聖誕節快樂

嘻嘻...今日係聖誕節耶,,,但我竟然喺屋企瞓咗成日,恩宜,好嘢....

因為琴晚玩得太夜喇!!!

琴日係平安夜,

到夜晚八點鐘開始出街,

哇,除咗返學之外,我喺hk第一次著裙呀!

感覺唔鐘,就係涷咗d....

琴晚同cherry同埋佢家姐一齊去尖咀,

佢家姐仲送咗盒朱古力俾我呀!

而cherry好耐之前就已經預送左份聖誕禮物lu..

係一只名牌耳環,

但我只耳唔聽話,帶咗都係痕...慘....

一出去就去行商場,之後就隨住人群走去尖沙咀鐘樓,

足足企咗成兩個幾鐘呀,又涷又攰...

雖然係有d悶悶地,但唔緊要喇,

反正我覺得開心,

特別係當我諗起上年聖誕既自己一個人喺医院過既慘況,

相比起嗰陣時,

真係覺得自己宜家好幸運,

倒數完咗之後,

朱妹奪命狂call我去落pub...

第一次,喺太子嗰度,

一去到見到玲同波仲有肥婆,

最早見都係朱妹,因為係佢千里迢迢黎地鐡站接我既,

感動呀!

但係玲同波唔識玩大話飾,

而且又唔飲酒既,

所以有點兒泠場,

等佢地走後,

我地三條友就發晒顛,

因為佢地兩個太乖乖女喇!

之後就開始狂玩,

由開始輸咗飲一啖

之後我個人認為唔夠皮,

就大大聲講話一如飲半杯,

由呢一句話開始,

我狂輸,

連續唔知飲咗幾多,

開始暈,

之後朱妹提議打手掌,

好俾我抖抖,

因為真係頂唔順,

唔知點解嗰日,

有一種感覺,

覺得朱妹好似好成熟,

有一種大姐姐既感覺,

當晚玩到成四點,之後就走lu...

幸好我同朱妹住得近,

地鐡又開通宵,

但我連企都企唔穩,

多得朱喳,

嗰一晚覺得自己好似發緊夢咁,

究竟我係咪真係飲醉咗?

隱約記得,

返到油麻地之後就去咗七仔...

之後就終於頂唔順走咗出面去嘔...

舒服晒,

返到屋企之後,

裝都唔卸,衫都唔換就攤咗落床喇,

第二朝心靈上頂唔順唔干浄,

之后九點幾逼自己起床去沖涼洗面卸裝,

依然覺得想嘔,

今次唔係因為唔開心而飲酒喇..

係因為太開心,

朱妹咁照顧我,又教咗我某d嘢,

俾咗一個快樂回憶我,

真係好多謝佢呀!

就係咁樣既糟遇,

所以我聖誕節全日都喺屋企覺覺豬囉...

秋霞,光仔,小吻,芷昕,肥溫琪,肥豬,朱妹,肥james,jerry,子陽,艳玲,等等既朋友仔...

聖誕快樂呀!!!