩眷戀同盼望,好似我琴日所講,死左條心嚕~別人只會將我定格於過去的我,我亦不會對這些人有何好感...
唔知點解覺得自己好似戴緊一個假面具返緊學咁...連我自己都搞唔清楚其實邊個人格先係真正ge我...到底沉默寡言係我,定係笑口篩篩先係真正ge我?完全唔覺得自己好cool,miss lau(奮進)真係識講笑...
因為無KEY GE關係,所以要山長水遠去街市搵大佬拎KEY開門-口-老竇終於回歸,期待已久!7仔有生意都唔做,諗住買支藍妹俾老竇,點知佢要我拎身份證...打電話俾大佬,佢又叫我去OK買,佢話要睇住我買= =OK又真係俾我買,唔知係佢地本身問題定我阿哥棟左係度GE問題呢??
阿媽同ZERO話愈大愈令仔,但係我真係唔覺,因為我單眼皮...唔知係唔係學校D女仔話D令仔個個都係雙眼皮,所以我覺得自己單眼皮唔令呢~近期生暗瘡,塊面愈黎愈樣衰就真=3=
唔知點解個blog有人睇個時,我會好想寫,但係又寫唔到咁多;而家無人睇,基本上想唔寫,但係一寫難罷,一寫就咁多...曾經ge"常客",已經變左"稀客"嚕=口=其實咩客都唔緊要,都係客,係我心目中,無一個人係不速之客~舊時我封個BLOG,我都發覺自己個陣係唔係患左自閉症,又成日封人MSN,我諗返舊時都問下自己係唔係傻左>< HEY!!留個CM,讓我知道你是誰吧!PLZ~ |
