知道嗎?琴日...姐係十二月十九日...

我真係從未試過咁難忘...

放咗學之後,都係以平常心去對待,

可能因為以前習慣咗,即使有咩活動,

我都唔係玩得最開心果個,更唔係放開胸懷玩到尽...

但今次唔同,可能多咗肥豬同肥溫琪掛!!!

一去到就俾倚華叫咗去砌餅,

哈....最樣衰嗰舊餅就係我切咖喇!!

所以我切咗一舊之後就唔夠膽再切喇...

睇見一個男生既手勢仲好過我...

勁樣衰呀!

之后就大食會.....食完嘢之后就係大合唱...

唱緊嗰陣除咗緊張之餘,

最頂唔順既係蔡miss笑得勁誇張,

我都跟埋笑,累到我咩歌詞都忘記晒...

之後好唔容易將成首歌唱完,

呂sir<眼紅紅>咁同我地講話好感動...

我都好開心好感動呀!

嗰一幕,我真係覺得自己好幸運好好彩....

如果唔喺呢班我喺中五既生涯會好無聊...好枯燥無味....

之後同學們將我地全班同學仔撿既禮物送咗俾阿sir

係頂泠帽@!(若有份攞高分,俾泠帽你戴)

已經眼紅紅既阿sir即刻破涕為笑!

叫到禮物開心既心情我都可以理解既!

之后每一位同學仔都捉住同阿sir影相!

我成個傻瓜咁,唔知點算好?

同學仔叫"戴....戴....戴...."我又叫埋一份...

距地拍手我又跟住拍...

完全係跟住佢地既動作而行動,

我個腦完全唔使諗嘢!@

當我地抽完禮物再大合照就已經六點幾喇!

真係一個難忘既大食會呀?

你地話係咪呀?

老陽陽,你唔喺丙班係咪覺得有d不是味道呢?

因為肥winky,james......等等既人都係丙班,

我相信佢地同我都有同一種感覺,

唉.....諗起中五之後就要同呢個班分開,

真係好唔捨得...

再諗下琴晚,

因為返到屋企太累,即使瞓咗落床.

一瞓就瞓到凌晨成12:00至1:00呢段時間內...

忽然諗起聽日要上miss joins既堂....

死都死起身去溫書....

一直溫溫到凌晨3:00至5:00果段時間內....

從未試過咁攰!!

但今日距竟然唔問我地生字,人家溫得好辛苦好辛苦咖....

有無搞錯...仲溫到我個頭超痛....痛都照溫..唉..

竟然唔問,我好憤怒哇!!!!

上鬼婆堂果陣難得我可以大聲話進同豪好似係度開戰...

仲贊kxxxxx距good 生字咖嘛,竟然俾老陽陽捉到我錯處....

唉.....好想打佢.....佢無問生字我已經覺得好唔妥,

但佢竟然仲踩多腳...可惡可惡...

今日又無問生字,又無叫我出去discussion,

但都要贊一贊我,真係頂唔順miss joins咖姐...呵呵

之後pe堂,唉,無羽毛球拍,只好喺度企住睇人打囉!

但家宝好關心咁話:"恩宜,做乜唔打既?"

我話我無拍,之后距又出主意話:"呢度有拍呀!攞去呀!"

之後好感動咁咇左小小淚水,然后開心咁拎住個拍去拍ball  lu..

第一次打單打,

同時都係我第一次win  ball呀!

勁.........勁............勁.........勁........開心呀...

睇到喇?肥溫琪,想當年我瘦恩宜輸俾你其實係我未出手喳..哇哈哈哈...

宜家睇到我真正既實力喇?

之后開心到扑左去巴鲁坦嗰度,哈哈...

之後佢就大大聲講咗句:"恩宜,勁嘢"(使乜講)

哈哈...將老陽陽同miss joins同肥james抛咗出街lu....

因為今日我俾佢地三個激死....

但依然感覺好攰...

鬼叫我琴晚咁夜瞓咩?

仲有我好想同你兩個講:

"我無唔理你地兩個,真咖!可能真係因為我最近節目多咗,

生活開心快樂咗,但係咁樣你地唔係更加應該替我開心咖咩?

但係你竟然同soso講話我變咗,我最唔開心既係你竟然同

soso講開始討厭我!我變咗開心咗唔通你唔鍾意?但有多人

回應咗我都話我唔算討人厭呀?唔通咁樣既我返而會惹黎你既討厭?

自從你地都唔鍾意我唔online qq,我宜家有on喇!雖然有時係夜咗d

,但係我至少有留言俾你呀!但係你都唔睬我?我唔on你又話討厭我!

我on你又唔理我?咁你同我講,我仲可以點?kiki都無你咁小器喇!

無再唔理我喇,好無?我以後唔敢喇!"