今朝起身,諗住換衫個陣,居然搵唔到件校服恤衫...唯有拎住件長袖恤衫+長袖毛衣頂住檔先...唉~music溝maths...呢個mm組合直頭仲勁過姚明+T-Mac ge火箭mm連線...難到飛起...小息後上返課室,擺左隻龜仔係李素秋張枱度當生日禮物,唔知佢like唔like呢?

  放學返到屋企,幫阿媽曬埋衫就出街食野...去左揚揚買左d薯條,後未去520同士頭婆買多隻龜仔,我隻龜仔唔見左呀!!最後用阿哥俾我張m記禮劵又食左一個魚柳包餐...

  之後3點溫明就打電話黎,叫我去和興打波...我到左4點先搭車去...

  去到,見到李嘉豪、顏瑞禾、羅治輝同一個f.2打波...射左陣波,溫明先黎到...又射射下波,顏瑞禾叫我同佢1on1,哈哈~0-6jumpshoot戰術成功!!之後又黎個李嘉豪,我都費時同佢鬥,因為實俾佢射波屈死...名為鬥波,實為搶完個波之後射完就無野~後來,有班飛仔黎撩3on3,我就同溫明+顏瑞禾應戰...搶籃板個時,我隻右手俾條友用手指甲一界,成條痕係右手度...之後打打下又腳痛,先左腳腳掌一處唔知點解紅左,後就右腳腳背無啦啦有一處紅埋=.=正式報銷...死撐落去...後來打完,又有新一班黎...我幫溫明買完野飲黎,就代溫明出黎打...班人都唔係好勁姐...打完,又黎多左班...不過,睇身型就唔得ok啦!一個肥而不高、一個不高又肥,得一個身型叫ok...嘻嘻~俾人話我跑得好快,不過呢d唔係跑得快,係爆發力姐...一兩米距離,可以黎得切反應而即刻去行動就ok...個肥仔問我跑100米係學校跑第幾,我話包尾(真的~),佢就唔信...打到一半,個天無啦啦放水,溫明就同我去左和興體育館休息一番...

  休息完,就係和興出面個巴士站等車閃人...之後溫明打電話黎,問我係唔係佢個荷包係我度...原來真係...佢就叫我keep住先,聽日返學俾返佢...

  係home沖埋涼,就去左石湖墟間金都酒樓食dinner...嘻嘻~阿媽生日快樂...