今日返來睇日記,

已經有十六個留言啦!

無計啦!

大陸無電腦,

所以而家先打日記...

今日係放假以來第一次咁早起身,

係九點幾呀!

平時的我好懶架!

訓到一點幾先起身,

成日俾呀爸,媽罵,

不過我真係抵唔住訓覺的吸引,

尤其是系冬天呀!

由於今日要返香港,

同埋咁耐無食早餐,

所以同家人出去飲茶,

食到好飽呀!

但係呢餐只需三十幾蚊姐,

大陸d野真係便宜呀!

之後就搭車過羅湖去過關啦!

d野好重呀!

攞到隻手都有痕呀!

累死堅痛死呀!

本來聽日先返架!

不過要趕功課俾jim sir,

唯有早d出啦!

你地今年收到幾多利是呀?

今日家長日,

遲左幾個字到tim,

幸好無咩姐...

之後等等等,

終於到我啦!

我係俾jim sir見,

真幸運呀!

之後講返我d成績同點樣改善,

that's all...

咁就走得人啦!

我聽日返大陸囉!

祝大家鼠年快樂!!!

今日返學校唔記得帶布,

又唔記得帶回條,

真係黑仔呀!

之後小息見呀婷佢地去cut黃澤盛塊布,

順便攞埋一份,

不過係要負出代價的,

因為系佢地cut同扯的同時,

有好多布碎的粒粒飛下飛下,

好難受呀!

之後人文堂,

潘欣桐同吳志康調位,

我順便各佢請教點玩rubik's clue,

佢靜係識教我第一層,

返去玩下,

得左第一層,

但其他層又唔識點整,

就快崩潰啦!

決定give up啦!

今日上關SIR堂,

俾D中文工作紙我地做,

學埋果D孟子的<論四端>,

呢D儒家哲學做死我地啦!

又同我地探討揀科同學業的野,

佢還趁我地做緊時,

拿埋我地D全級排名睇+讀埋俾我地聽,

聽完之後有D失望呀!

可能我係處女座呢!

做咩都要完美,

SO唔係好開心呀!

唯有系下學期加油啦!

數學堂D數計死我呀!

無數學天分的我決定唔會揀理科啦!

而商科聽取過關SIR的意見後,

決定到大學先副修呀!(如果可以的話)

之後英文堂學D REPORTED SPPECH,

而家中二都同我地學緊一樣野,

可能學D野還難過我呀!

今日去atec,

估唔到今日咁黑仔,

家政竟然要同xxxx一組,

果miss真係呀!

好憎佢呀!

下堂我要抗議呀!

之後整陶瓷,

終於整到一個盤狀的野,

其實我本來想整杯的,

但拉成咁都無辨法...