今日中午真忙...要去肥堅屋企「收數」,又要去激戰向肥幫繳數...唉~驚自己會遲到,即刻係火車站飛的返TKP練波...點知原來成村人都未到,得阿標一個...

  係體育室攞野起柱開網個時,阿標突然問我一個性問題...佢居然問我咩叫做「潮吹」...佢知之後就係咁成日講...我知點解真係好特別咩??

  練完波開GAME休息個段時間,溫明突然話今日練波好悶...大家就話因為無得講笑,無人敢出聲...咁又真係GE...

  開緊GAME個陣,個天無啦啦「天有不測之風雲」,神天交水費,落大雨...無奈咁練波被迫中斷左...

  夜晚同老竇去大家樂食飯...阿媽係大埔返黎個時,估唔到阿媽居然去錯左大快活=.=老竇講我都唔信,估唔到真係...哈哈~