緬懷過去,發覺自己舊時真係好傻...

  上年四月,我係區場打緊波,無啦啦有個搵笨電話打埋黎...我聽左,原來係何詠琳打埋黎,個時我雖然同佢同班,但係你唔提起我都唔知佢無邊個...之後on99咁走左去雍盛同佢地班女仔打排球...雖然過程好無聊,但係我就好開心...

  就係咁,我忘記肥承佢地,俾廖杰話我重色輕友,日日同人sd sms,成日都去雍盛,連排球隊練波我都唔去...

  但係到左六月中,因為我性格真係難以同人相處,加上根本同班女仔無話題可言,最後大家都無啦啦好似唔識大家,就咁玩完...

  七月中旬,因為我無話要打班排,因為係有人夾硬寫我個名上去,因為我無去班排,因為我之前識左陳丹,因為班女仔唔like我,因為陳丹同我都好夾,因為我覺得陳丹係一個人,因為我覺得我同陳丹可以做好朋友,所以去左聯和同陳丹打籃球...

  就係咁,班女仔由唔like去到憎我ge地步,我係msn俾溫明鬧我,話覺得我pk,話有人係班排度鬧我:「連打排球ge勇氣都無。」我係xanga俾人話鬧我淆底獸,無膽鬼,不負責任...雖然佢只係鬧左20幾字,但係可能係佢太憎我,所以都費時寫咁多字...而佢,當然連我msn都del埋...當時我真係好傷心,剩係識匿係被度喊,個刻我覺得我人生已經玩完,我真係好想行出走廊跳落街,一了百了...我不停咁打牆,直到我拳頭真係痛到無力為止...原本我真係諗住衝出走廊跳樓,但係因為我驚,我怕,我淆底,所以我終於都無跳到...'

  第二日返學,我不停咁俾何詠琳怒睥,其他人ge眼神都唔比佢好得去邊...可能因為咁,令本來已缺乏自信ge我,變得更加無自信,唔夠膽正視別人...

  可能何詠琳講得岩,我係一個不負責任、無膽鬼、淆底獸,連打排球ge勇氣都無...但係,亦因為我細膽,所以你先可以睇到呢篇野,而家,2月23日凌晨3點03分,我都生存係呢個世上...

  其實衹要我唔接個搵笨電話,就唔會有之後ge一連串事情發生,我亦唔會咁痛苦,亦唔會做人做到無哂自信心...

  我很傻嗎?對,我的確很傻,已經是傻得要命...我真的很膽小怕事嗎?對,我是一隻淆底獸...

  過去,因此而成;現在,因此而起...

  我無怨過所有人,因為我覺得大家都做得好岩...何詠琳打個搵笨電話俾我,其實衹係鍾意玩,無錯...d女仔逐漸唔like我,大家開始離我而去,衹係因為我真係同大家唔夾,勉強亦無幸福,一起也是枉然,無錯...蔡婉珊寫我個名落班排代表之一,只係佢因為覺得我排球好,所以先咁做,佢寄予左期望俾我,但係我就唔識珍惜,無錯...溫明罵我,因為我真係無去班排,無錯...何詠琳罵我,因為我真係呢種人,無錯...

  要怪,就只能怪自己...過去我差勁透了,事情真的已成過去了,已不能去改變...但,未來的我,誰會知道,事情尚未發生,我亦可改變,何不試試??欠的,只是一顆心罷了...