今日我地所居住ge香港遭受到一個颱風...令到永遠身肩神聖ge任務的天文台終於都發大一個令人震撼ge八號風球...但係,我又感受唔到d咩wo??還記得,有一次,全香港都勁大風...我都嚇到淆底係屋企「長眠」...但係,個次無八號風球,今次有?次次天文台剩睇市區狀況,我地新界呢面雖然無尖咀、中環個d咁「市區」,但係都好似無顧我地咁...當我地呢邊係咩?荒島??

  八號風球大哂~人地巴塞係大球場對觀瀾湖邀請隊都俾你延一日期,係紅館ge世界女排大獎賽都俾你搞到唔俾人入...打波又唔得,咩都唔得...八號風球主宰我地日常生活mode啦~「風球一出,誰與爭鋒」??

  無波打,自然就悶到作嘔...跟肥幫肥承係肥堅屋企玩左陣...肥堅要走人,我地又係樓下係度打排球...唉唉~天氣一唔好,生活都唔好...