今日午膳的時候,

男班長話關sir要收集十樣野,

問我地有無野可以攞出來,

我地無回應,

不過疑惑關sir攞來做咩呢?

我本來以為有遊戲玩,

點知到中文堂,

佢叫我地四至五人一組,

搵一個人出去抽野去作文,

聽到作文呢兩個字,

我就暈啦!

黃佩儀抽中左toby的史迪仔鎖匙扣,

唉!點作呀?

搞到我諗左半堂先起筆,

未作完還要留堂作,

留左一個鐘去作,

終於作完啦!

之後上去教員室交俾關sir,

那是我嘔心瀝血之作,

我從來未作過那麼多字,

差唔多1000字啦!

真係佩服自己...

 體育堂,

我地去划艇,

不過唔係真係划艇,

而係用機模擬姐...

我拉左一次隻手就好累啦!

估唔到我地班d人咁踴躍,

划左兩,三次,

我個記錄係197m,

系班上當然唔算好啦!

男仔最勁的係黃志聰279m,

女仔最勁的就係賴妍琳,

不過唔記得佢幾多m啦!

上完體育堂後,

就係自習堂,

我地大家都向豬媽講生日快樂!!!

豬媽一定好sweet啦!

 前幾日上唔到網,

又係d網絡問題,

還要系星期六,日上唔到,

搞到好悶呀!

今日去atec,

唔記得帶圍裙同食物盒,

本來拾好曬啦!

不過萬事俱備,只欠東風,

唔記得攞返學校,

咁就完啦!

好彩money借左佢上過一次陶藝的圍裙俾我,

令我唔洗扣咁多分,

但係無得分食物,

同埋最後都俾miss發現無帶食物盒,

唉!果miss洗唔洗咁眼利呀!

俾佢mark低左我個名...

今年真係黑仔呀!

今日普通話堂,

不幸地俾人捉左做白老鼠,

DOWN曬呀!

出度去又要我講普通話,

大家都知我怕醜同唔識講普通話啦!

出度去瘀曬啦!

我又唔記得<不能說的秘密>D人點講野,

之後又唔記得睇螢幕,

不停咁讀,

糟透啦!

普通話...唉!...

今日第一日返學,

本以為咩功課都準備好,

但係今日系關sir堂時,

佢竟然要我地交功課喎!

今年犯太歲架我,

當然黑仔d啦!

原來有一張<最苦與最樂>工作紙未做,

搞到要抄一次<最苦與最樂>.

抄死我呀!

好釆呀媽買左屬馬架玉來幫我化太歲,

希望遲d無咁黑啦!

今日放學上english corner,

原來係要做教育城果個,

本來要做五篇,

但jim sir好人,

做到五點就走得...

不過我已經做左好多啦!