朝早4點搭正起左身...平時交六個鬧鍾都起唔到身,想係七點半前起身,而家一個都無交,居然可以4點就起到身=口=即刻開電視轉去ESPN睇利記對國米...國米100周年慶典都要係歐聯16強止步,真慘(真心)...

  朝早7點出左門口,去左彩園買早餐,行返太平發現唔記得拎野,上返去,原來先7點3...返到學校,陳洛浚同馬嘉耀原來都返左...原來咁早返去,玻璃門係未開嫁,我日日都8點搭正左右先返,真係唔知...

  終於pe堂可以踢波,正爆~點解要話我插水呢?我真係俾人踢到隻腳,我平衡力差,都無計架...雖然李SIR有吹,但係出到去就可能唔係咁,真係要鍛鍊下D平衡力先得...訓米訓到衫背黑哂-口-

  奮進黎左個MISS...廖杰係門口狂問我呢個老師係唔係智障-口-唔好成日以貌取人啦...之後溫明黎到,廖杰就同溫明講:喂~你同類丫~(因為個MISS同溫明都哨牙)咁都俾廖杰諗到,真係吹漲...原來個MISS係我地師姐,真係失敬失敬...

  留堂留堂,又留到6點先走得人...留完見到鄧子晞係長廊拾波,醒起原來今DAY有排球隊練波...過去玩左一陣,諗住謝PAK陽會有咩星期六D野要講,原來無,咁就88先...