今日又係跑.跑.跑返到學校,

雖然無遲到,

但係今日要早禱,

點知返到去男班長已經關左課室門啦!

搞到我要攞住咁重的書返入禮堂,

OH NO!!!

之後生物堂派卷...YEAH!

期望已久的科目終於派左啦!

都幾滿意啦!

上完英文,

之後到地理派卷,

算係滿意啦!

LUNCHTIME去左食米線,

難得一次我食得曬架!

今日都算係個好日,

食完野返去,

呀婷揀左十首JAY的歌,

還好似再要揀多D佢的歌,

真係唔知佢唱唔唱得曬...

之後中文堂講作文的分,

唉!作文衰退左好多,

中二好很多...

但係會議紀錄30分滿分有28分,

都算係個SURPRISE...

今日人文堂,

以為梁sir有返啦!

點知又係無返,

而且還要請多幾日假,

我地果時都唔知佢有咩病,

直到jim sir講,

先知佢腦中風,

不過係輕微,

希望佢快d好返啦!

雖然個代課女miss講左好多我有興趣的衝突事件俾我知,

但係佢講野太細聲同悶,

都係鍾意梁sir把聲多d姐...

今日很凍呀!

依然係咁遲返學,

但依然都未遲到,

之後當然要面對成績啦!

成績都係普普通通啦!

唔敢再望咁高啦!

放學後陪麗珊買眼鏡,

當中我有試過眼鏡,

戴眼鏡的我好怪呀!

我諗要好好地保護我對眼先得...

打左兩封e-mail俾mr jim,

收到佢的回覆話系呢個聖誕假用來改form1,3同5的英文卷,

而且佢還用一個鐘來一邊睇書,一邊飲coffee,

佢還抽左一d時間同佢的家人打羽毛球,

都幾充實呀!

至於我封e-mail的內容就保密啦!

我問左佢我的英文分數,

paper1差左d,

paper2就好左d咁...

你地有無問呀?

岩岩過左2007年,

祝大家happy new year!!!