今日我地成班人一同去海洋公園，好開心呀！自從八歲開始都冇黎過，都好耐，只得依稀既記憶，今次有得黎真係好開心呀！我其

實好滿意今日這身既打扮，但好多人都穿得好靚呀，令我有小小渺小，不過冇緊要啦，我一點都唔介意在其他人眼中渺小，因為我

有很多朋友，真的好感謝上天啊！我地由中央圖書館出發，我同鄭嘉瑜９點鐘黎到，都估到仲有人遲到家啦！我地左一會兒，人終

於黎哂啦！但好似未到喎，初初又係佢話唔好遲到，最後竟然遲到，唉．．．

跟住，我地坐７２號巴士出發，班人坐哂上面，得我地兩個坐下面，幾開心呀，夠哂寧靜。後尾郭嗌左：「落車啦！」成班人浩浩

蕩蕩地落車，向住目的地出發，行左大約二十分鐘，終於到了！好多人啊，終於等到佢開門，成班人衝哂去攞票入場，跟住我見到

友人傾左一會兒，聽到佢地大嗌我個名，我終於發現原來叫我攞票，好無奈啊！後尾，黃杰仲叫我下次唔好一個人傻傻下，

唉．．．我地排隊入去，到我時，竟然張票唔俾我入，工作人員叫我換過張票啦！我好無奈地換完之後，再排番隊已經好多人啦，

冇計啦，都要排家啦，無奈地排係班高後面，點知有人插隊，比住以前我唔趕時間，我都會讓佢的，但現在不同了，我死死霸住我

個位，我終於都入到去啦！不過就遲左好多，冇計啦，我都盡快家啦！入到去，我地行呀行，見到有些同學係度玩攤位遊戲，佢地

好似好開心咁，但係要俾錢的，我係唔會玩的。跟住，見到纜車，我地諗住太早啦，於是就隨便行下，見到兒童王國入面既野真是

好細過呀，有既玩意，有旋轉木馬，同埋微型既樓機和摩天輪。好無奈地發現到，我地一定要坐纜車，先至可以到海洋公園既另一

邊，唉．．．早之我地頭先一入黎就坐左先啦，好無奈地行番過去，排左大概半個鐘隊，終於坐到啦，。原來纜車一點都唔驚的，

仲好好玩家，坐係到可以睇到一點好靚既景色，可以見到一個好靚既海，又大又清，好藍呀，被陽光映照下，真係好靚呀，可以用

景色怡人來形容。

無幾耐，我地終於到了，我地依照地圖，首先玩「車」，佢係一個過山車來的，鄭嘉瑜拉住我要我陪佢玩，我真的好驚呀，於是我

諗住嗌埋秀美一同玩，但係我話佢都好驚呀，算啦人一世物一世，都嘗試下啦，橫點都一場黎到啦，無相干啦！排左一陣，到我們

了，鄭嘉瑜要坐頭位，我死都唔肯，終於佢都陪我坐第三排。終於開動了，開始有小小後悔，但已經走唔到，唉．．．認命

啦！！！格．．．格．．．格．．．車子上到最高，然後衝下去，個種氣壓真係好難頂啊！好似有種力想拉你出去，好辛苦呀！

我被迫把自己屈成一團，好辛苦地完成成個旅程，不要這種可惡的壓力，都可說是幾好玩的！原本諗住下去玩激流，但好似無左這

種遊戲了！於是我地上山玩其他的機動遊戲，行左一陣，終於見到了好多機動遊戲，心情好興奮啊！我地首先玩「天鷹」，都唔洗

排隊盲有得玩了，太開心了！坐上車後，轉呀轉，一點都唔恐怖的，吹來既好舒服呀，都幾好玩的。之後，我地去玩「海盜」，都

唔好玩的，由於他從高衝向低太慢了，個種噁心既感覺搞到我好唔舒服呀，所以我絕對無憝住再玩過。跟住，我地去玩「瘋狂過山

車」，好好玩呀！佢倒轉轉左三個圈，好開心呀！不過由於個安全既野圍住左我地，所以撞到我地好痛呀！真是有待改進啦！跟

住，我地玩左「天秋千」，都好好玩呀，都唔驚的，只係下下，吹埋黎既好正呀！我玩左兩次呀，不過後尾盲好暈呀，好想想搵張

椅坐下，但係又冇，好無奈啊！！！好辛苦地去左「海洋館」睇野，都冇野睇的。跟住，去左「鯊魚館」睇野，好得意呀，鯊魚係

我頭頂游來游去，感覺唔錯呀！跟住諗住去「水母館」睇下啦！太可惜啦，我地竟然搵唔到呀，無奈ing...鄭嘉瑜係咁叫我陪佢玩，

我真係好暈呀，感覺好嘔心呀！經過我幾次反抗，好明顯失敗啦，佢拉住我下山再玩過。我好辛苦地行，見她一直埋怨我表現差

勁，愈行愈遠，我鬧脾氣折返了。

我來到一個小園子坐住，沒有人看到我，我靜靜地休息。天愈來愈暗了，當我正打算離開搭纜車回去點名解散，我撞返鄭嘉瑜，我

好驚訝她既出現，她看到我即抱怨我竟然掉頭，所以折返回來找我，我個心好甜啊！（待續.......)