＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃

今日本身諗住同安安一齊玩　無奈　聽Miss講安安今日要出院。

望住佢已經好開心

聽到佢既笑聲　自己亦會笑埋出黎

聽到安安可以出院 其實我好開心 同時亦好唔捨得

由星5下午+星六+今日星一既早上 短短哩十幾個鐘入面

就已經同佢產生感情。 今日一見面過陣 聽到安媽媽話安安琴日係到搵我

聽到哩一句真係好感動 覺得我有比人依賴  哩個小朋友需要我

一日8個鐘入面 最開心就係停留係安安既房間  一入去就覺得時間過得好快

我第一次覺得牛奶糖好食 安媽媽同安安比架 安媽媽一直塞野比我食 哈哈

走之前仲讚我做得好好 我真係好開心 有小小成就感

安安出院後 突然覺得病房好安靜 好空虛 時間過得好慢

安安你要健健康康長大 唔好再入醫院啦 飲多D暖水   希望你可以一直保持你既笑容:]

＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃