時間真是過得好快!當日我在這裡開個網誌,還記得那時我還在筲箕灣官立中學讀書。

今日在機緣巧合下,我再次回到這裡,感覺既陌生又熟識,好似好矛盾啊!不過,唯一我肯定的是我的心情是愉快的,這就已經足夠了!

我還未說的是,我現在身處嶺南中學圖書館,我覺得這裡的師生都好好,我暫時都很喜歡這裡,希望日後能如願考入我心儀的大學吧!

我想以一個開放的態度去待人,我不想再像以往般過份執著,要知道那是好痛苦的。說到這裡吧,有緣再會。

好唔開心呀！好多野本身講唔出，只能靠打日記來抒發下，其實都係一件好事，近排好灰，我今日喊左三堂，我寅係再忍唔到了，只好喊來發洩下，可能心情會好點啦！我覺得佢地一定覺得我太造作了，好討厭我，要知道我寅是好唔想的，但我只想哭，對唔住，佢地要怪我都冇辦法了。今日我放學見到Shadow，我知佢都見到我，但我真係唔想同佢打招呼，我知我咁做好衰，但我今日心情好壞，既然已經離開了學校，我想放下我的面具，不想再裝下去，要知道我真的很辛苦的。我知佢地根本冇得罪過我，但我太自私了，我接受唔到佢地。我仲見到煒霆，佢冇好似以前咁理我、就我，但都算啦！我話過如果佢再肯同我講說話，我就以經心滿意足了。今日分享完畢，下次再講啦！請原諒我我真係笑唔出啊！

我今日睇番以前寫既野，覺得我以前的確幾傻，但看得出那時我是開心的。

雖然同以前鐘意既人關係變好了，但可能早已今非昔比，如果一切來快點，是否我仍然可以開心呢？

我諗如果一切都來早一點，可能我已經深深愛上了人家了，我想不到我竟然可以真的當他朋友般看待。

我認為有時放棄了都是好的，起碼生活會變得簡單點。

我明白到有些野還是盡早放棄吧，那麼走的時候都會輕鬆點。呵呵*U*

我放棄了很多野：愛情、學業、家庭。

恩恩、家燕，我這次做得對嗎？但為何我還是捨不得朋友呀，我還是捨不得離開，是我貪心嗎？

我知我在封鎖緊自己，但冇人會幫到我的。

我討厭自己，成日說話去煩人，他們一定覺得我太煩了。

我知道我太煩，所以他們都不喜歡我。

鑑於自尊心，我唔會去尋求協助的。他們會看不起我，我唔要人地幫。

我好蠢，連自己既情緒都理不好，我好失敗。

世界上唔需要沒有利用價值的人，我知道點做。

日子在倒數，我要珍惜每一秒。

我應承過：一定會笑住直到最後一秒，以後不再說煩人的說話。

我其實真係好唔開心，但我真係唔想佢地兩個咁擔心。

我知我掩飾得好好，佢地應該唔會懷疑的。

我每天哄自己放開點，雖然這好辛苦，但我一定唔會做傻事的，這是我唯一可以發誓的，但這都是往事了。

我唔想同人講關於我既野，因為我認為冇人會明白我，如果我把情緒發洩出來，我怕我會收唔番。

我同自己講，我一定要相信自己是最後一個站起來的人，他們就是那樣睇少我。

佢地一次又一次打擊我，，我自問對佢地咁好，佢地點解要咁對我，我個心好痛。

佢地就係咁膚淺，佢地唔開心就有人同情、關心，我呢？佢地當我透明，冇人知道呀？

我唔開心既時候，只能將唔開心收埋又再收埋，扮到若無其事，真係好辛苦，依舊掛起笑臉。

因為我知道，如果我真的哭了，老師會以為我係問題少女，佢地會以為我博同情，會更加唔喜歡我。

我只知道只要我笑著，佢地就會好，我只配背人流淚。

夠啦！我真係唔想人人都討厭我，無助既感覺真的很難受。

有人同我講要學習接受，我記得我以前都是常常用這句話去勸人，但請饒恕我自私吧，我做不到！

我看不出彩虹了，只遺下天空那藍色（屬於憂傷既顏色）。