＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃

人一生當中 睇過好多唔同既劇 當然我都唔例外...

從來無諗過睇劇既人 原來一直都身處係劇入面...

已經失去左一個表哥 唔通而家又要再失去多一個?

如果真係失去哩個 我可能真係會喊 真係會喊出黎

之前果個 可能一年只係見得1/2次 感情深極有限

但係每次見 佢都好錫我地

每次都帶我地去玩 去食野 可以係話由細睇到我地大

但係今次哩個唔同  可以話係由細玩到大

雖然我地慢慢大個  一齊玩 一齊生活  來往 都少左

但係 係我腦入面 印象好深刻

我好希望佢會無事 而且仲要係平安無事

雖然之前果個 我都有向上天許願 但係唔知係唔係果陣我太細過

個天聽唔到我把聲 所以無將細表哥還返比我地 但係而家我大個女嘍

唔知個天今次聽唔聽到我把聲呢!

明明今個月先見過一次面 點解無啦啦會發生咁既事

我唔想哩次見面係最後一次 因為我無好好珍惜哩次

同之前個表哥一樣 無諗過 哩次見 會係最後一次 以後都見唔到

屋企人係無比重要 雖然我經常同家姐嘈 同媽媽 丫妹都有過幾次

雖然我把口無講 但係其實我個心好愛佢地

唔知係咪聞到前面包話梅 我個鼻而家好酸丫 對眼可能乾得濟 開始分泌出淚水........

＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃