| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
|
|
攞成績表同攞番賣舊書既錢呀~ 
今日七點半起身，唔知點解都係好眼訓......
跟住就番學喇.......之後就上去４０１果到攞成績表喇∼都冇咩特別既感覺，因為都知道哂啲分喇．．．．唯一係個名次．．．．．跟住丸孖真係俾我笑死，佢喺到猛咁傾偈．．．．跟住就好樣衰咁到成十幾號先發現自己未攞成績表．．．．．笑鬼死我，跟住我又同ａａ、羅婷一齊串佢，搞到佢冇聲出．．．．．哈哈哈，之後到我攞，好彩我好專心咁樣聽佢叫我，跟住出到去，佢話我叻呀∼∼∼∼哈哈哈，佢話我個平均分可以一路高上去好好喎∼∼∼ｙｅａｈ∼∼∼∼∼之後話我要話俾媽咪知．．．．我唔知有咩關係．．．．我唔記得問佢名次．．．．不過羅婷話問過唔肯講喎．．．．．之後又攞左張義種褔田咁啦，跟住就放學啦，去交轉賬張紙，點知佢同我講話要交埋副本．．．．．跟住我話朝早交左俾人，點知佢話要我搵番佢喎．．．．．我勁無奈囉．．．．又係朝早排隊果時胡同學話要交既，跟住仲話交俾佢．．．．有其他人都交左，跟住搞到我要去影印．．．．．．又要排過隊．．．．．無奈．．．．．跟住就去舊書買賣果到，都冇中四既書既，都唔知有冇搞錯．．．．．之後就遊黎遊去，睇下有冇人買我啲書啦，出奇地都唔見得幾多本係我自己嫁，哈哈哈，跟住有個人拎起我本書，話：「咦，呢本都好新喎。」咁樣喎，哈哈哈，之後就攞左喇，之後遊左幾遊，同何同學媽媽傾左幾句咁，我就發現我係要番屋企食飯，於是就唔等佢地喇．．．．．佢地都好似唔想番屋企咁既．．．．．．之後就打俾媽媽話我去買外買番屋企一齊食，點知個電話講講下冇電！之後就去左大家樂買左兩個餐，四十三蚊嫁，我請媽媽食飯呀，哈哈哈，跟住又真係幾好味嫁，食完之後我就訓覺啦．．．．．點知ａａ叫我去打麻雀喎．．．．．我鬼咁眼訓，於是就唔去喇，哈哈，之後到三點幾就出去攞賣書既錢，仲撞到何同學，一齊去攞，番到屋企計下條數，係爭勁多，又番過去，熱鬼死我呀．．．．．．之後計番，我總共係賣左
＄１２２４嫁，幾多，佢地話我賣得最多呀，哈哈，不過又真係幾多，三十三本賣淨六本∼哈哈，我未試過拎住咁多錢周街行．．．．．．仲要係好多大餅．．．．番到屋企熱到傻左．．．．．之後就沖涼，食飯．．．．．．跟住開下電腦．．．．．
※Ｐ.Ｓ 我聽日去ｃａｍｐ喇，已經計劃好哂聽日點同羅婷癲喇，哈哈哈，而家要執野．．．．．
刊登時間︰2005-07-24 09:13 PM [ 訪客留言(0) ] [ 編輯日誌 ] [ 分享至FACEBOOK ] |
|
« | 140 | 141 | 142 | 143 | 144 | 145 | 146 | 147 | 148 | 149 | ... | 168 | »
|
------------------------------------
mｙ ｆd仔s∼／／
